| Ună nauă sesiune parlamentară (1.09.2010) |
| (2010-09-01) |
| Atea dit soni aspuneari: 2010-09-07 9:52 EET |
 Opoziția soțial-democrată și ațea liberală di București andregu tu naua sesiuni parlamentară, ună sânătoasă ofensivă anti-guvernamentalâ. PSD deadi tru șteari că va s-bagă dauâ moțiuni simpli, unâ ti agricultură la Camera a Deputațlor și alantă ti sânâtati la Senat, tu chirio ți PNL va bagă tut ună moțiuni simplă, la politica a executivlui tu dumenea a lucurlui. Ași va s-dișclidă alumta contra a putearilei. Scupolu di prota fesi arâmăni, ama , darea naparti a cabinetului PDL ( popular, pro-prezidențial) UDMR, cumndusit di șeflu democrat-liberal Emil Boc. Di itia a numirului di parlamentari, PSD easti singura formațiuni dit opoziție ți s-poati s-bagă ună moțiuni di cenzură și dzăsio ma multi ori arada că va s-facă aistu lucru nai ma amânatu tu meslu sumedru. Tu ahurhita ali veară ună moțiune di cenzură băgată tut di PSD nu tricu ti maș năndauă voturi, aistu lucru lă da furnii a social-democrațlor ta s-caftă cumată cu cumată parlamentari ți s-andrupască aistu lucru. Liberalili suntu apufusiț s-treacă deadun cu PSD, ta s-da nafoară guvernlu Boc . S-pari , ama ca opoziția nu știe ți s-bagă tu loclu a cabinetlui PDL UDMR, tu cazlu tu cari moțiunea di cenzură va s-aiba succțes. PSD s-ducheaști că el lipseaști s-da yinitorlu prot-ministru. Di partea a lui PNL pistipseaștoi că nai ma buna cali easti un premier cu pistusini ,independent ili barim echidistant politic. Prezidentlu PNL, Crin Antonescu : Vărnu nu easti absurd să spuna că un guvern adratu tora tu loclu a Guvernului Boc, lipseaști ta s-hibă cumândusit di un prot-ministru liberal. Nu. Ti ațea dzăsim că lipseaști aflată ună personalitate ți s-nu hibă niți di la PNL, niți di la PSD, s-hibă ună personalitati cu pistusini avdzătă, independentă politic ili independentă di dauli partidi. Niachicăserli și orgoliile ți aspargu putearea ali opoziției nu slăghescu ama guvernlu, țieasti sum ună susto presiune politică di nuntru . Boțli democrat-liberale importanti căftară alăxearea a cabinetlui, aflănda căbati ca născănță miniștri nu suntu axi . Antânia protafesi a PDL easti s-țănă tu bană guvernlu, ațel di tora ili altu, împrustatu. Tru plan leghislativ, scupadzali suntu proiectili di nom mutrinda salarizarea unică a bugetarilor, educația națională și sistemlu unitaru di pensii.
Autor: Ștefan Stoica
Armâneaști: T. E.
|
2025-04-03
Print
Puteț s-avdzâț căndțido