Radio Romania International

Arhiva :

Taxe şi prinţipii economice (14.07.2010)
(2010-07-14)
Atea dit soni aspuneari: 2010-07-14 12:53 EET Print
Multi suntu lucrili ţi em , opoziţia, em presa şi contribuabil’i li spunu sertu a guvernanţlor di Bucureşti. Tu meslu maiu ca una soie di lider di facto a Executivlui, prezidentu Traian Bãsescu dădea tru şteari pacheta di misuri di austeritati multu serti , ţi avea tu prota fesi tăl’iarea cu un cirec a salariilor dit dumenea bugetară şi cu 15% a tutulor pensiilor. Misurile, dzăţea el , au tu scupo s-nicşureadză deficitlu bugetar şi s-agiută economia privată, ţi veadi zn’ie di criză. Tu meslu cirişar, Curtea Constituţională declară neconstituţională tăl’iarea a pensiilor, iara Guvernl, cumândusit di şeflu formal a PDL (pro-prezidenţial), Emil Boc, reacţionă troară , şi criscu Taxa pi Valoarea Adăvgată di la 19 la 24 di procente. “Nu avum alta cali legală” – sapândisi primlu-ministru. Ama mizi intrată pi aradă la 1 di alunar, majorarea fu contestată sertu şi di Băsescu, ţi deadi tru şteari sâmbâtâ, că va caftă a Guvernlui n’icşurarea TVA, cum şi impozitarea a tutulor pensiilor cu 16%. Era, oara ca după prezidentu şi premier, s-iasă tu miydani şi ministrlu di Finanţe, Sebastian Vlădescu. El tricu pi una boaţi cu lanţă şi spusi că aproachi n’icşurarea a TVA, deadun cu sistemlu di impozitare progresivă a amintatiţlor . “Tu arada ali economie di tora, cu recesiune ma mari di 1,5% tu 2010 şi cu perspectivi nu para buni ti anlu 2011, cota di 16% nu mata poati ta s-andrupască bugetlu, ta s-hibă finanţati şi di aoa ş-ninti educaţia, sânâtatea ili pensiile.” Em economic, em politic, alăsarea ali cotă unică di impozitare va s-hibă ti Guvern, capitularea definitivă. Politic, ti aţea că impozitarea progresivă easti soluţia ti cari dit opoziţie, u aproachi stânga social-democrată, ţi spuni “la salarii ma mări, impoziti cama mări .” Economic, ti aţea că , cumdil’iadză analiştil’i, tu cotidianul bucureştean ROMÂNIA LIBERĂ, unu di argumentili ali dreptă ta s-bagă tu 2005, cota unică fu crişterea a colectaruil’ei la buget, di la 28 la 32% dit PIB, prit scutearea la lun’ină ali economie ascumtă. Tora “declaraţiile al Vlădescu aduc anarhie tu economie” – află câbati ADEVĂRUL, ţi spuni şi că , piriclu ca ahtări lucri s-âl’i aspară investitorl’i xen’i ţi viniră ti cota unică. Iara GÂNDUL tipusi zboarâli ali Elena Udrea, di la Dezvoltare Regională şi Turism: “Anda sâ zburăm cafi unu ţi minduim easti ma ghini ca dl. Vlădescu s-aflâ căl’iuri di andridzeari ta s-dănăsească evaziunea fiscală.” Autor: Bogdan Matei Armâneaşti: Toma Enache

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International