Radio Romania International

Arhiva :

Isăchi şi previziun’i economiţi (29.07.10)
(2010-07-29)
Atea dit soni aspuneari: 2010-08-16 11:27 EET Print
Alithea zuyrăpseari ti economia românească, isapi ţi u fac dzălili aesti, Bucureşti experţăl’ii FMI adusi ună hăbari bună ş-ma multi slabi. Habarea bunâ easti că toradioară, meatrili di sirţâl’e apufusiti di Guvernu pari s-aibă dată arod tu aţea ţi mutreati ţănearea tru idyea scară a ixichil’ei bugetară. După proţl’i şasi meşi a anlui, ixichea easti sum scara achicăsita cu Fondul, aşi că ari nădia că, până di bitisita a anlui, România s-agiungâ pi nivelu di 6,8%, andicra di aţeali 7,3 proţenti dit 2009. Ună protă hăbari slabă easti că până şi FMI să spuni găilipsit ti niaxia ali Românie tra s-amintă fonduri europeni. Niaxia cu cari lucrară autorităţli, tu idyea scară ţentrali şi locali, spuni piricl’iul că văsilia poati s-cheară ti totna miliardili di euro băgati dinintea a lor di Bruxelles tru chirolu 2007-2009. Neise, hăbarea nai ma slabă easti că, aşi cum spuni caplu a misiunil’ei FMI, Jeffrey Franks, dit isăchili fapti pănă tora, România nu va s-iasă dit criză niţi anlu ţi yini. El cundil’e că Fondul va s-mutrească nica nă oara – multu luyursit, ti nghios - prognoza mutrindalui scădearea a PIB tu aestu an, toradioară di 0,5%. Şi emburl’i spun „un trendu ti nghios ti tut lucurlu economic.” Aesti prognozi apreasiră, ună ş-ună aloatili Bucureşti, iu inşi tu videală ideea ti loarea, după meslu marţu a anlui ţi yini, un nău împărmut. Achicăearea stand-by ţi easti tu lucru spuni că România va s-l’ia, tut cu tut, 20 miliardi di euro di la FMI, Comisia Europeană, Banca Mondială ş-di la alţă finanţatori internaţionali. Nica un mpărmut, spun analişţâl’i economiţ, va u ncarcă fortuma nica ş-ma multu. Toradioară, boţli nai ma autorizati a Guvernului PDL-UDMR-UNPR, dimi premierlu Emil Boc şi ministurlu di Finanţi, Sebastian Vlădescu, nu aproachi speculaţiili işiti tru videală tru presă, ţi spun că vahi ari moeabeţ cu FMI tu ligătură cu ună nauă achicăseari. Opoziţia cutuyurseasti, tu arada-l’i, iţi naeti tu aestă noimă. Liberalii caftă giueapi a guvernului şi spun că, şi aşi, păradzl’i ţi fură daţ di FMI fură ufilisiţ, cu apruchearea ali instituţie financiară, ti hărgili bugetari, mea nu ti investiţii, aşi cum era minduită tu ahurhitâ. Deapoa suţial-democraţl’ii fac timbihi că un nău mpărmut poati s-ducă „la ună catastisi cu borgi pi lungu chiro ş-cari va nă stuhineadză pi şcurtu chiro, căţe vărnu lipseasti s-da năpoi aeşţâ pâradz.” Textul: Bogdan Matei Apriduţearea: Taşcu Lala Stiri St.Tr.II – inloc. 72910 4:29 PM Bucuresti – Şeflu a misiunil’ei a FMI, Jeffrey Franks, declară, azâ, la Bucuresti, după adunarea cu ministrul a Lucraril’ei, Mihai Şeitan, că leadzea a salarizaril’ei lipseaşte modificată tra a-şi producâ efectile di-tru 2011. Franks ninca afirmă că easte importantu ca România sâ-şi flexibilizeadzâ forţa di lucru, tra-s genereadzâ unâ productivitate ma mare. Bucurestiul lipseaşte s-modificâ Codlu a Lucurlui, ahtare turlie că angajărle şi disponibilizărle (scuterle di pi luctru) sâ si facâ mai lişor. Cu ministrul ale economie, Adriean Videanu, seflu a misiunil’ei a FMI discută di liberalizarea a preţlui a gazlor naturale. Di rezultatile a misiunil’ei a Fondului depinde (ţâne) acordarea a unei noauâ tranşă, di 900 di milioane di euro, di-tru imprumutlu convenit. Romania urmeadzâ (lipseaşte) s-l’ia, in total, 20 miliarde di euro di la FMI, Comisia Europeana, Banca Mondiala si alţâ finantatori international’i. (Daniela Stefanescu) St.Tr.II modif. 