Radio Romania International

Arhiva :

Un leu tutu ma vârtosu
(2007-07-03)
Atea dit soni aspuneari: 2007-07-03 12:36 EET Print
Pârălu naţional românescu easti tutu pi crişteari – nâscânţâ u numâsescu ‘agresivă’ – andicra di euro icâ di dolarlu amiricanu. Per total, di la ahurhita a anlui, leulu criscu cu 8%, ş- luni, el agiumsi pi nai ma n’iclu nivel tu 5 an’i şi unu mesu andicra di moneda europeanâ. Aţel’i cari bâga pâradz nanaparti tu euro icâ dolari suntu niheamâ mintiţ, câţi nu ştiu desi nu va s-chearâş-cumu s-facâ s-amintâ cât cama multu dit alâxearea valutarâ. Analiştil’i di la vdzâta companii xeanâ East Capital lâ da aiştoru unâ mânâ di agiutor cu unâ apandisi, ca dealithea nu multu limbidâ, ma s-lom tu isapi imprevizibilitatea a leului. Aşi, specialiştil’i di la aestâ societati di administrari a fondurilor dişcl’isi di investiţii, specializată tu pâzărli estu-europeni, anticipeadză că moneda românească va s-ânvârtuşeadzâ pi chiro lungu, ama pi chiro şcurtu poati s-aibâ nâscânti fluctuaţii. Explicaţia a lor easti aţea câ ti statili cari au aderatâ tora ayon ‘ia la Uniunea Europeană, şi dimi ş-ti România, criştearea monetară easti unâ parti importantă a proţeslui di tranziţie, iar învătuşearea semnificativă a monedilor aiştor vâsilii easti rezultatlu a unâl’ei dezvoltari normalâ a icunumiilor a loru. Easti alithea că trendul ascendentu dit chirolu dit soni a leului avu la thimel’iu nâscânţâ factori cu acţiuni imediatâ, cum vinderli speculativi icâ afluxul di capital, ama la aeşti s-adâvgarâ şi nivelul n’icu ali inflaţie, borgea publică nu para mari şi yinearea a investiţiilor xeani directi. Lipseaşti sâ spunemu câ investitorl’i xen’i nica u luyursescu, România un potenţial "tigru" a curi dezvoltari icunomică nu fu âmbudyiusitâ di turbulenţili di estanu di pi sţena politicâ. Moneda naţională românească – cama spunu specialiştil’i di la East Capital - easti unâ isturie di sucţes cari treaţi di sinurlu ali Românie, tora hiinda listati pi bursili xeani obligaţiun’i corporativi tu lei ţi reprezintâ ma multu di 1,25 miliardi di euro. Premierlu Călin Popescu Tăriceanu dzâsi câ, ca dealithea că, pi di unâ parti, crişterea a leului âmbudyiuseaşti exporturli, ama, pi di alta, va-lâ bagâ zori a investitorlor s- caftâ soluţii di crişteari ali productivitati şi va s-da izini a român’ilor s-ancupârâ pârmâtii şi servicii dit importu la un pâhă ma n’icu. Cu tuti aesti, maca leul tutu va s-creascâ, ş-aestă evoluţii va s-hibâ determinată di nâscântâ factori punctuali, nu di criştearea ali icunumie alithea, Banca Naţională ali României poati s-bagâ pi aradhâ piaţa valutarâ. Pânâ tora, ama, nu u feaţi. Autor : Roxana Vasile Armanipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International