Radio Romania International

Arhiva :

Pensiili li aprindu spiritli
(2007-07-11)
Atea dit soni aspuneari: 2007-07-11 13:15 EET Print
Prezidentul şi premierlu ali Românii şi-ascoasirâ iara apalili. Subiectul a duellui anamisa di Traian Băsescu şi Călin Popescu Tăriceanu – mărearea a pensiilor a vârâ 6 miliun’i di oamin’i tricuţ, cari, după ţi lucrarâ unâ banâ ntreagâ, tora nai ma mulţâl’i bâneadzâ ca vai di el’i. I un duel a curi rezultat, cari ţi s-hibâ amintâtorlu – şeflu a statlui icâ premierlu – va s-hibâ duchitu nai ma multu di aţel’i ţi şedu di mardzinâ, dimi di pensioneri cari, di ândauâ dzâli şedu alichiţ di televizoari icâ di aparatili di radio ta s-soarbâ iţi zboru a ma mărilor dit dun’auâ. Prezidentul Băsescu deadi hâbari câ nu va-lu promulgâ noulu nom a pensiilor, adoptat tora ayon’ia di Parlamentu, câ maş dupâ ţi guvernul va-l’i prezintâ resursieli financiari ţi li ari ta s-lu bagâ tu practichie. Nu voi s-dau cali la un actu normativ minciunos cari, dapoia, s-hibâ suspendatu câ nu ari fonduri – adâvgă Traian Băsescu. ‘Nu voiu s-lu âmbudyiusescu nomlu a pensiilor, dip al’iumtrea, va-l’i dau cali, ama va-l’i dau cali ş-maca va s-hibâ ananghi s-lu tornu nica unâ oarâ la Parlamentu, ta s-escu siguru câ adraiu aţea ţi lipsea, tu unu momentu esenţial ti pensioneri. Pârmitlu ţi-lu spusnu nâscânţâ lideri di partidi că taha escu contra criştearil’ei a pensiilor easti unâ demagogie’. Di alantâ parti, miniştril’i a lucrului, respectiv ali icunumie şi finanţiloru li prezentarâ fundamenteli cari şedu la thimeilu a criştearil’ei a pensiilor ş-deadirâ asiguripseri că unâ ahtari misură nu va-lu trunduiascâ ici bugetlu ali vâsilie. Iara şeflu a lor, Călin Popescu Tăriceanu, adâvgă: ‘Voi s-vâ spunu limbid un lucru: la lâcârdiili cari s-feaţirâ tu parlamentu au participatâ reprezentanţâ a guvernului cari au vinitâ cu documenti şi cu cifri cari să ndrupascâ ţi poati ş-ţi nu poati. Pi baza a datiloru cari nâ furâ dati di Ministerlu di Finanţi şi di Ministerlu A Lucrului, nâ acâchisimu ti un palier pi cari nâ dânâsimu. Dimi ari unâ fundamentari serioasă di partea a ministerilor misticati tu aestâ crişteari a pensiilor’. Tu pareia a aţilor ţi suntu contra al Traian Băsescu suntu şi social-democraţl’i dit opoziţie, cari âl’i bagâ stepsu a prezidentului că nu va s-da cali a nomlui a pensiilor câţe aestu fu iniţiatu di el’i. Liderlu PSD, Mircea Geoană: ‘Nu easti niţi unâ turlie di itie, niţi legal, niţi constituţional, niţi financiar, ca aestu nomu s- nu hibâ promulgatu di cătri prezidentul ali Românie. Nu ştiu desi prezidentul ari câftatâ unâ fundamentari financiară atunţea cându deadi cali a nomlui ti crişteariea a tin’iilor di cafi mesu a demnitarilor, aoa şi ândauâ dzâli’. Ca unâ cocluzie putemu sâ spunemu câ tuţ âşi bagâ stepsu unu alantu di demagogie şi fariseismu politic. Câţe - sâ spuni – ătel ţi va s-azvingâ tu acestu duel va s-amintâ voturli aţiloru 6 miliun’i di pensioneri la alidzerli europarlamentari di toamna aestâ, icâ la aţeali ghenerali di anlu ţi yini. Oamin’il’i tricuţ voru, ama maş s-lâ si da pâradz ta ş-ancupârâ mâcari şi yitrii şi ta ş-li pâlteascâ hărgili ti bana di cafi dzuuâ. Autor : Roxana Vasile Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International