Radio Romania International

Arhiva :

Votlu uninominal şi alidzerli europeani
(2007-08-29)
Atea dit soni aspuneari: 2007-08-29 12:49 EET Print
Prezidentul Traian Băsescu feaţi timbihi aieri a Parlamentului ali României câ va s-convoacâ referendumlu ti votlu uninominal tu idyea dzuuâ cu organizarea a alidzerlor europarlamentari ditu 25 di brumar tu cazul cari forlu leghislativ nu va lu bitisească nomlu di bâgari a votlui uninominal pânâ di 25 di sumedru. Aestâ dupâ ţi PNL (la guvernarie), PD şi PSD ( tu opoziţie) s-acâchsirâ s-pitreacâ tu Parlamentu ta s-hibâ zburătu ş-adoptatu proiectul ali organizaţie Pro Democraţia mutrinda votlu uninominal. Proiectul pruveadi ca deputaţl’i şi senatorl’i s-hibâ alepţâ tu colegii uninominali, pritu votu uninominal, dupu principiul ali reprezentari proportionalâ. Tu cafi unu colegiu, cafi partid, alianţã electoralã icâ politicã va s-poatâ s-aibâ maş un singur candidat. Praglu electoral va s-hibâ, em ti Camera a Deputaţlor, em ti Senat, di 5% ditu voturli exprimati tu tutâ vâsilia. PSD lu ari aprucheatâ, oficial, proiectul ta s-nu alasâ impresia câ easti contra s-hibâ adoptatu Nomlu a Votlui uninominal, vrutu di marea majoritati a electoratlui. Ama analiştil’i politiţ, pistipsescu câ tu sinea a loru, social-democraţl’i nu suntu sinfun’i cu elu şi aşteaptâ discuţiili ditu plenlu dauâlor Cameri a Parlamentului ta s-facâ alâxeri. Liderl’i PSD voru ma multu un sistem di vot uninominal majoritar tu dauâ tururi, ca aţelu di la alidzerli ti primari, şi nu un vot mixtu. Minduita a PSD s- pari câ ari , surprizâ, ândrupari şi di partea a şeflui a statlui. Analistul politic Cristian Pârvulescu, aţel ţi pripusi a Parlamentului proiectul Pro Democraţia, spuni câ nu easti ciudusitu di sitemlu vrutu di sistemul Traian Bâsescu, câţe aestu l’i-asiguripseaşti a prezidentului unâ majoritati largâ tu Parlamentu. Calculili al Băsescu nu s-uidusescu ama cu calculili a partidilor politiţi, cari nu lu aproachi sistemlu uninominal tu dauâ tururi. Niţi macari aţel’i ditu PD (proprezidential) nu lu aproachi aestu sistem, câţe duchescu câ tu doilu turu scrutin tuti alanti partidi potu s-facâ suţâl’ie contra a candidatlui a loru şi azvindzearea va s-hibâ inevitabilâ - explicâ Pirvulescu. Liderlu PSD, Mircea Geoanâ, luyurseaşti câ declaraţiili alu Băsescu mutrinda convocarea a referendumlui pi votlu uninominal tu idyea dzuuâ cu euroalidzerli reprezintâ unâ manevrâ politicâ pritu cari aesti voru s-aflâ unâ câbili ta s-facâ unâ campanie a democraţlor la alidzeri. Geoană, dzâsi câ easti ma ghini ca votlu uninominal s-hibâ adoptat pritu procedura parlamentarâ, tra s-nu s-facâ hărgi nal’iurea ti referendum şi – dzâţi elu – vaş-u ufiliseascâ întreaga influenţâ parlamentarâ ti adoptarea a votlui uninominal. Autor: Daniela Ştefănescu Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International