| Proțlii romi repatriaț (20.08.2010) |
| (2010-08-20) |
| Atea dit soni aspuneari: 2010-08-25 11:16 EET |
 Tută media di București da hăbari, pi prota frăndză i tu dișclidearea a programilor di habări, că gioi aterizară tu văsilie proțlii romi cu cetățenie română dat nafoară dit Frănție. Grupul di 61 di repatriaț fati parti dit un numir di 400 di persoani cari, până tu septembrie, va s-toarnă tu România dupu cum pruveadi procedura di turnari voluntară. Ta s-aproachi aestu lucru, chivernisea di Paris pălti 300 di euro ti un adultu și 100 di euro ti cathi un ficiuric. Aestă taxă di vigleari la cari văsilia ali băgă zori a contribuabilului francez, s- pari singura cali ta s-ampacă ndrepturili di cetățeni europeni a aiuștor nomadz, cum și dipirarea duchită di banători andicra di tăburli di pi domeniul public. Lucru pi laia, dicunurlăchi, furlăchi, trafic di persoani, putănălăchi, proxenetismu, criminalitati ghiftească , tuti aesti lăiet dit România fură exportati dapoia tu Occidentu. Ndirisit ca prezidentu a aiuștor concetățeni-problemă, șeflu a satlui român, Traian Băsescu, zbura ti ndreptul la liberă urdinari, ama tăxi că situația va s-hiba ndreapta prit moabeț cu Parislu. El adusi aminti că România pripusi, aua si doi ani, ndridzearea a unui program continental di integrari a romilor, ama fura văsilii membri ali Uniunii Europeană ți dzasira că nu easti ananghi ti aestu proiectu. Tora, isisi comisarlu european ti ndrepturli a omlui, Thomas Hammarberg, pricunoaști că problema nu easti națională, ama continentală. Tu interviu ti Radio România, el bagă stepsu ti metodili forte ali Franții, și adavgă că Bucureștiul bifă multu puțâni di misurili tăxiti ti integrarea a romilor tu 2007, anda Romania fu aprucheată tu Uniuni.Editorialistul a jurnalui ROMÂNIA LIBERĂ titreadză: Integrarea a ghiftalor? Ncăceat cu nomlu! Ună justiție paralelă, trafic di ficiuriț , ncurunari anamisa di minori, furtul, nipăltearea a taxilor și a impozitilor etc, etc suntu adeț ți țân di identitatea culturală a ghifțălor, atumțea autoritațili lipseaști s-aducă aminti di adețli a noastri, cari spun că oamenii ți adară ahtări lucri s-duc la hăpsani dzați ROMÂNIA LIBERĂ.
Autor: Valentin Tigau
Armanipseari: Aurica Piha
|
2025-04-03
Print
Puteț s-avdzâț căndțido