Radio Romania International

Arhiva :

Automobili Ford va s-adarâ ş-tu Românii
(2007-09-12)
Atea dit soni aspuneari: 2007-09-13 13:40 EET Print
Pâradz puţân’i, multi tâxeri – aşi caracterizeazâ analiştil’i icuonomiţ ancupârarea a pachetâliei majoritarâ di acţiun’i a favricâl’ei Automobile Craiova (sudlu ali Românie) di gruplu amirican Ford. Contractul di privatizari a favricâlei di Craiova faţi dit Românie nai ma importanta vâsilie ţi adarâ automobili tu Europa di Sud-Estu. Gruplu amirican Ford va s-pâlteascâ 57 di miliun’i di euro ti 72,4% ditu acţiun’ili ali societati craioveanâ. Suma nu easti mari, ama producătorlu amirican tâxi câ va s-facâ investiţi substantiali ti modernizarea ali favricâ şi s-facâ diplo numirlu a lucrâtorlor, di la 3.500 la 7.000. Easti zborlu ti investiţii di 675 di miliun’i di euro tu favrica di Craiova, cumu şi ancupârarea di pârmâtii produsi ş-componenti di pi pâzarea dinutru tu valoari di un miliard di euro, pânâ tu 2012. Ford ari naeti s-vindâ nafoara ali Românie 80-90% ditu producţia ţi s-faţi tu vâsilie, numirlu a autoturismilor asamblati hiinda di 48 di n’il’i tu protlu anu şi vârâ 300 di n’il’i tu 2011. Bitisearea a aiştui proiectu va s-ducâ la criştearea ali producţie di autoturismi româneşti la ma multu di 500 di n’il’i di unităţ cafi anu, luânda tu isapi şi modelili Dacia, produsi di concernul francez Renault, tu câsâbălu Piteşti (sud). Reprezentanţâl’i Ford, dzâsirâ câ aestu va u dânâseascâ favricatia a modelilor Daewoo, produsi di aţelu di ma ninti nicuchiru sud-coreean ali uzinâ di Craiova, şi va s-producâ tu Românie un nou model, ţi easti tora tu proiectari tu Ghirmânie ş-Marea Britanie. Specialiştil’i auto luyursea, tora ayon’ia, ca easti zborlu di noulu Fiesta, un automobil cari lipseaşti s-intrâ tu producţie di serie tu 2008. Premierll Călin Popescu Tăriceanu declara câ pâhălu cu cari fu vindutâ uzina di Craiova nu easti prinţipalul obiectiv a aiştei privatizari ş-câ" scupolu prinţipal easti sâ s-facâ unu proiectu industrial di anvergurâ”. Pritu aestâ privatizari avemu tu scupo, tu principal, efectili icunomiţi ţi li poati s-li aibâ unâ ahtari intreprinderi – spuni Tăriceanu. El cama declara câ pritu ancupârarea di Ford a pachetâl’ei majoritarâ di acţiun’i la Automobile Craiova, putemu s-azburâmu di prota investiţie industrialâ amiericanâ majorâ tu Românie. Ford Motor Company vini cu singura ofertâ ti loarea a pachetâl’ei ma mari di 72% ditu capitalu social ali favricâ Automobile Craiova. Cu oferti niangajanti avea vinitâ General Motors Corporation şi compania Russian Machines, cari ama dapoia nu mata si scriarâ tu cursa ti privatizari. Ti divizia europeanâ a gruplui Ford anlu 2006 fu al treilea consecutiv tu cari s- înreghistră profit, iara contribuţia ali divizie la vinderli ali companie pi pâzarea internaţionalâ fu di aproapea 30%. Autor: Daniela Stefanescu Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International