Radio Romania International

Arhiva :

FESTIVALU ANONIMUL (FÂRÂ NUMÂ)
(2007-08-13)
Atea dit soni aspuneari: 2007-08-13 13:27 EET Print
Tu decorlu natural ca dit pârmiti a Deltâl’ei a Dunâl’ei, aclo iu fluviul ş-u bitiaseaşti câlâtoria tu Amarea Laii prit Braţlu Sf. Gheorghe, tu localitatea ti ari idyea numâ,s-dizvârteaşti tu iamea di chiro 13 – 19 di augustu, festivallu internaţional di filmu Anonimul. Un festival cari agiumsi la a patra ediţii şi cari âl’i ari ca invitaţ special’i pi britaniclu Ken Loach ş- pi românlu Cristian Mungiu. Ken Loach vini la Sfântu Gheorghe dupâ ţi filmul a lui "The Wind that Shakes the Barley", cu cari amintă tu 2006, Palme d'Or, dişcl’isi oficial Festivallu Anonimul anlu ţi tricu. Regizorlu britanic va s-hibâ prezentu la proiecţia a filmului "Tickets", pi cari lu regizâ deadunu cu Abbas Kiarostami si Ermanno Olmi. Aşi cumu easti adetea elu va s-apândâseascâ dapoia la ntribărli a publiclui. Tutu aşi şi românlu Cristian Mungiu, cari, deadunu cu unâ parti a pareil’ei a lui, va s-asistâ, n’iercuri, la proiecţia a filmului a lui "4 meşi, 3 stâmân’i şi 2 dzâli", ţi amintă estan Cannes, premiul Palme d’Or. La Festival va s-hibâ prezentati, estan, tu secţiunea oficialâ, nauâ peliculi, ântrâ cari şi „California Dreamin” a l’irtatlui regizor român Cristian Nemescu. Alanti pelicule, cari concureazâ ti un premiu di 10.000 di euro, suntu: "Mon frere se marie" (Elvetia), regia Jean-Stephane Bron, "Interview" (SUA), regia Steve Buscemi, "Flanders" (Franţa), regia Bruno Dumont, "Vier Minuten" (Germania), regia Chris Kraus, "Mio fratello e figlio unico" (Italia), regia Danieli Luchetti, "Tuya' Marriage" (China), regia Quanan Wang, "London Brighton" (Marea Britanie), regia Paul Andrew Williams, şi "The Banishment" (Rusia), regia Andrei Zviaghintsev. Tu alanti dauâ secţiun’i competiţionali a festivallui intrarâ vârâ 36 di scurtmetraji di fictiuni şi 18 di animaţie. Programlu paralel, nicompetiţional, dişcl’isu di pelicula "An Inconvenient Truth", pârmitusitâ di aţel di ma ninti vice-prezidentu amirican, Al Gore, zburaşti di nâscânti problemi greali cu cari s-alumtâ uminitatea, cumu angâldzarea globalâ, alâxerli climatiţi, xichea di apâ, xichea di yitrii, zn’iili ţi li facu polimili. S-aduţemu aminti, tu bitisitâ, câ, dzâlieli aesti, furâ spuşi aţel’i ţi amintarâ premiili a festivallui di filmu, dit localitatea elveţianâ Locarno. Unu di amintâtori un tinir cineastu român, Adrian Sitaru, cari lo Marli Premiu ti şcurtumetraj cu pelicula ţi ari numa "Dăldzâ". Autor: Mihai Rădulescu Armânipsearea : Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International