|
|
| Vizita a prezidentului israelian, Bucureşti (13.08.2010) |
| (2010-08-13) |
| Atea dit soni aspuneari: 2010-08-16 11:59 EET |
 Vizita al Shimon Peres Bucureşti, prota tu România a unlui prezidentu israelian di la thimiljiusearea a aiştui crat, tru 1948, acăţă tru isapi aduţearea aminti a andamusilor româno-uvreieşti dit tricutlu chiro şi construcţia a unlui yinitor andrupăt pi aţea ţi ari nai cama bun aestu tricut. Shimon Peres hiritisi turlia mplină di curayiu prit cari România ş-lo borgea ti acţiun’ili antisemiti dit chirolu a doilui polim mondial. Borgi ţi agiumsi tru chipită prit thimiljiusearea, tru anlu 2005, a Institutului Naţional ti studierea a Holocaustului tru România, ţi poartă numa a laureatlui Nobel tră irini, Ellie Wiesel, amintat Maramureş (nord-vest). Shimon Peres adusi aminti ş-di ascăparea cu agiutor românescu, a atilor 400 di n’il’i di uvrei, cari, ma amănat, cilăstăsiră ti adrarea a Israelui, di ş-tănură tru bană cultura şi vrearea ti România. Suţăl’ia anamisa di aţeali dauă populi va s-ducă ma largu ş-cu chirolu ş-tru istorie, ari nădie Shimon Peres. El hiritisi ti minduita a Bucureştiului tu ţi mutreaşti irinea tru Orientul di Mesi Mijlociu ş-ti terorismu. Tu minduita româneascâ, nâpoi adusă aminti şi spusă di prezidentul Traian Băsescu, em păzărăpserli a Israelui cu Autoritatea Palestiniană, em aţeali cu Siria lipseaşti s-ahurhească fără căftări di ma năinti băgati, ţi suntu duchiti maş ca izvuri di ambudyiuseari. România avu, un chiro ma ninti, un rol ţi nu easti ici ti niacăţari tru isapi tru proţesul di irini tru Orientul di Mesi nica şi păzărăpsi achicăseri anamisa di Israel şi palestinien’i. Si ună turlie niacumtinată, Bucureştiul să spusi ti existenţa a dauă stati. Aţel’i doi prezidenţă zburără ş-ti dosarlu nuclear iranian. România nu aproachi ici ideea că un crat cata cum Iranlu s-aibă ti ufiliseari armamentu nuclear şi andrupaşti păn di mardzină năili sancţiun’i băgati a Teheranlui di Consiliul di Securitati al ONU. Di altă parti, calea ţi lipşeaşti nchiseari lipseaşti s-hibă aţea diplomatică mea nu aţea militară. Cu tuti aesti, cara va s-agiungă la ună ceamaună, apofasea ali Românie va s-hibâ cu loarea meatri.. Traian Băsescu:
Minduescu că nu easti oara să zburăm ti ceamaună. Noi avem umutea că sancţiun’ili băgati di Consiliul di Securitate ONU va s-aducă Teheran ceareaia nai cama uidisită - nu aţea ti săparea grochi ti aschirladzl’i americani, că aţea a discl’idearil’ei tră păzărăpserli transparente; ma s-hibă ananghi, România va s-hibă un partener loial ali Alianţă NATO, dit cari faţi parti, şi un partener loial a Israelului. Anaparti di dumenea politică, România şi Israelu va s-lucreadză deadun tru dumenea militară, tu tehnologie, economie, turismu şi ştiinţă. Di altă parti, şi cu furn’ia ali andamusi a aţilor doi prezidenţă fu simnat un protocol ti amendari a acordului interguvernamental ti promovarea şi vigl’iarea un alantu a investiţiilor.
Textul: Stefan Stoica
Apridutearea: Taşcu Lala
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-06
Print
Puteţ s-avdzâţ căndţido