Radio Romania International

Arhiva :

Acţiun’i di cari easti anaghi ti ndridzearea a turismului românescu
(2007-07-10)
Atea dit soni aspuneari: 2007-07-10 13:41 EET Print
România ari un potenţial turistic multu mari. Pi unâ suprafaţă niheamâ ma mari di 237 di n’il’i di kilometri cvadraţ, afl’i munţâ anălţâ, oahti cu catifurlu moali, câmpuri lărdzâ, litoral la Amarea Laie şi, nu dip tu soni, avdzâtă Deltă a Dunăl’ei, ţi easti tu patrimoniul UNESCO. Oamin’il’i a loclui suntu daima etimi s-aşteaptâ oaspiţ – tu nordul ali vâsilie, tu Maramureşul avdzâtu ti porţâli di lemnu plichisiti manual, icâ tu Moldova nord-estică, iu suntu arâspâniti mânâstiruri vecl’i ş-muşati icâ tu chentrul ali vâsilie, dimi tu Transilvania, a curi numâ aduţi tu minti mitlu a vombirlui Dracula. Anlu ţi tricu, ma multu di 6 miliun’i di vizitatori xen’i vinirâ s-u viziteazâ România, iara aproapea giumitati di el’i eara dit vâsiliili ali Uniuni Europeanâ. Nâscânti prognozi ti 2007-2026, spunu câ numirlu a loru poati s-agiungâ pân di 15 miliun’i. Hărgili ţi li facu el’i va s-creascâ ma multu di optu ori, ta s-agiungâ, tutu tu 2026, până la vârâ 7,7 miliardi euro, iara contribuţia a turismului la PIB va s-hibâ di 6,9%, andicra di 3,5 anlu ţi tricu. Ţi lipseaşti adrari tora easti ca autorităţli dit turismul autohton să ştibâ să-şi vindă ghini pâmâtia şi s-da servicii di calitati, uidusitu cu câftarea. Nai puţân tora di oarâ, ama, Organizaţia Mondială a Turismului luyurseaşti câ promovarea a turismului românescu easti dezorganizată ş-autorităţli dit dumeni nu au unâ strateghie limbidâ. Mintâtura di activităţ curenti di marketing - birouri di promovari ditu xeani, participarea la pânâyiruri, frândzâ di web, materialili promoţionali, publicitatea - nu suntu bâgati pi aradhâ cum lipseaşti şi s-facu ceacla-macla. Idyea organizaţie easti di păreari că unâ strateghie viabilă prindi s-l’ia tu isapi pâzărli-sursă di turişti, cari, ti România, lipseaşti s-hibâ prota ş-prota, Ghirmânia, Austria, Italia, Franţa, Marea Britanie, Ungaria, Rusia şi SUA, ama şi China şi Japonia, luyursiti pâzări di oportunitati. Segmentili di pâzari cari lipseaşti s-hibâ promovati suntu turismul di emburlâchi, staţiun’ili di pi litoral şi balneari, pi misurâ ţi va s-hibâ modernizati, turismul cultural şi aţelu di aventură şi sportu, maxusu ti tiniri. La aesti s- adavgâ, fârâ di altâ, agroturismul maxusu tu zona montană şi tu Delta a Dunăl’ei. Bucureştiul tâxeaşti câ, tu primveara ţi yini va s-hibâ organizatâ unâ licitaţie internaţională ti alidzearea unâ firmâ cari s-adarâ, pân tu 2013, brandul di vâsilie ali Românie. Pi ningâ aestâ, ti unâ ma bunâ promovari, easti pruvidzutâ adrarea tu parteneriat public-privat unâ organizaţie naţionalâ ti turismu. Şi tuti aesti ta s-da câbilea turiştiloru, român’i icâ xen’i, să s-hârseascâ di muşuteţl’i a unâl’ei vâsilie cari aşteaptâ s-hibâ cunuscutâ. fii descoperită. Autor: Roxana Vasile Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International