Radio Romania International

Arhiva :

Împărmutlu FMI şi praglu cu inflaţie
(2010-07-05)
Atea dit soni aspuneari: 2010-07-08 18:56 EET Print
FMI apufusi tra s-da ali Românie ţintea parti, tu valoari di aproapea 900 di miliun’i di euro, dit împărmutlu faptu primveara ţi tricu, luyursindalui că autorităţli feaţiră mări jgl’ioati ti agiundzearea pi scara di ma ninti ali stabilitati macroeconomică şi ndridzearea a dezechilibrilor. Păradzl’i va s-ducă la Banca Naţională ti anvărtuşirea a rezervilor valutari şi nu ti păltearea a tin’iilor di cafi mes şi a pensiilor, ca pânâ tora. Bucureştiul simnă ună achicaseari stand-by cu FMI, UE şi Banca Mondiala ti un împărmut di 20 miliardi di euro, tra s-ţânâ cheptu a crizăl’ei economică, multu sertă, ţi u treati văsilia. Darea a nauăl’ei parti s-faţi dupu votarea di cătră executivlu di Bucureşti a unlui plan di sirţăl’ie, cu scupolu ti scădearea a ixichil’ei bugetară la 6,8%. Aestă acaţă tru isapi n’icşurarea cu 25% a tin’iilor di cafi mes a bugetarlor, criştearea a TVA di la 19 la 24%, impozitarea cu 16% a tichetilor di masa, dhoara, creşă ş-di vacanţă, a pălterlor compensatorii, a ndrepturlor di autor şi a tocurlor la depozitili bancari. Apofasili s-băgară tru lucru ahurhindalui cu 1 di alunar. Aşi cum spuni caplu a misiunil’ei di evaluari aflat Bucureşti, Jeffrey Franks, board-ul a FMI fu haristusit di iruşea cu cari guvernul află ună cearei tu loc ta s-n’icşureadză cu 15% pensiili – apofasi luyursită di Curtea Constituţionala nisimfună cu nomlu di thimel’iu. Reprezentantul ali Românie la FMI, Mihai Tănăsescu, spusi că darea a ţinţil’ei parti di mpărmut va u crească pistusinea pi păzărli externi “Mesajlu a Fondului easti multu bun, di s-puni ună duchimii ma bună ti România pi păzărli internationale, şi nu dip tru soni, minduescu că mesajlu di prota simasie easti că finaţatorl’ii extern’i u andrupăscu România tu lucurlu di turnari la crişteari economică''. Di altă parti, boardul a FMI năpoi u mutri pi crişteari ti România ţinta di inflaţie pi 2010, di la 3,5 la 7,9% după criştearea a TVA. Fondul u ţănu ma largu, ama, prognoza mutrindalui criştearea economică negativă, di 0,5% dit PIB. Franks u spusi pi di altă parti, găilipsearea a Fondului andicra di axia a autorităţlor români ta s-li ducă ninti politiţli di reformă, luyursindalui că va s-hibă ananghi ti ţănearea a hărgilor sum avigl’iari şi lipseaşti tra s-l’ia niscănti apofasi mutrindalui ună ma mari aduţeari la buget a veniturlor. Tu ţi mutreaşti moeabeţli anamisa di FMI şi România ti ună nauă achicăseari, Franks cundil’e că aesti pot pot tra s-ahurhească tu yinitorl’i meşi di dzăli, şi ma s-agiungă la ună achicăseari, aranjamentul va s-hibă di turlia stand-by. (T.L.050710) Textul: Andreea Bojoi Apriduţearea: Taşcu Lala St.Tr.II 7510 7:11 PM Bucuresti – Dzaţe persoane sh-chirurâ bana, azâ, si treie furâ greu agudite intr-un accidentu di avion pi Aerodromlu Tuzla di pi litoralul romanescu a Amaril’ei Neagră. Avionlu militar di tip Antonov 2 lo foc (s-aprease) la putân timpu dupa decolare. La bordul