|
|
 |
Arhiva :
|
|
| Un anveț băgat tu practichii di Constantin Cosmescu |
| (2007-09-11) |
| Atea dit soni aspuneari: 2007-09-11 10:56 EET |
Un anveț băgat tu practichii
ică Avucatlu și huryeatlu
( Scenetă tu un act di Constantin Cosmescu )
HURYEATLU: Bună-ț oara, doamne avucate!
AVUCATLU : Ghini viniși,oaspe, tri ți ță easte vinita?
HURYEATLU : Viń , doamne avucate s-ță caftu un ănveț.
AVUCATLU : Multu ghini, fratili-a meu! Tri ți luyurie?
HURYEATLU : Ia, Mislu al Rom mi ămprumută cu patru liri.Aoaltadz, tri sumedru s-feați anlu di căndu mi mprumută și-ńi căftă dgheafur tri ațeli păradz. Ți s-fac eu măratlu? Suflitlu va s-ńi scoată.
AVUCATLU : Cățe nu-li păltești, moi criștine? Cara liai păradz cu dgheafur lipseaști s-păltești. Ași-i ăndreptu.
HURYEATLU : Ași-i, doamne, ma nu-am cu ți s-păltescu.
AVUCATLU : Ia dă-ńi s-u ved cartea!
HURYEATLU :Ți carte, doamne?
AVUCATLU : Ligătura, cunduratea ți-ai faptă cu Rom căndu li loași lirili.
HURYEATLU : Cunduratea, io nu adrai vărnă ligătură cu Rom, io nu-am vărnă carti.
AVUCATLU : Multu ghini. Ma, cara nu-ai ahtari carti, cându va s-vrei tini,atumțea, să-li păltești păradzli ți li-ai tri dari. Avdzăși i nu avdzăși?
HURYEATLU : Cum? s-poati lucurlu aestu?
AVUCATLU : Cum ță dzăc, ași easti, bagă-u căciula strămbă.
HURYEATLU : Cum, doamne, căndu un om easti ligat cu carti, cu lai pi-albă, cara s-va poati s-nu-sh păltească borgea?
AVUCATLU : Poati multu ghini s-nu păltească, ma ș-easti că ari inimă urută.
HURYEATLU : Ședz cu sănătati, domnu avucat, să-ńi bănedz pri ațea ți ńi-ai spusă.
AVUCATLU : Ședz cu sănătati ăńi dzăts, ma ti-agărșiși că ănvețlu nu s-da fără di arucutoși?
HURYEATLU : Ți arucutoși, doamne?
AVUCATLU : Lipseaști să-ńi dai dzați groși, că ti nvițai di ascăpași patru liri.
HURYEATLU : Cum, doamne, ai ăndreptu s-liai di la mini dzați groși?
AVUCATLU : Nică ăntribari ța lipseaști?
HURYEATLU : Ai vărnă carti, di mâna a mea, că ț-am ti dari ținți păradz?
AVUCATLU : Nu.
HURYEATLU : Atumțea, după cari nom ăńi căftași păradz? Cum, ași-i luyuria, s-căftăm păradz făr di nom? Tini, doamne, ca avucat, nu cunoști nomlu, barim căt ti-ahăt? Ăńi pari- arău!
AVUCATLU : Cum, moi huryeate, tini va s-ńi aspuńi a ńia nomlu? Pri ți minti ti-afli, mărate; ca s-nu-ńi păltești ăndreptul a meu?
HURYEATLU : Ursea, doamne, și dă-mi tru giudeț, s-easti că ț-am țiva tri dari. Ma multu cu tini nu am zbor.
AVUCATLU : Ma nu ță dzăși tră mini ca s-nu-ńi păltești. Mutrea ghini că amărtii faț cum ti porță cu mini, multu arău faț, moi criștine!
HURYEATLU : Ca s-nu-li păltescu al Misu al Rom, ne amărtii, ne arău easti. Am tini, nu ești om ca năs? Di iu aestă ăndriptati?!
AVUCATLU : Păltea-ńi, că tini știi dipreapoia!
HURYEATLU : Nu ti-aprindi, doamne, că nu mi-aspar di măńili a tali. Li vedz brațăli a meali di huryeat? S-nu ti anvărligheadză năsi, că va ță cărțănească oasili.
AVUCATLU : Să-ńi dai ăndreptu a meu, ță dzăc!
HURYEATLU : Va s-ță păltescu-a țăia, căndu va-li păltescu ș-al Misu al Rom. Ședz cu sănătati, doamne avucate!
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2026-03-11
Print
Puteț s-avdzâț căndțido