Radio Romania International

Arhiva :

Priorităţi a nauâl’ei sesiuni parlamentarâ
(2007-09-03)
Atea dit soni aspuneari: 2007-09-07 11:41 EET Print
Dupâ unâ lungâ vacanţâ di vearâ, cari tsânu doi meşi, Parlamentul bicameral di Bucuresti s-adună ta s-dişcl’idâ sesiunea di toamnâ. Easti, vahi, antepenultima sesiuni ali leghislaturâ di tora. Câţe, ma s-nu hibâ di s-facu anticipati, tu işita a anlui 2008 suntu, programati, tu vade, nali alidzeri parlamentari. Tu prumvearâ, deputaţl’i şi senatorl’i au adunatâ, em restanţi em unâ dramaticâ xichi di imaghini. Suspendarea a prezidentului Traian Băsescu di unâ majoritati conjuncturalâ fu datâ nanaparti, prit referendum, di trei cirecuri ditu electorat, unâmârtirie câ anamisa di parlamentari şi aligâtori s-feaţi un surpu. Fudzearea benevolâ a Partidlui Conservator di la guvernari şi excludearea a miniştrilor PD (pro-prezidential) alâsarâ la guvernari un cabinet minoritar PNL-UDMR, cu unâ ndrupari 20 maş proţenti, ama pi cari idyea majoritati conjuncturalâ lu votă pi ayunie. Nu easti unâ ciudie câ tu nai ma cuvârdoasili sondaji di opinie, rata di pisti a român’ilor tu Parlamentu easti di maş 10%. Vrânda tâş tora , s- puncteazâ la impresia artisticâ, prezidentul liberal a Camerâl’ei a Deputaţlor, Bogdan Olteanu, prezentă unâ lungâ listâ di priorităţ. Bâgarea a votlui uninominal tu loclu aţilui pi listâ, ţi easti pi lucru nica ditu 1990, scutearea dit funcţiili publiţi a activiştilor pâltiţ ma ninti di partidlu unic comunistu şi a aghenţâlor ali poliţie politicâ, avigl’iarea a fisil’ei şi bugetlu di stat pi anlu ţi yini – tuti suntu tu mapa al Olteanu: “Am zburâtâ tu Delegaţia Permanentă a PNL ti priorităţli politiţi dit sesiunea di tora, cari yin să s-adavgâ la priorităţli a guvernlui. Zburâmu aoa ti votu uninominal, ti ânchisearea diznou a muabeţloru pi tema ali lustraţie, ti unâ pachetâ tu dumenea ecologhicâ, tu cari s-avemu unu nomu cari spuni câ nu ari izini s-hibâ ufilisiti cianurli, unu nomu cari s-nu da izini sâ s-facâ construcţii tu parcuri. Aesti proiecti va s-hibâ bâgati icâ ndrupati or fi depusi sau susţinuti di PNL tu aeşti meşi şi am nâdie câ pânâ la işita a meslui sumedru eali va s-hibâ adoptati. Pi ningă eali sigura că avemu şi priorităţli importanti a guvernului ş- ali României, di cafi anu, cumu Nomlu a bugetlui, ţi lu-aştiptămu la giumitatea a meslui sumedru, şi tuti aest, sigura, va s-dizvârteascâ tu unâ sesiuni ca baia greauâ, tu cari, ahurhinda cu meslu sumedru, va s-ânchiseascâ şi campania electoralâ ti alidzeri europeani.” Tuti potu ama, s-hibâ mintiti maca guvernul, cumândusitu di liberalu Călin Popescu Tăriceanu va s-hibâ surpatu pritu moţiunea di cenzurâ pi cari liderlu social-democrat Mircea Geoanâ deadi hâbari câ ari naeti s-u bagâ. Aritmetic, aestâ prindi s-aibâ sucţesu. PSD ari, singur, ma multi mandati di aţeali ţi li au deadunu partidili di la co-guvernari. Ş-triţearea di partea ali moţiuni a alântoru trei formatiun’i din opozitie, PD, PC si PRM, vrea l’i-aasiguripseascâ un scor confortabil. Problema easti, ama, câ pesediştil’i işişi par aspâreaţ di cuvetea a loru. Prezidentul a loru di tin’ie, ex-şeflu a statlui Ion Iliescu, nu s-afirui s-ântreabă tu in public: “lu surpămu Guvernul, aestu easti lişoru lucru, ama ţi va sâ s-facâ dapoia?” Cândâsitu câ Băsescu va va s- bagâ un premier fidel, ditu PD, icâ nica ş-ma multu va s-forţeazâ alidzeri ninti di chiro, Iliescu feaţi timbihi câ PSD “easti tu piricl’iu s-intrâ iara tu izolari.” Autor: Bogdan Matei Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International