290710 16:55 Beijing - Romania sarbatori, azâ, Dzua a pavilionlui National la EXPO 2010 di la Shanghai, marcandalui aţel mai importantul momentu cultural ale prezenţâ a l’ei la evenimentu. Data fu aleaptâ tra-s coincidâ (sâ si uidiseascâ) cu celebrarea a Dzuâl’ei a Imnului National, Desteapta-te romane. Prezentu la evenimentu, ministrul di Externe, Teodor Baconschi, lâ feaţe urminie a turistilor chinezi sa viziteadzâ Romania, şi pi oamin’l’i di afaceri sâ investeasca in domenii cum suntu infrastuctura, energhia, industrie. Cu aestâ ocazie, fu lansat in prezenta a ministrului di resortu, Elena Udrea, brandul di vâsilie, cu scupolu sâ promoveadzâ imaghinea ale Romanie ca destinatie turistica trâ xen’i. La evenimentu loarâ parte leghende a sportului romanescu - Nadia Comaneci, Gheorghe Hagi si Ilie Nastase. (Florentin) Str.tr.I 29.07.2010 11:01 BUCURESTI – Premierlu Emil Boc si preziduntul Traian Basescu suntu personalităţle politiţe în care român’l’i au aţea mai puţâna încredere – spun rezultatile a unui sondaj di opinie, publicate azâ. Realizat di INSOMAR la comanda Cotidianul.ro, sondajlu atestâ (scoate tru mig’dane) că di aţea mai marea încredere din partea ale populatie s-hârseaşte guvernatorlu ale Bancâ Nationalâ, Mugur Isarescu. In intentiile di vot conduc (suntu dininte) principalile partide di opozitie, PSD, cu aproapea 39%, si PNL, cu 21. PDL (la co-guvernare) poate s-l’ia maşi 13% di voturi, şi partenerlu a lui din Executiv, UDMR, circa 5 procente. PRM (populist, extra-parlamentar) easte creditat cu aproapea 9%. (Bogdan Matei) St.Tr.II – inloc. 72910 7:59 PM BUCURESTI - MAE roman apreciadza ca situatia a cetaten’lor care fac infractiun’i in state a UE lipseaşte abordata fara stereotipii si nu pi baze etniţe si subliniadzâ importanţa ale aplicare efectivâ a principiului a nediscriminaril’ei în modlu în care autoritaţle a statilor membre actioneadzâ. Bucurestiul reafirmâ că easte dişcl’is a continuaril’ei ale cooperare cu partea franceza şi tru domeniul politienescu, şi tru ţi mutreaşte promovarea di proiecte di incluziune suţialâ. Tru opinia a MAE roman, easte esentiala unâ abordare europeana a integraril’ei a romilor (a ghifţâlor). Ministrul francez di Interne, Brice Hortefeux, anunţă, azâ, că roml’i (ghifţâl’i) ţi comit delicte va-s hibâi repatriaţ aproapea imediat (unâşiunâ) spri România si Bulgaria. La Bruxelles, un purtator di zbor ale Comisie Europeanâ declarăt că expulzarea (avinarea) a romilor (a ghifţâlor) easte unâ problemâ ţi ţâne di competenţa a autorităţlor naţionale. (Faneos) ST.TR.I 29.07.2010 10:51 Islamabad – In Pakistan fu decretata azâ dzuâ di doliu national in memoria a victimilor ale catastrofâ aviaticâ produsâ (faptâ), aieri, apropiea di Islamabad, in care ş-chirurâ bana 152 di persoane. Printră victime s-aflâ si doi cetatean’i american’i. Aeronava Airbus, ţi aparţânea (eara) a unei companie privatâ pakistanezâ, efectua (fâţea) unâ cursâ internâ Karachi – Islamabad. Avionlu câdzu intr-unâ zonâ di dzenuri di apropea di capitalâ, cu puţân timpu ninte di că-s aterizeadzâ. Nu-s cunoscu cauzile a accidentului, aţel mai gravlu inreghistrat in statlu aestu in ultiml’i 18 an’i. In momentul a câdearil’ei, chirolu eara nifavorabil. (Mihai) Armanipsearea: Hristu Steriu

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International