Radio Romania International

Arhiva :

Unâ nouâ taxa di poluari
(2013-03-15)
Atea dit soni aspuneari: 2013-03-15 11:40 EET Print
Naua taxâ auto, ţi s-cl’iamâ “timbru trâ mediu”, fu bâgatâ tu practico - tu Românii - di viniri. Ea va s-hibâ pâltitâ maşi unâ oarâ, la prota înmatriculari pi pâzarea dit Românii icâ la prota alâxeari di proprietar, cu excepţia a cazurilor di moşteniri icâ partaj. Aţei ţi pâltirâ veacl’ea taxâ di poluari nu va s-sa iara pâradz pi timbrlu di mediu, ama aţilor ţi lâ si deadi nâpoi taxa, va s-pâlteascâ la prota vindeari. Ministrul a Mediului, Rovana Plumb, exiyisi turlia di calcul a taxâl’ei. “Timbrul di mediu bagâ tu calcul emisiili di dioxid di carbon ţi nu coteadzâ capacitatea cilindricâ. Aestâ fu câftarea ţi vini ahât di la cetăţen’i, cât şi di la Asociaţia a Producătorilor şi Importatorilor di Amaxi, ama şi di la UE, cari, dupu cum sâ ştii, caftâ şi n’icşurarea a nivelului di emisii di dioxid di carbon.” Pâhălu a timbrului di mediu easti intrâ 50 di euro ti unâ amaxi nauâ Euro 5 şi 2500 di euro, ti unâ Euro 3, veacl’i di 10 an’i. Nauâ formulâ di calcul duţi la unâ crişteari di vârâ 10% a pâradzlor ţi lipseascu s-hibâ daţ ti amxili Euro 4 şi Euro 3, ama şi la unâ scâdeari între 60% şi 90% ti amaxili Euro 2, Euro 1 şi non-euro. Ministerlu a Mediului dzâsi că taxa armâni tut aţea ti amaxi Euro 5, iara ti Euro 6, ti amxisi ţi sunti di turlii hibridâ şi ti aţeali electrice nu va s-hibâ ţiva pâltit. Di la pâltearea a timbrului di mediu suntu scoasi îndauâ turlii di amaxi printrâ cari şi aţeali a misiun’ilor diplomatiţi, aţeali dit competiţiili sportivi, a oamin’ilor cu dizabilităţ, a forţilor armati, ali jandarmerii şi a ambulanţilor. Rovana Plumb spusi, estimă că nivelu a încasărilor dit timbrul di mediu va s-ahiungâ la 700 di milioani di lei (vârâ 160 di milioani di euro) tu 2013. Pâradzl’ii vor s-hibâ ufilisiţ ti diversi proiecti di mediu - infrastructurâ, apâ şi canalizari, ecologizarea a iazurilor şi digurilor decontaminati, parcuri di energhie regenerabilâ. Tu minduita a ministrului, unâ parti dit aeşţâ pâradz vor s-hibâ ufilisiţ si ti programlu di înnoiri a parcului auto, ţi s-cl’iamâ multu sugestiv „Rabla”, cari tu 2013 va s-ahurheascâ tu meslu Apriiur. Pâhălu a unui voucher va s-hibâ di 1500 di euro, iara ti ancupârarea a unâ amaxi electricâ va s-hibâ dat un tichet di 2000 di euro. Ţi easti nău, tru estan? Câ va s-poatâ s-hibâ casati şi amaxili Euro 3 nu ma vecl’i di 10 an’i. Tut dit pâradii luaţ pi timbrlu di mediu, Ministerlu a Mediului va s-da, a cetăţen’ilor român’i ţi amintarâ tu instanţâ, contravaloarea a taxâl’ei auto pâltitâ ninti, taxâ ţi s-aproachi la vârâ 400 di milioani di lei ( 90 di milioani di euro).

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International