Radio Romania International

Arhiva :

Apandisi la ună stipseari di spionaj (18.08.2010)
(2010-08-18)
Atea dit soni aspuneari: 2010-08-25 11:13 EET Print
România apăndăsi la apofasea ali Rusie ta să u spună ca persona non grata şi ta s-lu avină un di secretarl’i ali Ambasadă română la Moscova cu ună luyurie di idyea turlie, aşi cum suntu ufiliserli diplomatiţi. Ministerlu ti Lucri Xeani di Bucureşti cutuyursi, tutunăoară, aţea ţi u spuni cu numa di călcari greauă di cătră autorităţli aruseşti a pruviderlor dit Convenţia di Viena mutrindalui ligăturli diplomatiţi, prit ţănearea ncl’is a diplomatlui acreditat Moscova ş-prit purtaticlu acutotalui niuidisit ţi-l’i si s-faţi aluştui. Convenţia adusă aminti pruveadi că persoana a agentului diplomatic easti inviolabilă ş-nu poati s-hibă ncl’is tu niţi ună turlie. Luni, Serviciul Rus di Securitate – FSB, ex- KGB – dimăndă că ncl’isi un agentu di informaţii român, cari s-pari că ari lucrată sum anvâlimintu la Ambasada ali Românie, tu chirolu anda minduia tra s-l’ia hăbări militari mistico di la un cetăţean rus. FSB deadi a presăl’ei moscovitâ filmul a aţilui aşi spus flagrantu şi alăsă să s-achicăsească că românlu avea tu minti ta s-l’ia hăbări ţi nu eara maş ti hăirea a Bucureştiului. FSB nica spusi că âl’i lo a aşi spuslui şpion mehaniili ţi spun ti lucurlu ţi aestu lu dizvărtea contra ali Rusie. Hăbărli avea tu isapi Ripublica Moldova (ex-sovietică, majoritar românofonă) şi Transnistria (estul Moldovei) separatistă şi rusofonă. Diplomaţl’ii di Bucureşti suntu ciudusiţ di ixichea di discreţie cu cari lucrară serviţiili aruseşti tu aestu caz, contra di iţi cutumi. Exghisearea a lor va s-hibă aţea că apopfasea easti ună demonstraţie ţi ari scupolu ta s-cundil’iadză ncuntrarea andicra di statlu ti cari s-faţi zburârea. Un stat membru ali Alianţă Nord-Atlantică - pi cari doctrina di securitati ali Moscovă u spuni, ma largu tu cartea a duşman’ilor extern’i - şi un stat cari şi spusi dişcl’is andrupâmintul ti coaliţia pro-occidentală di Chişinău, atea cari alăxi anduphisita puteari comunistă pro-rusă. Furn’ii di ncuntrari va s-hibă dimec, duri. Inţidentul diplomatic româno-arusescu va s-aducă ună zn’ie tu arada a ligăturlor di dauli părţă, şi hiindalui araţi, luyurseaşti aţel di ma ninti ministru ti lucri xeani di Bucureşti, Teodor Meleşcanu, tu ună declaraţie ţi u deadi ti jurnalu ROMÂNIA LIBERĂ. Demonstraţia a FSB ari şubei ti un altu destinatar, luyurseaşti aţel di ma ninti decan ali Academie Naţională di Informaţii, Cristian Trancotă. El spuni, tut tru ROMÂNIA LIBERĂ, căţe căvgălu cu diplomatlu roman yini dupu unâ dalgâ di niândridzeri a agenţiilor di informaţii dit Rusia, întră cari aţel cu naima marea vazi fu acăţarea tru SUA, a aţilor 11 di inşi cari spiona ti el’i. Acţiunea a FSB vrea s-aibă tru scupo, dimăndarea a unlui semnu ti opinia publică dit văsilia işiş, spuni profesorlu Cristian Trancotă. Textul: Ştefan Stoica Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International