Radio Romania International

Arhiva :

Agenţia Naţională di Integritati – Punctu şi di la cap (25.08.2010)
(2010-08-25)
Atea dit soni aspuneari: 2010-08-26 12:53 EET Print
Tricută di doauă ori prit Parlamentul ali Romanie şi contestată di ahânti ori la Curtea Constituţională, Legea ali Agenţie Naţională di Integritati, agiumtă la treia variantă, fu aprucheată, aeri, di plenlu a Senatului tu urnechea tricută di Camera a Deputaţlor. Cu ună singură excepţie – senatorilj nu aprucheară un amendamentu ali Comisie Juridică dit camera dinghios, ţi pruvidea exceptarea a liderlor di sindicati ta s-l’ia borgea ti băgari a declaraţiilor di aveari. Năulu actu normativ,ţi apruchea undă veardi ta s-hibă vulusit di prezidentul Traian Băsescu, apăndăseaşti ma ghini a căftărlor europeani şi a ideil’ei di pusputeari a averilor a demnitarlor, spun reprezentanţăl’ii a puteariei, contradzăsi ama di opoziţie, ţi tut cătuyurseaşti. Dupu noulu nom ANI, formularlu ali declaraţie di aveari, ţi va s-armână publică, va s-aibă dati legati di casi, conturi şi, singura rubrică secretizată hiindalui la adresa a casilor. Tu declaraţia di interesi va s-hibă tricuti contractili nchisiti cu statlu di demnitari. Ună altă pruvideari importantă zburaşti ti posibilitatea ca ună persoană care avu ipotisi di demnitar s-poata s-hibă pusputită la tri an’i timp de trei an’i di la dănăsearea a mandatlui. Secretarlu general al ANI, Horia Georgescu, luyurseaşti că urnechea di tora a nomlui easti multu ma bun andicra di veacl’ia criticată di Comisia Europeană. Tu raportul mutrinda reformili judiciari dit România, tipusit alunar, Bruxellesul dzăti că “volea politică nu agiundzi ta s-ndrupască procesili di reformă”, spunândalui că nomlu ANI, tu varianta tu cari fu apruheată ma ninti di senatori, eara largu di borgea loată di România tu momentul intraril’ei tu UE, tu 2007. Bunlu lucru ali Agenţie Naţională di Integritati reprezintă ună di condiţiile băgati di Comisia Europeană ta s-dănăsească mecanismul di vigleari ali Românie tu domeniili ali justiţie şi alumta contra ali aruşfeti. “Unăoară cu apruchearea a nomlui ANI, România amintă diznău ună parti di credibilitatea chirută”, luyurseaşti premierlu Emil Boc, aleptu di jurnalu ADEVĂRUL. Tu Senat, nu fu niţi un vot contra, aduţi aminti GÂNDUL, cari dzăţi că fură loati 78 di voturi ti şi ună abţineari, cu tuti niiftiserli a aţilor dit opoziţie: “Cu ună mobilizari exemplară a pedeliştilor, rezultatlu a votlui final fu loat şi cu agiutorlu a liberalilor, ţi dzăsiră că deadiră un “vot politic”, ta să spună că nu sunu : contra a intereslui naţional”, ama şi ti aţea că nu votară suţial democraţil’ii, ţi ş-loară asiguripsearea că nu va s-hibă “ţachi acaţaţ””. Autor:Corina Cristea Armânipseari: Aurica Piha

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International