| Năili miniștri s-acâțarâ di lucru |
| (2007-04-11) |
| Atea dit soni aspuneari: 2007-04-11 11:11 EET |
Ninti di sărbătorli pascali, Romania si-znui cu un guvernu. Maca executivlu ți vini la puteari tu andreu 2004 eara adrat di sutâlia ți amintă alidzerli PNL și PD, la cariș-adâvga PC ș- UDMR, ia că tora năili miniștri suntu maș di la liberali ș- di la maghiari. Conservatorliș-avea traptâ di la guvernari anu, iara PD-ulu fu exclus di la puteari di premierlu Călin Popescu Tăriceanu atumțea cându și-u adrâ naua echipâ. Itia a excludearilei? Ancâcerli anamisa di dauâli partidi soați, ama ș-ațea anamisa di premierlu liberal ș- prezidentul Traian Băsescu, ți li-ndrupaști democrațli. Șeflu a statlui dzâsi ți așteaptâ di la noulu executiv. Voi multu ca guvernul ali Românie s- bagâ pi aradhâ fânicolu dit energhie și ațel dit ancupârarea di yitrii, ti cari nu him axi s-organizămu licitații. Am nâdie câ va s-hibâ un guvernu cari s-creascâ putearea di absorbție ali Romanie ti fondurli europeani și s-li ampartâ pu ndriptati a tutulor ațiloru cari au ananghi di resursa financiarâ cari va s-yinâ veni di la UE.
Premierul Tariceanu li spusi concret, prioritățli a noului guvernu Alumta contra ali arușfeti armâni tu prota thesi pi aghendâ. U duțemu ninti reforma ali justiție em ta s-u nâscârsimu bana politicâ di arușfetri, em ta s-agiundzemu la un actu di justiție di turlie europeanâ. Bâgăm tu practichie proiecti ș-programi cari nâ da izini s-li ascâdemu dhiafuralili di dezvoltari anamisa di reghiunili ali Românie ș-armânerli nâpoi andicra di alanti vâsilii europeani. Lucrămu ta s-asiguripsimu unâ ratâ analtâ di absorbție a fondurilor europeani, ca sursâ di dezvoltari. Noulu ministru ali apârari, Teodor Meleșcanu, declară câ ari umuti s- ducâ ninti restructurarea ș-reformarea ali ascheri ș-alti. Tu unâ vizitâ sfuldziru tu Irak, Meleșcanu dzâsi câ lipseaști s-hurheascâ discuții interni ș-a poâzârâpseri cu aliațli ti ritrâdzearea ali ascheri romaneascâ dit aestâ vâsilie. Tu aradha a lui, ministrul ali icunumie ș-a finanților, Varujan Vosganian, vinit ș-elu cu planuri: Estan pripunem maș alâxeri cari s-agiutâ mediul di afaceri ș-tu spiritlu ali strateghie post-aderari. Tu ațea ți mutreaști axia institutionalâ ș-alumta contra ali arușfeti. Șeflu ali diplomație româneascâ, Adrian Cioroianu, declară câ nu va li alâxeascâ prințipalili linii di politicâ cuxeanili. Ca unâ nauâ el va s-adarâ un consiliu consultativ faptu di prezidentâli ș-miniștrili ti politica cu xeanili care eara la puteari dupâ 1990. Nu dip tu soni, ministrul ali dezvoltari, a lucrărlor publiți ș-a casilor, Laszlo Borbely, dzâsi câ va s-ândrupascâ unâ dezvoltari teritorialâ uidisitâ ali Românie.
Autor: Leyla Kiamil
Armnipsearea: Irina Paris
|
2025-04-03
Print
Puteț s-avdzâț căndțido