Radio Romania International

Arhiva :

SONDAJI ŞI ÂNDRIDZERI TI ALIDZERI
(2007-07-02)
Atea dit soni aspuneari: 2007-07-02 14:54 EET Print
Sondajlu faptu tora ayon’ia di Institutlu Român ti Studii di Opinii şi Marketing (INSOMAR) scoati tu migdani haua ţi easti anamisa di pisti ş-politicâ la român’i. Explicaţia easti câ tu Românie, iu ma multu di 95% di dun’iauâ s-declara di pisti criştinâ, bâserica ari unâ lungâ adeti, iara continuitatea ali banâ religioasâ, asiguripsitâ nica ş-tu chirolu a reghimlui comunistu, âl’i da unâ mari credibilitati tu ocl’i ali dun’iauâ. 51% di inşil’i ântribaţ tu sondajlu INSOMAR dzâsirâ câ au nai ma marea pisti pi bâsearicâ ş-maş 28% bagâ piprotlu locu Ascherea, iara 12% Jandarmeria. Unâ di mărli amintări ali Revoluţie Românâ dit 1989, presa libera, s-hârseaşti azâ di pistea a 12% di român’i, aproapea isa cu instituţia prezidenţialâ şi Serviciul Român di Informaţii. Efectu a armânearil’ei unu gradu mari di coruptii tu sfera judiciarâ, Justiţia cândâseaşti maş 4% di român’i, iara sindicateli si hârsescu di idyiul proţentu di pisti. Nai ma puţân arisiţ suntu, ama, deputaţl’i a aţiloru dauâ cameri a Parlamentului ali Românie, partidili politiţi şi guvernul cari scâdzurâ multu: maş 2% di aţeli ţi apândâsirâ la anchetâ au pisti pi aesti instituţii. Sondajlu, faptu tu iamea di chiro 20-25 iunie 2007, tu 54 di localităţi rurali si 52 di localităţi urbani, cu unâ marjâ di eroari di 2,7%, da şi un clasamentu a personalităţlor politiţi romaneşti a momentului. Cu tutu votlu di nipisti ţi-l lo, tora ayonia di partea a Leghislativlui, ama ânvârtuşat di rezultatlu a referendumlui mutrinda demiterea a lui, pi protlu locu easti prezidentul Traian Băsescu, cu unâ pisti di 54%. Dupu elu yinu la mari distanţâ di Emil Boc (PD), Teodor Stolojan (PLD), Mircea Geoana (PSD), Calin Popescu–Tariceanu (PL) şi Corneliu Vadim Tudor (PRM), cari au un scor anamisa di 6 si 3%. Ma s-fâţea stâmâna aestâ alidzeri parlamentare, PD (pro-prezidential) vrea s-eara votatu di 47% di român’i, PSD (di opozitie) di 18% şi PNL (la guvernari) di 13%. Tu România alidzeri leghislativi suntu programate, tu 2008, ama, pânâ atunţea, toamna aestâ român’il’i va s-poatâ sâ-şi spunâ, ti prota oarâ, mirăcl’i politiţi tu scrutinlu ti Parlamentul European. Ditu aestâ perspectivâ, sondajlu INSOMAR poati s-hibâ un semnal, em ti partidili dit prota parti a clasamentului, em ti aţeali formaţiun’i diou n’iţ cari suntu tu piricl’iu s- nu treacâ, la alidzeri, praglu di 5% ti reprezentarea tu Parlamentu. Autor: Valentin Tigau Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International