Radio Romania International

Arhiva :

Asiguripsearea a casilor şi andridzearea a casilor asparti (15.07.2010)
(2010-07-15)
Atea dit soni aspuneari: 2010-07-20 22:34 EET Print
Asiguripsearea a tutulor casilor dit Romania agiumsi obligatorie ahurhinda cu 15 di alunar. Uidisit cu statisticili oficiali, tu văsâlie ari cama di opt milioani di casi proprietate personală - 4,5 milioane tu câsâbadz şi 3,8 milioani la hoară - iara dit eali maş 24% suntu asiguripsiti. Asiguripsearea obligatorie ali casă va sâ spună vigl’iari di nicări, di cutrimburări di loc,,lunicari di loc . Custusearea ali asiguripseari obligatorie easti di 10 euro cafi anu, macă casa easti di cărămidă niarsă ili dit alti părmătii ţi nu avură tratament termic, şi di 20 di euro, maca easti dit beton armat ili lemnu . Aşi tu cazlu că s-faţi vărnu fânico , suma di pradz ţi proprietarul va u l’ia easti di 10 n’il’i , şi 20 di n’il’i euro, iara aţel’i ţi nu va şi asiguripsească casili tu chiro di şasi meşi s-poati ta s-l’ia amendă ţi s-poati s-agiumgă la 500 di lei (120 di euro). Cu ună exceptie, ama. Aţel’i cu casi multu vecl’i aţeali casi ţi suntu tu piricl’iu ta sâ surpâ la ună cutrimburari cama mari di locu nu vedu zorea ta sâ-s aiguripsească. Autorităţli dzăsiră că şi casili dit zoni iu s-facu nicări lipseaşti ta s-hibă asiguripsiti. Maxus zona di est ali Romanie tricu tu stâmăn’ili di soni nai ma urutili nicări dit an’il’i dit soni. 23 di persoani murirâ n’il’i di oamin’i fură evacuaţ şi multi casi furâ asparti. Suprafeţi mări di culturi fură anvâliti di api. Tu infrastructura vidzurâ zn’ie căili di heru căl’iurli naţionale, judeţeani, dit hori pi suti di kilomeatri, furâ asparti baraje, lucrări di îndiguiari, reţele di comunicaţii şi di distribuţie a gazilor naturali. Maş tu giudeţlu Suceava (nord-est) valoarea a zn’iilor adrati di nicărili dit bitisita a meslui cirişar easti di aproapea 85 di milioani di euro, iara tu giudeţlu Botosani (nord-est) zn’iilipagubele agiumgu la ună valoari di aproapea 25 di milioani di euro, uidisit cu autorităţli locali. După aistu fănico , Guvernlu di Bucureşti apruche programlu numâsitu "Casi ti bânari tu zonili ţi vidzură zn’ie di fânicolu dit anlu 2010", prit care statlu va asiguripsească materiale ti andridzearea ili mirimitisearea a casilor di cătră proprietari ili prestatori specializaţ. Suma acutotalui ti ună casă andreaptă tută, uidisit cu aistu proiect, easti di apropea 9 n’il’i di euro. Specialiştil’i dzăcu că tu unu mesu , apili dit zonili dit estlu ali Romanie aguditi di nicări va s-tragă tu năpoi şi atumţea s-poati s-ahurhească andridzearea a casilor.Oficial’i locali, dzăcu că oamin’il’i potu ta s-andreagă casili pi vecl’iu amplasamentu maş macă va aproachi avizlu di construcţie.(Leyla Cheamil)

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International