Radio Romania International

Arhiva :

STRATEGHIA ENERGHETICÂ 2007 – 2020
(2007-09-06)
Atea dit soni aspuneari: 2007-09-06 13:07 EET Print
Ahurhinda di n’iercuri, Romania ari, unâ strateghie energheticâ naţionalâ pi chiro lungu, dimi pân tu anlu 2020. Unâ strateghie ândreaptâ di Ministerlu ali Icunumie şi Finanţilor şi aprobatâ tu şedinţa di guvernu tora ayon’ia. Maca easti hâirlâticâ icâ nu, maca vini tu chiro icâ para amânatu, va s-videmu. Sâ spunemu câ documentul vulusitu di executiv pruveadi investiţii thirii, ţi agiungu la 35 di miliardi di euro, ti modernizarea a unităţlor energhetiţi ţi suntu şi construcţia di unităţ nali, ama ş-ti programi di avigl’iari a fisil’ei. Ţi scupadz ari strateghia ânviţămu di la primul ministru, Călin Popescu Tăriceanu, cari spuni câ: “Obiectivlu gheneral ali strategie energheticâ easti asiguripsearea ali ananghi di energie electricã em pi chiro di mesi, em pi lungu chiro, la un pâha câtu cama n’icu, unu pâhă câtu ma accesibil ti consumatori, tu condiţii di calitati şi tu condiţii di sigurantă ali aprovizionari. Aţel’i trei scupadz prinţipali ali strategiei acoperă securitatea energeticã, dezvoltarea durabilã şi competitivitatea sectorului energetic.” Tu aradha a lui ministrul ali icunumie şi finanţilor, Varujan Vosganian, pistipseaşti câ: “Nai mai importantul lucru pi chiro lungu easti aţelu că strateghia energheticã îşi priupuni s-ândreagâ resursili energhetiţi ti ândruparea a dezvoltaril’ei icunomiţi. Strateghia energhetică ari tu videari, practic, adrarea diplo ali producţie di energii electrică la orizontul a anlui 2020, iara hârgiuiarea tu chirolu 2015-2020 va s-alinâ di la 75 pânã la 85 di TerraWatt, atea ţi însimneadzâ că România, tu daua giumitati a decheniului ţi yini, va s-hibâ unu di exportatorl’i importanţi dit reghiuni.” Ântră altili, la aestâ va s-agiutâ la finalizarea şi bâgarea pi lucru a reactoarilor nucleari trei şi patru di Cernavodã, tu sud-estul ali Românie, cum şi a nâscântor importanti ândridzeri hidroenerghetiti. Tut nâoarâ, easti posibilâ adrarea unâ nauâ companie tu dumenea ali energhie electricâ, prit adunarea a unitaţlor di producţie, aflati tu mari majoritati tu proprietatea a statului, şi a ândauâ reţeli di distribuţie armasi niprivatizate. Unâ companie cari, pistipsescu autorităţli, potu s-agiungâ un actor sânâtosu tu plan internu şi pi plan reghional. Premierlu Tăriceanu bâga oarâ câ vâsiliili ţi suntu anvârliga di România au ahtări companii multu sânâtoasi. S-adâvgămu ş-câ strateghia fu ândreaptâ dupã unâ consultari lâryurie cu tuţ factorl’i interesaţ şi dupâ unâ zburâri publicã pi mardzina a proiectului publicat pi site-ul a ministerlui di resortu. Autor: Mihai Rădulescu Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International