| BNR istorie si actualitate (06.09.2010 ) |
| (2010-09-06) |
| Atea dit soni aspuneari: 2010-09-13 12:44 EET |
 Tu 2010, Banca Nationala ali Romanie iurtuseaști 130 di ani di anda fu adrată, pi 5 si yismaciun 1880 anda s-adră prota andamusi a consiliului di administrație ali instituție. Tu cuvenda țânută cu furnia aiștui evenimentu, seflu di la BNR, Mugur Isarescu nai ma longeviv guvernator a unăiei bancă chentrală dit lumi -, dzăsi ca institutia ți u cumânduseaști easti solidă, stabilă, cu pistusini , reformatoari, ama și dinamică, ajutândalui văsilia s-treacă di momentili greali prit cari tricu tu istorie. El adusi aminti ca BNR pălti hargili tu protlu polim mondial, iara tu chirolu interbelic, avu rol importantu ti darea silă ali economie. Isarescu dzăsi că, tu ani;lii 20 ditsoni, BNR și-filisi expertiza instituțională și experiența , ama avu hăiri tu proceslu di reformă și di agiutorlu altor bănchi chentrali și a născântor instituții financiari internaționali. BNR easti 16-a bancă chentrală dit lumi tu arada cronologică , iara tor, easti membră a sistemlui european a bănchilor chentrali, tu ună gaireti ti ndridzeari ali monedă unică. 'Ma s-mutrim tu yinitor și prit prisma aților 130 di ani di activitati, BNR armâni susto ti borgea di simen ali stabilitati a păhadzlor și a stabilitatilei financiară tu România. Gairețli a noasti va s-hibă ti lucurlu deadun cu Guvernul ali Românie ti promovarea a născântor politiț sănătoasi și di stabilitati, ta s-trițem di zorea ți u avem tora dzăsi Mugur Isarescu. Zboara ti alâvdari a BNR-lui avu si seflu a statlui Traian Basescu, cari luyurseaști ca Banca Națională easti nai ma vadzată instituție a statlui român, ți agiută la trițearea a zorilei prit cari văsilia si societatea tricu tu 20-li ani dit soni. Traian Basescu : '' Si tora, cum ș-tu alti arădz, Banca Nationala fu climată s-anvălească xichea di apofasi politică. Him tu ună gaireti di ndridzeari economica, di băgari a echilibrilor macroeconomiți, iara avangarda fu Banca Nationala ali Romaniei''. Vinit la yiurtuseari, prezidentul a Băncălei Chentrală Europeană, Jean Claude Trichet, ghinui cumândusearea a BNR ti politica monetară tu conditii greali s-deadi curayi a Guvernului roman tu proceslu di băgari tu practichii a apofasilor di curayiu dit domeniul a politicilor financiari și economiți. Jean-Claude Trichet : ''Nu lipseaști s-him hăristusit. Armâni ună problemă di timeliu ti România, cum ș-ti alanti economii, s-adară proceslu di reformă tu una modalitate activă și s-bagă fundamentili ti evoluții macroeconomică, di thimeliu pi chiro di mesi, ți s-aibă ună politică fiscală sănătoasă''.
Autor: Andrea Bojoi
Armânipseari: Aurica Piha
|
2025-04-03
Print
Puteț s-avdzâț căndțido