Radio Romania International

Arhiva :

Posibil pactu ti educaţii şi cercetari
(2007-07-13)
Atea dit soni aspuneari: 2007-07-13 15:34 EET Print
“Sistemlu di ânveţu şi cercetarea suntu fârâ hâiri, nirelavanti, inechitabili, di slabâ calitati şi nu s-uidusescu cu câftărli minimi ali unâ societati şi economii europeanâ.” Luyursearea a prezidentului Traian Băsescu s-thimil’useaşti pi evaluărli ali unâ comisie di experţâ cari faţi timbihi câ rezultatili a eleviloru român’i suntu anamisa di nai ma slabili dit ântreaga Uniuni Europeanâ. Situaţia easti dramaticâ la hoarâ, iu maş un cirecu di ficiuriţ sâ scriu la liceu, iara performanţili a lor şcolari sunti di dauâ-trei ori mai slabi andicra di colegăn’il’i a lor ditu câsâbă. Premiili ţi, anu di anu, olimpiţl’i români li amintâ la concursurli internaţionali di matematicâ, fizicâ, icâ chimie suntu, pânâ tu soni, irelevanti, câtu chiro, cama dzâsi Băsescu, “aesti competiţii şcolari nu ţân loclu ali l competiţie socialâ.” Di aoa s-ducheaşti piricl’iu ca yinitorl’i absolvenţâ, tut ma slaghi profesional, s- facâ şi icunumia româneascâ tutu ma niperformantâ. Unâ di soluţiili pripusi easti şi uidusearea ali curriculâ şcolarâ la anaghiili ali societati, unâ reformâ sânâtoasâ a politiţloru di resursi umani, deschentralizarea financiarâ, înviţâmintu gheneralizat şi fârâ pâlteari di 13 di an’i, alâsarea nanaparti a sculiiloru di arti şi zânăţ meserii, promovarea a trei turlii di licee: teoretic, tehnologhic şi vocaţional. Şi, ma s-nâ minduimu la importanţa a subiectului şi câtu greauâ easti crizâ, prezidentul pistipseaşti câ aesti prindi s-hibâ aprucheati di intrega clasâ politicâ. Traian Băsescu (TRACK): “Muabeţli pi aestă temă potu s-aducâ un consensu, sum forma a unui pactu ti educaţie ş-cercetari, unu pactu nimintitu di pasiunili politicianisti, un pactu cari s- orienteazâ acţiunea ditu an’i’i ţi yinu, fârâ s-facâ dhiafurauâ guvernili, hroma ali majoritati dit parlamentu, numa a premierului, icâ numa a przidentului.” Alâsânda nanaparti ti unu chiro ncâcerli politiţi, partidili par s-u aproachi stateghia prezidenţialâ. Ministrul liberal ali Educaţiei, Cristian Adomniţei, u hiritisi pripunearea al Băsescu : “Ta s-treacâ prit parlamentu aesti nomuri, să treacă şi di simnătura a voastrâ şi s–hibâ implementati şi s-hibâ aprucheati, prindi fârâ di altâ s- avemu aestu pactu la cari concurăm şi pi cari lu adrămu tuţ.” Idyea poziţie u ari şi lui d-na Ecaterina Andronescu din PSD (tora tu opoziţie), ţi ma ninti fu ministru a ânveţlui: “Easti normalu şi aestu lucru ş-faţi tu tutâ lumea ca liderl’i politiţ s- aibâ proiecti pi educaţie, s- dezvoltâ proiecti ti sistemlu di educaţie.” Şi sindicatili ditu ânviţ`mintu u aproachi ideea a pactului transpartinic. Maxusu câ, di punctul a lor di videari, criza ditu sistemu tutu di la politicien’i s-tradzi, câţe facu nomuri ţi nu s-uidusescu ş-nu da fonduri câtu lipseaşti. Autor: Bogdan Matei Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International