Radio Romania International

Arhiva :

Meatri di turlii socialâ a Guvernului
(2013-01-16)
Atea dit soni aspuneari: 2013-01-16 12:28 EET Print
Meatri di turlii socialâ a guvernului Aghenda a moaubeţlor dintrâ Guvernul di Bucureşti şi delegaţia FMI, ţi easti tu misiuni di evaluari tu Românii, easti multu largâ şi ari, pi ningâ proiectul di bughet pi 2013 şi temi di turlii clasicâ, legati di reformili structurali şi privatizărili amânati, subiecti ţi au unâ componentâ socialâ di mari puteari. Întrâ aesti dit soni s-misurâ şi intenţia, vrearea a executivlui ta s-creascâ aruga minimâ di la 700 di lei (160 di euro) la 800 di lei (aproapea 180 di euro). Criştearea u caftâ sindicatili şi reprezintâ, tutnâoarâ, un zbor dat di Uniunea Social Liberalâ, la guvernari, dzâs tu campania ti alidzerli parlamentari di tora ayoniea. Goala crişteari a arugâl’ei minim garantatâ, nicorelatâ cu crişterea di productivitati tu lucru, poati s-aibâ efecti adversi, di niapruchiat, dzâţi prezidentul a Consiliului Naţional a Întreprinderilor Privati N’iţ şi di Mesi, Ovidiu Nicolescu : „Consililu Naţional a Întreprinderilor Privati N’iţ şi di Mesi, dit considerenti, prota, di turlii socialâ, aproachi aestâ crişteari, câ ţe easti multu limpidi câ veniturili n’iţ nu duc la unâ banâ cum lipseaşti, decentâ. Ştim câ aestâ meatrâ va s-aibâ un impact pozitiv şi ti câftari, u apruchiem câ ţe ea va s-adarâ ma bun climatlu di lucru, multu importantu ti performanţili a firmilor. Ama lipseaşti s-him multu cu bâgari di oarâ la meatrili ţi s-l’iau, câ ţe maca va nidzem ninti şi va s-criştem veniturili cama pisti nivelu di productivitati, va s-avem mări problemi cu inflaţia, cu bânarea a firmilor şi cu scâdearea a exporturilor”. Un proiectu cama vecl’iu a social-liberalilor easti şi n’icşurarea TVA la mâcărrli di bazâ. Ministrul ali Agriculturâ, Daniel Constantin, spuni că aestâ meatrâ s-poati s-hibâ bâgatâ cu titlu experimental tu doilu trimestru, dupu moaubeţ cu Fondul Monetar şi cu alanţâ creditori di nafoarâ. Proiectul pilot va s-mutreascâ n’icşurarea TVA di la 24 la 9% la yinimati, morărit şi panificaţii, elementili ţi adarâ pâhălu la tutâ pânea. Un calcul preliminar n-spuni câ gairetea bughetarâ ţi u presupuni scâdearea a TVA-ului, di vârâ 150 di milioani di lei, nu va s-hibâ multu greau, di turlii dramaticâ, dzâc reprezentanţâl’ii a Guvernului. Ama bunlu lucru aştiptat, va s-hibâ unâ n’icşurari multu importantâ ali evaziuni tu domeni, estimatâ, tora, la 70%. N’icşurarea a ei la 20% va s-hibâ isa cu succeslu a proiectului, lucru ţi va s-poatâ s-ducâ la unâ tindeari a lui. Tu practico, afirearea di evaziuni easti prota furn’ii a proiectului, şi nu latura a lui socialâ, dzâsi ministrul ali Agriculturâ, Daniel Constantin.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International