Radio Romania International

Arhiva :

Crişteri di taxe şi nicşurarea a salariilor(8.07.2010)
(2010-07-08)
Atea dit soni aspuneari: 2010-07-08 18:58 EET Print
Luyursit di tuţ di facto şeflu a Executivlui di Bucureşti, prezidentu Traian Băsescu şi-lo borgea tu meslu mai ta s-da tru şteari el işişi pacheta di misuri di austeritati multu serti ţi au tu scupo s-n’icşureadză deficitlu bugetar. Avănda tu prota fesi n’icşurarea cu un cirec a salariilor dit dumenea bugetară şi a tutulor pensiilor cu 15%, planlu di austeritati adusi şi ună n’icşurari mari ali popularitati al Băsescu. După ţi Curtea Constituţională dânâsi tăliarea a pensiilor, Guvernul apufusi – aistă oară – ciştearea a TVA di la 19 la 24%, ca sursă alternativă di încasări la bugetu. Misura, dzăcu analiştii, aduţi zn’ie ti economia privată, aguditâ di criză şi ţi cari Băsescu spunea că va s-u afirească di alti şocuri. "Nu avum altă variantă troară şi legală ta s-n’icşurăm deficitlu bugetar" – vru ta s-exighisească premierul Emil Boc, altă soie multu ascultător la ţi spuni prezidentu . Aieri tu exclusivitati ti Radio România, prezidentu nu avu zboari buni ti aistă misură di crişteari a TVA. Traian Băsescu : „După pârearea a meauă fu ună misurâ nu para bună ti aţea că nu s-agudi aclo iu easti lângoarea tu buget. Avem dauă zoni cu lângoari : procentul multu mari cu salariile tu dumenea bugetară şi procentul multu mari ufilisit dit buget ti zona socială.” „Băsescu lu faţi Boc unic responsabil di criştearea a TVA” – bagâ oară jurnalu bucureştean GÂNDUL, ţi spuni că şeful a statlui lipsea ta s-caftă demisia a premierlui, ti aţea că misura „nu spuni ma multu di mintireaja tu cari s-ahunduseaşti guvernul incompetent al Boc ţi taha ţâni cheptu ali criză.” Pi di altă parti, prezidentu dzăsi că aproachi ca România s-l’ia un altu împurmut di la instituţiile financiari internaţionali ama pâradzl’oi s-hibă ufilisiţ ti dezvoltare şi nu direcţionaţ cătră consum. Traian Băsescu, la Radio România: „Soluţia ti aspărdzearea a yinitorlui ali Românie, aistă va s-facă mas lom ninga ună oară pâradz. Mini aprochi ta s-lom paradz tu anlu 2011, maş maca va al’i duţem cătră dezvoltare. Pripunerea a meauă publică easti s-bânăm dit ţi adrăm şi dit ţi împurmutăm s-ufilisim maş ti dezvoltare. S-fâţem diguri, s-fâţem autostrădzâ. Noi di 12 an’i împurmutăm pâradz , avem bugeti cu deficit şi dăm pâradzl’i ti consumu.” Autor:Bogdan Matei Armâneaşti: Toma Enache

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International