Radio Romania International

Arhiva :

Sighişoara Medievală
(2007-07-27)
Atea dit soni aspuneari: 2007-07-27 12:40 EET Print
Cara, tru 2007, Sibiulu (tru ţentrul ali văsilie) easti capitală culturală europeană, un altu căsăbă românescu, Sighişoara, ţi easti tru sudlu ali Transilvanie, să spuni di viniri până dumânică, cu numa di “capitală medievală ali Românie”. Aoa s-dizvârteaşti Festivalu Sighişoara Medievală, 15-aţea editie, sum numa “Trubadurlu arisit”. Tru programili dit arada aliştei manifestari ari muzică veacl’e, filmu, poezie, un concursu di declaraţii di vreari şi conţerti di muzică folk. Pi ningâ artişti român’i, la Festivalu Sighişoara Medievală sunt viniţ actori dit Italia, Spania, Croaţia, Lituania, Portugalia şi Spania şi muzicien’i dit Polonia, Marea Britanie, Olanda, Belgia, Germania, Elveţia şi Franţa. Aestu festival ş-pripuni s-aducă tru menga a publiclui animaţia a unâl’ei ţitati medievală, cu muzică şi teatru pi geadei, cu masturi şi prâmâtefţâ, pânâyiradz, cu dumniţi şi cavaleri cari va s-priimnâ calea ti unâ spuneari a stran’ilor di epocă. Festivalu Sighişoara Medievală s-amintă di itia a niscântor entuziaşti cari vrurâ s-facâ timbihi ti piricl’iul ţi poati s-u aspargâ ţitatea medievală, edificată tru ahurhita a secolului 15-ţi. Sighişoara nica s-ţâni tru banâ, vichi poati s-hibă vidzut ş-tora naima muşeatlu şi naima ghini conservat ansamblu urban medieval dit România, cu geadei strimti, casi mări di cirnidă, tru cari bâneadzâ oamin’i ş-tru aestu chiro, tuti hiindalui anvârligati di mururi anvârtuşiti cu 14 di pirguri di apârari, dit cari azâ nica s-ţân tu catandisi bunâ maş nauă dit eali. Aesti poartâ numa a niscântor isnăhi, aşi câ pi harta turistică a ţitatil’ei pot s-hibâ mutriti Pirgurli a Frânghierilor/ Şigimiadzlor, Yunusarlor, Tăbăcarlor, Cujucarlor şi a Arafţălor. Nai ma analtu easti Pirgul cu Sihati, 64 m, andreptu ca muzeu di istorie a căsăbălui, tu cari un chiro ma ninti, năuntrul a lui eara Sfatul comunal. Aoa s-ari băgată ună mehanie ţi lucreadză şi ază ş-cari faţi tra s-mină, andicra di dzâlili a stâmânâl’ei, ma multi figurini dit lemnu. Cafi an, festivalu aduţi anamisa di 20 şi 30 di n’il’i di vizitatori dit văsilie şi ditu xeani. Ti aţea, capaţitatea di cazari a căsăbălui easti cu multu năstricutâ; autorităţli locali cilâstisescu să scoatâ tru videalâ tuti câbilili, ş-ti aţea fac cl’imari vichi ş-la persoanili fiziţi ţi vor tra s-da locuri ti durn’eari tră oaspiţ. Textul: Stefan Baciu Armânipsearea: Tascu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International