Radio Romania International

Arhiva :

Lucri ţi hierbu tu actualitatea internaţionalâ
(2013-01-16)
Atea dit soni aspuneari: 2013-01-16 12:28 EET Print
Lucri ţi hierbu tu actualitatea internaţionalâ România ş-arătă greulu interes tu ţi mutreaşti evoluţii di tora ayonia a catandisâl’ei dit Mali, unlu dintrâ nai ma laili vâsâlii di pi glob şi colonii francezâ pânâ tu 1960. Aestu interes ahurhi unâoarâ cu operaţiun’ili militari a grupărilor rebeli radicali dit nordul a statlui. MAE-ulu di Bucureşti nu apruchie acţiun’ili a grupărilor teroristi ţi îndrupăscu zurbâlâchea şi extremismul religios ţi duc la criştearea a pericului di destabilizari ti tutâ reghiunea subsaharianâ. MAE salută îndruparea vinitâ di partea ali Franţâ ti autorităţ’li di Bamako şi apruchie unâ colaborari internaţionalâ activâ anamisa di autorităţi’li malieni, mutrinda intrarea disnău pi aradâ constituţionalâ şi stabilitatea tu Mali, idyea cu loclu ali UE şi cu apofasili luati di ONU şi di Uniunea Africanâ. Uidisit cu MAE, România da unâ greau importanţâ tu ţi mutreaşti tin’isirea a valorilor democratiţi, ali toleranţâ, a statlui di îndreptu, ali suveranitati şi ali integritati teritorialâ a statlui Mali. Caplu ali diplomaţii români, Titus Corlăţean, dzâsi: „Noi n-aspusim, şi nu maşi noi, greulu interes andicra di evoluţiili dit Mali, aclo iu grupări armati teroristi, di turlii extremistâ şi fundamentalisti da cali, prit zurbâlâchi, la periculi mutrinda stabilitatea tu tutâ reghiunea subsahariană. Zburâm di un interes a suţatâl’ei internaţionalâ democraticâ ta s-alumtâ cu terorismul, extremismul fundamentalistu şi di aoa anaghiea ti unâ intervenţii. Him hârioşi că ari loc aestâ andamusi extraordinarâ a minişţrâlor a afacerilor externi dit UE di gioi di Bruxelles. Apruchiem rolul şi acţiunea ali Franţâ, ţi yini s-îndrupascâ autorităţili leghitimi dit Mali. Avem şi anaghiea ti unâ coordonari internaţionalâ la nivelu UE, ta s-yinim şi s-îndrupâm cum lipseaşti, aşi cum francezil’ii adrarâ, şi cum şi di la nivelu a Naţiunilor Uniti, di exemplu, s-câftă.” Franţa lansă viniri unâ intervenţii militarâ ta s-dânâseascâ yinearea a combatanţilor islamişţâ dit nordul a statului Mali câtâ capitala Bamako. Dupu ahurhita a raidurilor aerieni francezi ti alumtarea contra a 'terorismului', islamişţâl’ii – înarmaţ - anchisirâ s-fugâ dit mărl’ii câsâbadz dit nordul ali vâsâlii ţi u aveau ocupatâ di nauâ meşi. Prezidentul francez, François Hollande, hâbârisi unâ crişteari a trupilor dit Mali andicra di 750 di soldaţi câţ suntu tora, ca dapoaia ei s-poatâ s-alasâ loclu a forţilor africani loialisti. Un altu punctu ţi hiarbi easti Siria, iu marţâ murirâ, uidisit cu Observatorlu sirian a Îndrepturilor a Omlui, tu tutâ vâsâlia cama di 150 di oamin’i, majoritatea civili. Naţiun’ili Uniti spun câ pisti 60 di n’ii di oamin’i furâ vâtâmaţ tu aţei aproapea doi an’i di încâceri dintrâ civili şi reghimlu a prezidentului Bashar al Assad.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International