Radio Romania International

Arhiva :

Unu nomu multu zburâtu
(2007-07-19)
Atea dit soni aspuneari: 2007-07-19 14:39 EET Print
Egalitar pân di absurdu, comunismul nu l’i-alâsă sâ s-facâ avuţ. Tranziţia post-comunistâ ţi nu mata s-bitiseaşti âl’i urfânipsi di dipu. Tu numir di vârâ şasi miliun’i, pensionerl’i român’i suntu nai ma numiroasa categorii cu problemi dit Românie. Unâ pensii di mesi, di vârâ 120 di euro, mizi agiundzi ti mâcarea di cafi dzuuâ, yitrii şi facturli di cafi mesu. Nomlu adoptat meslu ţi tricu di deputaţ, pruveadi majorâri, ţi va u facâ tu 2008, pensia di mesi sâ s-aproachi di 200 di euro, iara tun 2009, di 250. Iara pensiili a huryeaţlor, ţi tora suntu dipu n’iţ, di ândauâ dzăţ di euro, va s-creascâ cu 50% di la 1 di yizmâciunu 2007. Cumu pidimolu bugetar va s-hibâ di dauă miliardi di euro cafi anu, emu analiştil’i icunomiţ, em prezidentul Traian Basescu s-declaratrâ scheptiţ andicra di sursili di finanatari. Aieri, Băsescu lu promulgă nomlu. Ama, cumu la Bucureşti tuti suntu politizabili, dzâsi câ suntu incompetenţ miniştrl’i liberali a Finantelor, Varujan Vosganian, ş-a Lucrului, Paul Păcuraru, câţe u luyursi câ nu aduţi buni buni argumenti cartea prit cari aeşti âl’i dzâsirâ iu va s-aflâ pâradz ti majorari. Traian Basescu : “Câţe luyursescu câ siemnatarl’i suntu deadirâ unâ apandasi simnatâ di Varujan Vosganian şi di ministrul Păcuraru, âncărcatâ di deziderati politiţi, di declaraţii politice.” Elu feaţi timbihi câ, unâ analizâ faptâ di experţâl’i ali Prezidenţie, scoati tu migdani câ, dupâ aesti majorări xichea bugetarâ va s-agiungâ la 30 di miliardi di euro până tu 2013. Vizibil nivrisitu, ama câftândalui s-azburascâ tin’isitu, Vosganian l’i-apândâsi. “Cu tutâ tin’ia vă informedzu că ahurhinda cu anlu 2010, diznou va s-avemu un buget di asigurări sociali excedentar, că tu anul 2009 criştearea icunomicâ şi performanţieli cari va li ducâ ninti tendinţili di tora va s-asiguripseascâ criştearea a pensiilor şi că tu anlu 2008 ţiva dit programili ţi li ândreapsimu nu va s-hibâ influenţat negativ.” Tu aradha a lui, Păcuraru l’ia tu isapi duţearea ninti a criştearil’ei icunomicâ sânâtoasâ ditu an’il’i ditu soni. Şi, polemic, âl’i cutuyurseaşti aţel’i cari u adrarâ prognoza ti prezidenţie: "Ân’i si pari di primansusu formula di calcul a prezidentului. Tehnic, mini ştiu că nu ari elementili ananghi ta s-adarâ ti 2013 unâ prognoză cât di cât corectă. Nu poati s-hibâ zboru di unâ xichi di 30 di miliardi. Tuti elementili ţi li avemu dininti nâ da izini s-avemu tu videari unâ crişateri icunomicâ, unâ crişteari a numirlui di lucrâtori, unâ crişteari a tin’iilor di cafi mesu, unâ crişteari contribuţiilor şi aestâ nâ faţi s-nă minduimu că tu mari majoritati resursili suntu asiguripsiti di sistemlu, nu va s-hibâ subvenţii di la bugetlu public.” Autor: Bogdan Matei Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International