| Summit heavy-metal București 28.06.2010 |
| (2010-06-28) |
| Atea dit soni aspuneari: 2010-08-16 11:25 EET |
Nai ma marli eveniment rock ți s-țănu vărnăoară tu Romania! Ași fu număsit Sonisphere Festival, andreptu tu aistu week-end, Bucuresti și iu iara viniti nascănti trupe luyursiti di nai ma avdzătili dit genlu heavy-metal. Manowar, Accept, Metallica, Slayer, Megadeth, Anthrax si Rammstein fură numili nai ma importanti pi lista a festivalui, ți chiro di trei dzăli, adună cama di 100 di nili di spectatori. Seria a concertelor di yis fu dișclisă di ațeli di la Manowar si Accept, ți ahurhiră maratonlu. Membrili Manowar, număsiț văsăielii ai metalului, s-hărăsiră di ună aprucheari regală di partea a publiclui, ți s-harasi si el di unu di nai ma imortantili numi ali industrie rock mondială. Accept, cu una activitate matusalemica tu heavy-metal, confirmă sucțeslu a ațălor 30 di milioani di albumi vinduti pănă tora. Daua dzuă ali avu oaspiț pi legendarli The Big Four - Anthrax, Megadeth, Slayer și Metallica. Prota intrară pi sțenă Anthrax.Deapoia Megadeth amplini di energie, ți scoasiră tu padi că nu geaba suntu tu careul di ași a heavy- metal-ului. Vahi nai ma aștiptata formație a searălei Slayer putu di arupsi sinurili a sunetlui. Punctul culminant fu simnatu di Metallica, trupa ți adusi extazlu ti spectatori. Pi ninga legendarele baladi, showul agiumsi la coti maximi și di itia a efectelor pirotehniți . Dzua dit soni a maratonlui avu tu prota fesi recitalu a germanilor di la Rammstein, ți avră ăntănlu concert tu Romania,una demonstrație exploziva, ți ti amărtie fu ama și bitisita a Sonisphere Festival.
Armâneaști. T.E
|
2025-04-03
Print
Puteț s-avdzâț căndțido