|
|
| Un nou Patriarhu ti Bisearica Ortodoxă Română |
| (2007-09-13) |
| Atea dit soni aspuneari: 2007-09-21 20:24 EET |
“Daniel easti noul Patriarh” – da hâbari pi prota frândzâ jurnalu bucureştean ZIUA, dupâ ţi mitropolitlu ali Moldovâ ş-ali Bucovinâ fu aleptu, n’iercuri, Patriarhu ali Bisearicâ Ortodoxâ Românâ (majoritarâ). Tu Colegiul Electoral Biserichescu, for compus, em di cleriţ em di laiţ, (multâ di el’i politicien’i şi emburi cu mari puteari, elu lo 95 di voturi, cu 29 ma multi di prinţipalu a lui contracandidat, octoghenarlu mitropolit a Clujlui, Bartolomeu. Dupu standardili tradiţionali ali BOR, Daniel , tu ilichie di 56 di an’i, faţi parti ditu bârnul a tirirlor ţi suntu ananţâ cleriţ. Faptu tu Banat (sud-vestu), tricutu la monahismu tu Moldova (estu) şi aleptu mitropolit nica ditu ’90, elu feaţi studii teologhiţi Bucureşti, cumu şi facultăţ di teologie protestantă ş-catolicâ ditu Franţa şi GHirmânia. Ari dauâ doctorati, sh-fu profesor, nâscântu chiro tu Elveţia. Aşi, Daniel u duţi ninti raditia patriarhilor carturari, inauguratâ, tu chirolu anamisa di dauâli polimi mondiali di Miron Cristea. Iara alidzearea a lui curma speculaţtiili cari dzâcu câ BOR eara ândreaptâ s-alasâ nanaparti di itia a pasiu’ilor şi idiosincraziilor ditu lumea laicâ, la cutuma niscriatâ cari dzâsi câ Patriarhu agiundzi daima mitropolitlu ali Moldovâ. Dupâ aţea adră tu vâsilie instituţii di înveţu teologhic şi sociali, publicaţii relighioasi şi postul relighios di radio Trinitas, şi feaţi, dzâsi ROMANIA LIBERA, ditu Mitropolia ali Moldovâ “nai ma avuta ditu vâsilie”, elu easti luyursitu şi unu bunu manager şi comunicator. Ti aţea vahi ângrâpseaşti EVENIMENTUL ZILEI, easti “ndrupatu ş-di emburi ş-di politicien’i.” Detaliu importantu tu unâ vâsilie majoritar ortodoxâ di puţân chiro aprucheatâ tu UE, Daniel easti luyursitu di mulţâl’i suporteri un reprezentantu ali areaptâ reformatoari şi ecumeniâ ali ortodoxie româneascâ. Di altâ parti adversarl’i, niţi aeşti puţân’i, dzâcu câ easti unu mason “vindutu ali Ascâpitatâ protestantâ.” Teologlu Radu Preda faţi timbihi câ Daniel va s-hibâ obligatu s-imnâ cu angâtanu anamisa di dauâli curenti (TRACK): “El va s-ducâ ninti, amu nâdie, angajamentili ecumeniţi tu cari easti di unâ banâ aproapea şi luyursescu câ va s-veadâ zori s-facâ tu idyiul chiro unâ turlie di echilibristicâ teologhicâ şi pastoralâ, aşi câ aestâ dişcl’ideari s-nu intrâ tu conflictu cu turlii turlii di tendinţi, maxusu tu mediul monahal, cari bagâ sumu semnul a ântribaril’ei dişcl’idearea ecumenică tu gheneral ali Bisearicâ Ortodoxâ andicra di alti Biseriţ.” Lucid şi sarcastic, un altu teolog laic, Florian Bichir, spuni câ “nu poţ s-azburăşti ti dişcl’ideari şi s-ai tu cler prefţâ cari pistipsescu câ Internetlu easti hâlatea a harlui şi câ televiziunea aduţi a Sodoma ş-Gomora.” Daniel easti şasilu Patriarhu dupâ ţi BOR agiunsi autocefalâ şi ântân’ilu dupâ ţi, chiro di patru dechenii, strâbâtu irniulu a comunismului ateu. A lui âl’i câdzu, cu lun’in’i şi aumbri clirunumia a Patriarhului di ma ninti, Teoctist, aleptu tu 1986 şi cari muri, estan, tu alunaru, tu ilichie di 92 di an’i. Va s-hibâ tu frâmtea a unâl’ei instituţie cari acaţâ protlu locu tu tuti sondajili di opinie mutrinda pistea a român’ilor. Ama cari fu cutuyursitâ câ nu s-measticâ aproapea ici tu problemili sociale, ti pasivitatea alu Teoctist andicra di abuzurli ali dictaturâ, cum şi ti colaborarea a nâscântor membri CEB, em cleriţ, em laiţ, cu poliţia politicâ a regimlui comunistu. Tamam ti aţea, aşi cum titreazâ COTIDIANUL, “votanţâl’i al Daniel, cari di aieri agiumsi Parahâriosu, aşteaptâ di la aestu reforma.”
Autor: Bogdan Matei
Armânipsearea: Irina Paris
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-05
Print
Puteţ s-avdzâţ căndţido