| Protili rezultati icunumiți a anlui |
| (2013-04-10) |
| Atea dit soni aspuneari: 2013-04-10 12:19 EET |
Premierlu social-democrat, Victor Ponta, prezentă marțâ rezultatili icunumiți pi cari România li avu tu protlu trimestru di estan. Ași, exportul criscu cu 8% și înreghistră nai ma niclu deficit a balanțâlei comerciali dit aței dit soni 10 ani (vârâ 200 di milioani di euro), România amintânda s-încadreadzâ tu ținta di defițit trimestrial ți fu stabilitâ cu Fondul Monetar Internațional. Și producția industrialâ criscu, tu proțlii doi meși, cu 4,6 procenti, iara încasărili ansârirâ cu cama di 10%, andicra di idyul chiro a anlui ți tricu. la TVA, la accizi, ama și la impozitlu pi venit. Ama tutnâoarâ, dzâsi el, hâbărli cama lai suntu ligati di nicușurarea a veniturilor tu ți mutreaști impozitlu pi profit. Tu minduita a lui, lipseaști s-hibâ alâxit nomlu mutrinda insolvența, câ țe ari baia companii ți nu asiguripsirâ un flux di creditari și nu amintâ sâ-și tiniseascâ borgili ți li au andicra di bugetlu di stat, ama și andicra di alțâ furnizori.
Ti ahtări catandisi, eali intrâ - cu arau pistusini - tu insolvențâ și nu mai pâltescu niți unâ taxâ icâ impozit ași cum pâltescu alanti firmi cari bâneadzâ normal, cum lipseaști, pi pâzarea icunumicâ. Premierlu spusi și câ Executivlu lipseaști s-mutreascâ Nomlu mutrinda insovența ta s-agiutâ companiili ți au dealihea problemi și sâ-I pidipseascâ pi tuț aței care intrâ 'fraudulos' tu aestu proces. Tu ți mutreaști privatizarea a companiilor CFR și Transgaz, Victor Ponta dzâsi câ existâ unâ supra-subscriari importantâ și aestâ easti un semn di pistusini și di puteari di împrustari. El mai spusi câ disciplina bugetarâ di tora poati s-hibâ cama accentuatâ tu meșlii ți va s-yinâ și reprezintâ unâ garanții că icunumia româneascâ poati s-armânâ pi unâ cali ascendentâ. Pi di altâ parti, premierlu va s-promoveadzâ unâ taxâ di solidaritati di 10% pi cari sâ s-u pâlteascâ angajațâlii dit sistemlu public cu salarii ma mări di 1000 di euro. PNL partenerlu di guvernari al PSD - nu aproachi ici cana supraimpozitari icâ crișteri di fiscalitati. Liderlu liberal, Crin Antonescu, dzâsi că aestâ taxâ nu va s-aducâ la bugetlu di stat venituri multu cama mări.
Rezultatili icunumiți pozitivi furâ înregistrati di România tu catandisea tu cari criza icunumicâ mondialâ s-duți ninti. Ama tutnâoarâ, România poati sâ-și creascâ ligâturli di turlii icunumicâ ti furniea că vâsâliili împrustati tu comerțul di nafoarâ s-aflâ tu un chiro di stagnari. Uidisit cu analișțâlii, criștearea a ligâturilor icunumiți cătrâ statili di Asia și Africa poati s-agiutâ și la criștearea icunumicâ ali României.
|
2025-04-03
Print
Puteț s-avdzâț căndțido