Radio Romania International

Arhiva :

Aschirladz român’i tru Afganistan
(2010-06-24)
Atea dit soni aspuneari: 2010-06-30 15:14 EET Print
Ascherea română pălti, diznău, cu săndzu ti aţea că l’ia parti la operaţiunile ali coaliţie multinaţională dit Afganistan. N’ercuri nica doi aschiraldz român’i murirâ tru chirolu a unăl’ei misiuni di patrulari pi autostrada cari leagă capitala, Kabul, di Kandahar (sud). După un stenariu di ma năinti fu brevetat di insurgenţăl’ii afgani, aftuchina blindată tu cari eara român’il’i fu aguditâ di explozia a unlui dispozitiv improvizat, apres di largu. Moartea a sergentului-major Dan Ciobotaru (28 di an’i) şi a caporalui Paul Caracudă (36) analţă la 15 numirlu a aschirlafdzlor român’i cădzuţ la datorie tru Afganistan, ahurhidalui dit 2003, cându Bucureştiul şi-pitricu protili ascheri deadun cu aliaţl’ii americani. A aiştor lă si adavgă 53 di pliguiţ. Ministerlu ali Apărarii lă deadi, al Ciobotaru şi Caracudă gradlu di sumlocotenentu post-mortem şi ăl’i pripusi a prezidentului Traian Băsescu s-lă da Ordinlu Naţional Steaua ali Românie. Tora ayon’ia, tru numa a Guvernului a Statilor Uniti, em secretarlu di stat Hilary Clinton em ambasadorlu american Bucureşti, Mark Gitenstein, şi spusirâ pricunuştearea ti aţea ţi număsi curayilu şi cilastisearea ţi u spusiră aschirladzl’i român’i, cari “au un rol di mari simasie tu alumta NATO contra ali tiranie şi a extremismului”. “Statili Uniti ali Americă suntu pirifani că România easti un di naima aprucheaţl’i soţ tru Afganistan” – cundil’e Gitenstein, a curi văsilie easti ligată di Bucureşti prit un parteneriat strategic. Fief consacrat a taliban’ilor, avinaţ di la puteari di american’i unâoarâ cu intervenţia di la bitisita a anlui 2001, sudlu a Afganistanlui easti ş-tora destabilizat di insurgenţa islamistă, iara ma marea aprti di tu aţel’i 1.460 di aschirladz român’i suntu dizvărtiţ tru aestă zonă. El’i partiţipă aem la operaţiunea, susto marţială, Enduring Freedom, îndriptată contra a aribel’ilor taliban’i şi a armăsăturlor a pareiil’ei teroristă Al-Qaida, em şi la Forţa Internaţională di Asistenţă al NATO, ţi ari tru amprotusa stabilizarea şi reconstrucţia a aiştei văsilii aputrusită, ahurhindalui cu anăpădearea sovietică dit 1979, di 30 di an’i ş-cama di polim. Că vărnu nu ari, practic, ună reţetă infailibilă ti irin’ipsearea a Afganistanlui u spuni şi atea dit soni polemică anamisa di prezidentul Barak Obama şi cumăndarlu a ascherilor NATO di aclo, gheneralu Stanley McChrystal, di s-agiumsi la demisia a aţilui dit soni. Di ună anvergură fără preţedentu, campania anti-insurgenţă nchisită di suţata multinaţională tru ahuhrita a anlui 2010 poati s-ţană multu chiro, aşi cum spun experţăl’i militari, aproapea un an ş-giumitati. Şi, tru idyiul chiro em Washington em Bucureşti, tută lumea easti duchimăsită că isapea a cheardilor di oamin’i easti tut cama lahtăroasă.