Radio Romania International

Arhiva :

Presa romaneascâ ti Patriarhul Teoctist
(2007-08-01)
Atea dit soni aspuneari: 2007-08-01 16:16 EET Print
Di luni seara – ngrâpseaşti GARDIANUL – di tuti părtâli ali Românie ahurhirâ s-yinâ Bucureşti, n’il’i di embistimen’i ta ş-l’ia oarâ bunâ di la Teoctist, cari lâ-ari spusâ calea ma multu di 20 an’i di pi nai ma analta scarâ ali ierarhie a Bâsearicâl’ei Ortodoxâ Românâ, aţea di Patriarhu. JURNALUL NATIONAL notează că moartea alu Teoctist, tu ilichie di 92 di ani, easti plâmtă tu bâseriţli di tutâ vâsilia. Idyiul cotidian informeazâ câ ângruparea a lui va sâ s-facâ viniri, 3 di augustu, tu Catedrala Patriarhală şi că tu Românie va s-hibâ dzuuâ di jali naţionalâ. Tu aestu chiro, Bâsearica tutu l’ia mesaji mesaji di condoleanţi (pârâyurie) pi cari publicaţiili dint presa chentrală li tipusescu. Aşi, arhiepiscopul romano-catolic di Bucureşti, Ioan Robu, scoati tu migdani că Patriarhul Teoctist avu unâ banâ monahalâ lungâ şi, cu tuti câ avu unâ funcţii ahântu analtâ, fu imiru ş-embistimenu, avânda unâ praxi di călugăr safi. Tu aradha a l’ei, Bâsearica Ortodoxă dit Rusie ngrâpseaşti că Teoctist « fu un cumândaru mintimenu a popului român, deadunu cu cari tricu prit unu chiro di restricţii şi di dominaţie ali ideologhie ateistâ. Ma nâpoi u cumândusi Bisearica Românâ cu tin’ie şi s-ampulisi cu multi âmbodyiuri tu unu chiro di mări alâxeri sociali şi politiţi’. Nu dipu tu soni, arhiepiscoplu major ali Bâsearicâ Greco-Catolicâ, Lucian Mureşan, aduţi aminti vizita istorică ţi Papa Ioan Paul II-lu u feaţi Bucureşti, la invitaţia a Patriarhului BOR, prota vizitâ a unui suveran pontif tu unâ vâsilie majoritar ortodoxă. Tora - dzâţi Lucian Mureşan - ‘di dinclo di horizontu, Teoctist şi Ioan Paul va s-pâlâcârseascâ deadunu ti unitatea ali Bâsearicâ, ti irinea ş-buna acâchiseari anamisa di ortodocşi şi greco-catoliţ’. ZIUA bagâ oarâ câ Vaticanlu ari datâ hâbari câ va s-yinâ la ngruparea di viniri, ama ş-că, pânâ la alidzearea unu nou Patriarhu, interimatlul easti asiguripsitu di Mitropolitlu Daniel ali Moldovâ. Di formaţie profesor teolog, el fu profesor ma multu di 10 an’i la instituti teologhiţi ditu Europa occidentală. ROMANIA LIBERA, cari si întreabă cari va yinâ pi scamnu dupu Teoctist, pistipseaşti câ alumta ti scamnulu patriarhal s-da anamisa di Daniel şi Mitropolitlu Teofan ali Oltenie. Şi idyiul cotidian aduţi aminti câ el’i suntu reprezentanţâl’i a dauă curenti ahoryea tu Bâsearica Ortodoxă Română: ecumenic, respectiv tradiţionalistu. Va s-ânviţămu ama, numa a noului Patriarhu dupu a 40 di dzâli di jali, tu cari va sâ s-facâ pâzârâpserli anamisa di câpiili ali Bâsearicâ, cându va s-hibâ aleptu prit vot, di Colegiul Electoral Bâserichescu. ZIUA ngrâpseaşti câ, di aţel’i cei 195 di membri a aiştui acestui Colegiu, 88 suntu miren’i, ş- pisti 70% di el’i sunt ‘conectaţi’ (ligaţ) politic. Ti aţea, sum titlu ‘Patriarhu politic’, idyiul jurnalu notează că alidzearea a caplui ali Bâsearicâ Ortodoxâ easti tu mâna a mediului politic şi di emburlâchi dit Românie, lucru scos tu migdani şi di EVENIMENTUL ZILEI. COTIDIANUL titrează ‘Clirunumia alu Teoctist: alumta ti puteari tu BOR’ şi ngrâpseaşti că ecumeniştil’i şi tradiţionaliştil’i voru tora sâ-l’i tragâ di partea a looru pi aţel’i ţi nica nu loarâ unâ apofasi. Iara GARDIANUL preţizează că Bâserica Ortodoxă va s-veadâ zori ş-aleagâ unâ nauâ câpie tu unu chiro cându România armâni unâ di puţânili vâsilii europeani iu aestâ instituţie s-hârseaşti nica di unu nivel analtu di pisti. Şi aestâ în condiţiili tu cari, pi continentu, influenţa a clerlui ascadi tutu ma multu şi zborlu ‘reformă’ easti pi budzâli a tutuloru. Autor : Roxana Vasile Armânipsearea : Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International