a aparatlui s-afla patru membri a echipajlui si noaua militari di la Fortile Navale. (Leyla Cheamil) St.Tr.II 7510 4:40 PM inloc. Bucuresti – In Romania, hidrologl’i prilundzirâ codlu aroşu di inundaţii pi doaua arâuri din nord-estul a statlui. Tutunaoara, furâ emise avertizari di cod portocaliu si galbin di inundatii trâ ma multe arauri din estu si sud. Nivelul a fluviului Dunarea, ţi tricu deja di maximlu istoric inreghistrat in 2006, easte umflat şi etim sa inundâ, sâ neacâ câsâbălu Galati (estu) si, tutnâoarâ, dzăţ di hoare. UE anunţă că patru state membre – Austria, Belghia, Estonia si Franta - decisirâ s-pitreacâ agiutoare a Romaniil’ei. 23 di persoane ş-chirurâ bana di furn’ia a inundatiilor si v’initurilor di apâ umflatâ din ultimile dzâle si m’il’e di persoane furâ evacuate. Numiroase case si gospodarii (îndredzuri) furâ distruse ică avariate si m’il’e di hectare di teren agricol si păşun’i furâ inundate. Pi di alta parte, ţerlu va-s hibâ niuros in reghiun’le intracarpatiţe si la munte. Temperaturle maxime va sâ si incadreadzâ intră 22 si 30 di grade Celsius. (Leyla Cheamil) St.Tr.I - 7510 10:30 AM XXX – Prezidentul a Consiliului European, Herman Van Rompuy, faţe, di azâ, un turneu (voltâ) în Balcan’i. Mesajlu pi care va-l transmitâ a ofiţialului european easte ca integrarea europeanâ a Balcan’lor di Vestu arămâne unâ temâ di importanţâ cruţil’ialâ trâ Uniunea Europeanâ. Van Rompuy si adună, azâ, cu premierlu sloven Borut Pahor, ulterior, ma amânat, la Zagreb, cu prezidentul şi premierlu a Croaţil’ei, Ivo Josipovic şi Jadranka Kosor, şi apoia, in Serbia, cu prezidentul Boris Tadic. Mâne, la Pristina, Herman Van Rompuy, va-s discutâ cu prezidentul şi premierlu di Kosovo, Fatmir Sejdiu şi Hashim Thaci. (Daniela Stefanescu) St.Tr.II 7510 6:52 PMinloc. Varsovia – Liberalul Bronislaw Komorowski amintă doilu tur a alidzerlor prezidentiale di aieri din Polonia cu 53% di voturi, uidisit cu rezultatile ofiţiale definitive. Aliat a premierului proeuropean Donald Tusk, Komorowski lu azvimse pi conservatorlu Jaroslav Kaczynski, fratile dzeamin a fostului prezidentu decedat, in meslu apriliu, intr-un accidentu aviatic in Rusia. Scorulu stres genereaza nipisipseri asupra a capacitatil’ei, a putearil’ei a guvernului tra-s facâ reforme nipopulare naintea a alidzerlor parlamentare di-tru 2011. (Leyla Cheamil) STR TR II 7510 5:22 PM Teheran – Iranlu anunţă, azâ, că Ghirmânia, Marea Britanie si Emiratile Arabe refuza (nu aproache) sa-l’i aprovizioneadzâ cu carburantu avioanile di pasageri. Aeste state urmeadzâ (imnâ dupu) sanctiun’le impuse a Iranlui di cătră Statile Unite, ţi mutrescu, ţi vor s-facâ ma mare izolarea internationala aluştui. SUA si aliaţl’i a lui european’i au şubeie că Iranlu pi ascumta lucreadzâ s-construiascâ bomba atomica sum anvâlirea a unui program civil. Teheranlu easte, di-tru 2006, supus a ma multor serii di sancţiun’i şi din partea a Consiliului di securitate a ONU. (Ema Nita) Armanipsearea: Hristu Steriu

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International