Radio Romania International

Arhiva :

JUSTIŢIA – SUM AMINĂRLI A CRITICÂL’EI
(2007-07-09)
Atea dit soni aspuneari: 2007-07-09 13:53 EET Print
Prezidentul român, Traian Băsescu, sumcundil’e tu zborlu ţi-l ţânu tu câsâbălu Alba Iulia (chentrul ali vâsilie) cu itia a yiurtusearil’ei a Dzuuâl’ei ali Justiţii Românâ, câ, tu aestu momentu, ari patru scupadz vital’i ca România s-nu mata hibâ un cazu cu problemi ti UE, di punctu di videari a reformilor tu justiţii şi s-ascapâ, anlu ţi yini, di monitorizarea ali Comisii Europeanâ: “Aducu aminti diznou zboarâli mâyipsiti: prota reformarea a sistemlui ali justiţie, uidusearea a lui completâ di punctu di videari a ânveţlui profesional şi a axiil’ei di reacţii la ananghili sociali; deftura – hâiri tu alumta contra ali aruşfeti pi nivelu analtu; treia – intrarea pi lucru ali Aghenţie Naţionalâ ti Integritati şi patra – axia sâ s-bagâ sum control corupţia tu administraţia localâ.” Băsescu lu critică, tu cuvenda a lui pi ministrul ali Justiţie, liberalu Tudor Chiuariu, a curi âl’i feaţi timbihi câ nu ari ândreptul s-u subordoneadzâ Justiţia la interesili politiţi, aluzie la controversata scuteari di pi funcţie a adjunctului a şeflui ali Direcţie Naţionalâ Anticorupţie(DNA), Doru Tuluş, ama şla cilâstâserli ţi li feaţi ta s-li ascadâ reformili ţi s-feaţirâ ninti di mandatlu a lui. Traian Băsescu tracK: “Nu poati s-cafţâ alâxearea nâscântor procurori cari l’i-âmbudyisescu muştiradzl’i politiţ, domnule ministru, cum nu poati s-cafţâ sâ s-ângrâpseascâ cama arău tu raportul di vâsilie, câţe aşi dicteadzâ interesili politiţi.” Chiuariu fu obligat s-da apandasi la critiţli a prezidentului cari âl’i vâryi magistraţl’i câ nica nu scoasirâ ân capu niţi un un dosar di analtâ corupţie, factu ţi u ascadi imaghinea ali Justiţie românâ: “Partea di reformâ ţi nica lipseaşti s-u fâţemu ţâni ma multu di putearea a magistraţlor. Vâ câdzu unâ sarţinâ importantâ şi tu aţea ţi mutreaşti alâxearea a percepţiil’ei ali Românie şi tu Europa şi tu lumi. Tuţ nâ sâturămu s-himu mutriţ ca unâ sursâ di criminalitati, corupţie şi nisiguranţâ.” Tu aradha a l’ei, procurorlu gheneral ali Românie, Laura Codruta Kovesi, apândâsi a critiţlor prezidenţiali, prit un apel la magistraţ ş-u ţânâ indendenţa giudicâtoreascâ şi s-nu alasâ justiţia s-agiungâ ditu garantu a libirtăţlor individuali un instrumentu di alumtâ politicâ: “Prindi s-avemu angâtanu cumu u mutreaşti laolu justiţia nu câţe himu monitorizaţi di UE, ama câţe vremu ca cetăţen’il’i s-li mutreascâ cu tin;ie ş-pisti deţiziili a magistraţlor. Mini mi alumtu s-avemu magistraţ independenţâ, cari s- asiguripseascâ unâ zigâ bunâ anamisa di exigenţili profesionali şi ândreptul a cafi unui cetăţean la unâ justiţie alithea.” Autor: Valentin Ţigău Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International