Radio Romania International

Arhiva :

Revista di presă (14.09. 2010)
(2010-09-14)
Atea dit soni aspuneari: 2010-09-14 12:01 EET Print
Ună di ani ma avdzătili mintireaji tu dun’eaua a afacerilor, cazul Sorin Ovidiu Vantu, acaţă protili frăndză tu presa românească . La aproapea ună stâmânâ di la bâgarea a lui tu hapsi preventivu ti 29 di dzăli, avocaţăl’i spusiră furn’iili ti cari lo aistă apofasi Tribunalu Bucuresti. Uidisit cu aistu , emburlu V~ntu vru ta s-ambudyiusească giustiţia şi procedurili di extrădare a fugarlui Nicolae Popa. Popa easte luyursit mâduua ţi dusi la surparea a FNI, sistem di acumulare di păradz adrat taha ti unu fond dişcl’is di investitii ţi pănă tru soni adusi unu urutu prejudiciu a sistemlui financiar-bancar dit Romania şi unu numir mari di oamini ţi băgară păradz tu elu. Popa fu băgatu tu hapsi 15 an’i ama tu anlu 2000 fudzi dit văsălie. Mizi tu anlu 2009, cu adruparea Interpol, fu aflatu şi băgatu tu hapsi Jakarta. Tu Indonezia, Popa avu hăiri di adruparea cu păradz di la Vântu , păradz ufilisiţ ti ambudyiusearea a procedurilor di extrădare, dupu cum dzăcu procuroril’i. SOV avea sinfer ca Popa s-nu hibă adus tu văsălie iu dosarul FNI s-poati s-hibă dişcl’is ti alâxeari . Cra va s-facă ună nău proces, Popa s-poti ta s-da declaraţii ţi s-lu mintească şi asociatlu a lui, SOV. Cotidianul Averlu scoati tu padi că Vântu fu băgatu hapsi după ună sesizari adrată di SRI după ascultarea a convorbirilor telefoniţi a emburlui cu motivaţia di atentat la siguranţa naţională. Avocaţl’i a lui yrăpseaşti jurnalu spunu cum atenta muştirălu a lor la siguranţa naţională, dândalui di informaţii clasificate. Ei andrupăscu că dosarul al SOV easti ăntân’lu dit Romania tu cari s-caftă băgarea tu hapsi ti infracţiunea di agiutari a infractorului, ti cari easti pruvidzută hapsi intră doi şi sapti an’i. Bâgândalui tu ziyă argumentili pro şi contra tu proceslu al Vântu, jurnalu Gândul yrâpseaşti că instanţa di giudicată insistă ti piricl’iu ţi lu spuni Vântu , ţi dusi ninti infracţiunea şi după meslu andreu 2009,cându s-avea ahurhită mutrearea penala contrra a lui. Interesantu easti că Nicolae Popa nu pricunuscu că lo pradz di la SOV prit intermediari. “Popa şi deadi zborlu al SOV ca nu-va hibă purdotu”,spuni Romania Libera ţi scoati tu miydani că Vântu apruche ta să-l’i pitreacă al Popa 200.000 euro cafi anu ca aistu s-tin’isească “nomlu a tăţearil’ei ”. Să spusi ti băgarea tu hapsi al Vântu că easti ună cumandă politică. Jurnalul National scrie ama că “Iţi antipatie scoati tu miydani avdzâtlu SOV, aistu ari până tu soni andreptlu constituţionalu ti unu proţes echitabil. Autor:Valentin Tigau Armâneaşti: T.E

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International