Radio Romania International

Arhiva :

Alertă ecologică la sinurlu cu Ucraina
(2007-07-18)
Atea dit soni aspuneari: 2007-07-18 13:53 EET Print
Ministrul român ali fisi, Attila Korodi, declară câ lo di hâbari dit presă ti accidentul ţi s-feaţi luni tu reghiunea Lvov, tu vestul ali Ucrainâ, tu unâ zonă apropea di sinurlu cu Polonia şi România. Un tren ancârcatu cu substanţi chimiţi işi di pi calea di heru ş- ma multi vagoani ancârcati cu fosfor galbin s-apreasirâ. S-feaţi unu nioru fârmâcosu cari, tu şcurtu chiro s-teasi pi 90 di kilometri qvadraţ. Cu tuti câ au obligaţie prit achicâseri internaţionali, s-da hâbari a viţin’iloru ti ahtări evenimenti, autorităţli di Kiev nu dzâsirâ ţiva ti aestâ. Bucureştiul câftă informatii di la Ministerul a Fisil’ei dit Ucraina prit unâ carti oficială. Furâ câftati ş-cu tilifonea autorităţli di fisi dit vâsilia viţinâ ama nu deadirâ canâ apandasi. Bucureşti, ambasada ali Ucrainâ preţiză la telefoni la câftarea a ministerlui român ali fisi, că nu ari dati tehniţi ti accidentu. Tu aesti condiţii, autorităţli di Bucureşti ândreapsirâ unu modelu dupu puţânili informaţii ţi li avea ş-ţi lâ vinirâ pi căl’iuri nioficiali. Acest model scoasi tu migdani ama câ piricl’iu tindearil’ei a airlui mintitu cu fosfor câtâ România easti n’icu câţe vimtul tu aţea reghiuni s-duţi ma multu câtâ nordu, dimi nu câtâ România. Cu tuti aesti, catandisea di lâhtari armâni. Ministrul a Fisil’ei, Attila Korodi: “Am câftatâ ca Aghenţia Naţională di Avigl’iari a Fisil’ei, prit reţeaua di monitorizari a calitatil’ei a airlui, s-aibâ angâtanu niacumtinatu datili ânreghistrati, ş-ma s-hibâ alâxeri tu calitatea a airlui s-nâ da hâbari ântr-oarâ. Tutunâoarâ, Administraţia Naţionalâ „Apili Români”, prit laboratoarieli a l’ei, monitorizeazâ apili transfrontalieri pi sinurlu cu Ucraina, ta s-veadâ desi ari fârmacu tu apa ţi yini di câtâ Ucraina”. Un ahtari nioru fârmâcosu cu fosfor poati s-atacâ em câl’iurli di adil’iari, emu stumahia. Ta s-facâ zn’ii mări fosforlu prindi s-hibâ tu concentraţii mări tu atmosferâ. Pentru a Dupu analizili dit soni, tu yinitoarili 48 di sihăţ vinturli cari potu s-aibâ elementi toxiţii armân tu zona a sinurlui anamisa di Polonia şi Slovacia, vâsilii cari nu sâ spusirâ multu lâhtrâsiti di fenomen. Autor: Florin Orban Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International