Radio Romania International

Arhiva :

Sondaji, sondaji...caftarea a minduital'ei tru lao
(2007-07-30)
Atea dit soni aspuneari: 2007-07-30 13:15 EET Print
Easti zori s-ţă faţ ună idee multu limbidă ti realitatea politică românească maş cara va s-acaţ tru isapi dauă sondaji di opinie aproapea ncuntrati dati tru şteari la interval di maş ună dzuuă. Tu naima bunlu caz, li aprochi şi, eventual, li compari. Lucru ţi-l feaţim ş-noi! Un sondaj GALLUP spuni că, ma s-hibă di s-ţăn, dumănică, alidzeri ti Parlamentul European, 57% di român’i va şi spună naetea di vot, andicra di maş 12 di proţenti cari spun că nu va s-facă curbani tra s-ducă la urni. Al’iumtrea, dupu cum spuni ună consultari adrată di CURS, preponderenţă suntu aţel’i ţi - tru proporţie di 51% - spun că nu suntu ici sinfirisiţ ică dip puţăn sinfirisiţ di euro-scrutin, di altă parti un multu bun testu mutrindalui alidzerli parlamentari autohtoni ţi va s-ţănă anlu ţi yini. Căndu yini zborlu ti numirlu di voturi pi cari cafi un partid românescu va li amintă la alidzerli ti Parlamentul di Strasbourg, em GALLUP, em CURS suntu simfuni. Aşi, pi protlu loc, ma largu, easti Partidlu Democrat, pro-prezidenţial, cu aproapea 40% di opţiun’ili di vot. Dupu el yini, ama la mari distanţă, prinţipala formaţiuni di opoziţie – PSD – cari vrea s-adună maş 20% di sufragii şi liberalii ţi suntu toradioară la guvernari, cu 12%. Ună diferenţă importantă a proţentilor s-veadi tru cazlu a extraparlamentarlui Partid Noua Generatie, pi care GALLUP lu-aduţi la 10%, chiro tru cari CURS âl’i da 6 tru sută. Va să spunem, ama, că importanti nu suntu ahăt ţifrili, cât faptul câ formaţiunea alină niacumtinat tru sondaji, traptă după el di liderlu Gigi Becali, un vărtos embur, miliardar filantrop şi nău star a populismului, cari niinteadză iruşi tru sondaji la capitolu ‘pistusini tru personalităţli politiţi’. Ş-căţe agiumsi aoa, să spunem că sondajili s-contradzăc diznău. Cara aţel’i di la CURS ăl ved pi prezidentul Traian Băsescu agiumtu pi valoarea di 55%, GALLUP spuni că proţentul a român’ilor ţi au multă ică dip multă pistusini tru caplu a statlui scădzu, dit mai pâna tru alunar, di la 63 la 43%. Vahi ăl’i si tradzi di la aţea că amână tra s-lu promulgă nomlu prit cari pensiili di stat, ţi suntu multu n’iţ, va s-crească cabaia di la toamnă. Al’iumtrea, rivalu a lui declarat, premierlu liberal Călin Popescu Tăriceanu alină di la 14 la 21% tru pistusinea a român’ilor intervievaţ di GALLUP. Bitisim prit aţea tra să spunem că, aşi cum spuni CURS, cama di giumitati dit români pistipsescu că, tru văsilie, lucărli s-duc pi ună cali alătusită. Iara dit sondajlu GALLUP nviţăm că turlia tru cari lucreadză justiţia şi Parlamentul adună acordul di la 21% di român’i şi dezacordul di la 62% ş-cama. Textul: Roxana Vasile Armânipsearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International