Radio Romania International

Arhiva :

ANANGHEA TI DUŢEREA NINTI A REFORMILOR
(2007-09-07)
Atea dit soni aspuneari: 2007-09-10 15:04 EET Print
Maca giudicamu dupâ cuvenda ţi u ţânu gioi dinintea a parlamentului di Bucuresti, prezidentul ali Comisii Europeanâ, José Manuel Durao Barroso, nu vini tu Românii niţi s-alavdâ, niţi s-criticâ. Zborlu ţi-l ţânu dumnil’ia a lui s- concentră pi rolu importantu ţi România lu-ari ti modelarea a yinitorlui ali Uniuni Europeanâ, pi ananghea ca Bucureştiul s-li ducâ ninti reformili, ama ş-pi contribuţia pi cari guvernul a vâsiiil’ei a noastrâ u avu ti adrarea a bunâ tratatlui european, cari poati s-hibâ adoptat pânã la alidzerli europeni ditu cirişaru 2009. José Manuel Durao Barroso: “Aderarea ali României la Uniunea Europeanã a fu unâ isturii di sucţes em ti România, em ti Uniunea Europeanã. Cu tuti aesti România prindi s-ducâ ninti implementarea a reformilor di thimel’iu ta s-poatâ sâ s-hârseascâ di tuti alâxerli ţi s-facu tu Europa şi tu lumi. Parlamentili naţionali, inclusiv aţelu a vostru, va s-agioacâ un rol tutu ma mari ti adrarea a yinitorlui ali Europâ. Alidzerli ti Parlamentul European agioacâ un rol importantu tu arãspândearea a mesajlui ti rolul ali României tu Europa. Tinderea scoasi tu migdani cã easti unâ sursã majorã di puteari ti Europa.” Prezidentul ali Comisie Europeanâ feaţi timbihi cã nâscânţ român’i agiumsirâ euroscheptiţ şi lâ câftă a parlamentarilor s- prezintâ ali opinie publicâ hâirea realâ ali integrari, fãrã tâxeri pi cari Europa nu poati s-li tin’iseascâ, sâ scoatâ tu migdani cã proţeslu di integrari nu easti unu di şcurtu chiro. José Manuel Barroso dzâsi ş-câ şi aşteaptã ca şi parlamentarl’i român’i s-ufiliseascâ un mecanismu ufilisitu ma ninti ş-di alti leghislativi europeani, aţelu s-colaboreadzâ directu cu Comisia Europeanã ti redactarea a nomurlor autohtoni. Dupâ cumu s- veadi, tu discursul a şeflui a executivlui european eara temi importante, ama cumu s-vidzu ş-altâ oarâ cazuri, poati ş-cama interesanti furâ apandisli la ântribărli a parlamentarlor român’i icâ tamam xichea a unâl’ei apandasi. Maş dauâ exempli. Barroso nu vru s- comenteazâ naetea a prezidentului ali Românie s- organizeazâ, tu paralel cu alidzerli ditu meslu brumaru ti Parlamentul European, un referendum ti alâxearea a votaril’ei pi bazâ di listi cu votlu uninominal, spunânda câ easti unâ chestiuni internâ. Tu un interviu dat la Radio France International, el şi spusi ama nâdia câ alidzerli va s-reprerzintâ unâ oportunitati ta s-azburascâ ti chestiun’i europeani, ţicara câ ş-tu alti vâsilii ahtări muabeţ suntu contaminati di chestiun’i di politicã internã. Dapoia, l;igatu di yinitorlu european ali Ripublicâ Moldova, viţina a noastrâ majoritar românofonâ, José Manuel Durao Barroso alâsă sã si-acâchiseascâ cã, tora, aestã vâsilie nu easti ândreaptâ ta s-agiungâ candidatã la aderari. Lucru ştiutu, ama cari, mai multu ca sigur, nu va-l’i facâ pi politicien’il’i român’i s-nu mata u ndrupascâ a continui sa pledezi cauza ali Moldovâ. Autor: Mihai Rădulescu Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International