(240610) Textul: Bogdan Matei Apriduţearea: Taşcu Lala ST.TR.II inloc. - 24.06.2010 17:28 Bucuresti - Curtea Constituţională din Romania si-amană trâ mâne decizia la sesizărle a Analtâl’ei Curte di Casaţie şi Justiţie şi ale opozitie parlamentarâ mutrindalui niconstituţionalitatea a misurlor di austeritate a Guvernului. Sesizarle invocă restrandzirea a unor drepturi ca aţeale la salariu, pensie, ajutor de somaj ică asistenta medicala, ama si faptul ca guvernul sâ-si aibâ câlcatâ obligatia constitutionala di asiguripseare a cetatean’lor unâ banâ decentâ. Guvernul di la Bucuresti adoptă un plan di reechilibrare bugetara ţi consta, in principal, in reduţirea a salariilor din sistemul public, a pensiilor si a unor indemnizatii suţiale. (Faneos) St. tr. I 24.06.2010 XXX - România easte un suporter fermu (sânâtos) ale includire în UE a tutulor statilor membre a Proţesului di Cooperare în Europa di Sud-Estu, afirmă prezidentul Traian Basescu la summitul SEECP di la Istanbul. El reafirmă că România susţâne eforturle a administratil’ei democraticâ din Rep. Moldova di aprucheare di structurle europeane. Băsescu sumcundil’e ca Rep. Moldova lipseaşte s-l’ia unâ perspectiva di aderare europeana similara a statilor din Balcan’l’i di Vestu. Summitlu marcă bitisirea a mandatlui ale Turchie la prezidentil’a în exercitiu a SEECP si loarea aliştei di catră Muntenegru. (andreea) St.Tr.II inloc 240610 20:30 Washington – Prezidentul a SUA, Barack Obama, s-adună, azâ, la Washington, cu omologlu a lui arusescu, Dmitri Medvedev. Aghenda a discutiilor incluse posibila aderare ale Rusie la Organizatia Mondiala a Comertului. Aţel’i doil’i abordarâ, ninca ,şi dezarmarea si niproliferarea nucleara, pricum si dosare internationale - situatia din Peninsula Coreeana, din Extremlu Orientu, Kîrgîzstan si Afganistan si programlu nuclear iranian. Anterior, dupu aghentia aruseascâ di presa Interfax, Obama u invită Rusia sa coopereadzâ cu SUA in domeniul a apararil’ei antiracheta. (Florentin) St.Tr.II inloc. - 62410 5:32 PM Bucuresti – Unâ delegatie a comunitatil’ei romaneascâ ditru Ghirmanie s-adună, azâ, la Bucuresti, cu seflu a statlui, Traian Basescu. Aghenda a delegatil’ei cama are vizite la Guvernu, la Parlamentu si la Societatea Romana di Radiodifuziune. Principala tema a discutiilor easte ndruparea a comunitatil’i romaneascâ ditru Ghirmanie tru ţi mutreaşte pastrarea a identitatil’ei nationalâ. Tru Ghirmanie locuiescu (au loclu di bânare) circa 300 di m’il’e di etniţ roman’i si aproapea 450 di m’il’e di sasi transilvanean’i si svabi banatean’i viniţ ditru doaua provincii istoriţe romaneşţâ. Pi di alta parte, seflu a diplomatiil’ei ghirmanâ, Guido Westerwelle, va-s facâ, mâne, unâ vizita la Bucuresti, iu va-s discutâ, in special, di politica externa a UE si cooperarea la Marea Neagra. (Florentin) ST.TR.I 24.06.2010 10:05 Bruxelles - Strateghia NATO în Afganistan arămâne nialâxitâ, cu tutâ revocarea a gheneralului american Stanley McChrystal din funcţia di comandantu a trupilor NATO în statlu aestu, declară secretarlu gheneral a Alianţâl’ei, Anders Fogh Rasmussen. El salută, pi di alta parte, nominalizarea a gheneralului David Petraeus ca succesor, ca mirazgi al McChrystal. Prezidentul american, Barack Obama, îl demise pi comandantul militar în Afganistan, gheneralul Stanley McChrystal, după declaraţiile critiţe ale iştui la adresa ale administraţie a lui. (Faneos) Armanipseare: Hristu Steriu

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International