Radio Romania International

Arhiva :

Andamusea di cafi anu ali diplomaţie românească (02.09.2010)
(2010-09-02)
Atea dit soni aspuneari: 2010-09-07 9:51 EET Print
Di prota fesi tu politica externa românească easti aderarea ali vâsâlie la spaţiul Schengen tu meslu apriiur 2011, la oara pruvidzută. Aistu easti mesajlu pitricutu di prezidentlu Traian Băsescu a ambasadorlor tu vâsâliili ali Uniuni Europeană, la andamusea di cafi anu ali diplomaţie românească. Şeful a statului bâgă oară că suntu niscănţă ţi vor ta s-leagă problema ali comunitati romă di aderarea la spaţiul continental ali libiră urdinari. Aluzia easti la Franţa, văsălie ţi deadi silă la proceslu di repatriari a etniţlor romi cătra văsăliili di arăzgă cum România şi Bulgaria. Parisul câtâgursi Bucureştiul ti aţea ţi luyurseaşti eşeclu a politiţlor di integrare a romilor şi dzăsi că România nu lipseaşti s-hibă aprucheată tu spaţiul Schengen anlu ţi yini. Prezidentu Băsescu lă căftă pi di alta parti , a ambasadorilor dit UE s-da tru şteari ti ligăturili di sândzi, cultură şi limbă întră România şi Republica Moldova, ti aţea Bucureştiul adrupasti fără di altă, Chişinăul tu proceslu di integrare europeană. Aduţem aminti că simplificarea a procedurilor ti darea a vizelor şi ali cetăţenie ti etniţl’i români dit Republica Moldova avu reacţii tu craturi dit Europa Occidentală, ţi aveau gaile că s-poati s-yină mulţă imigranţi moldoveni via România. Şeflu a statlui roman pricunuscu că ti naua puteari democratică dit Republica Moldova, legitimă, s-poati s-aiba tensiuni tu ligătura cu Rusia. Ama – dzăsi prezidentu – niţi aistă andrupari niţi aţea că militari american’i s-instruiescu tu tabere româneşti ili că elementi a scutului anti-rachetă ali SUA va s-hiba amplasati pi teritoriul naţional nu giustifică ună eventuală ostilitate ali Moscovă andicra di Bucureşti. Băsescu lă căftă a diplomaţilor să spuna că România nu easti ostilă ili contra ali Rusie, ama îşi mutreaşti interesili tu dumenea ali securitati şi ali politică energetică. Suntu , ama si interesi deadun intră dauli state, cum suntu irinea şi securitatea la Amarea Laie , alupta anti-teroristă, dănăsearea a traficlui di droguri dit Afganistan cătră Europa şi a traficlui di armati , cumdil’ie prezidentu. Tu dosarul Kosovo, România arămâni pi poziţia ta s-nu pricunoască independenţa ali provincie sârbă majoritar arbinesă şi easti ti pâzârâpseri directe pi aistă temă întra Belgrad şi Priştina. Tu bitisită şeful ac statlui ghinui ânvârtuşarea a ligatrurilor cu românil’i dit xeani şi aţea că , cu tuti griutăţli financiare di itia ali criză , Bucureştiul putu s-dişcl’idă năi consulate tu Italia, Franţa şi SUA şi s-ţână bugete acceptabile ti andruparea a comunităţlor româneşti di anvârliga a sinurilor. Autor: Ştefan Stoica Armâneaşti: T. E.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International