Radio Romania International

Arhiva :

Piaţa ali Universitati şi minerl’ii (14.06.2010)
(2010-06-14)
Atea dit soni aspuneari: 2010-06-18 13:39 EET Print
La 20 di mai 1990, dupu ţinţi an’i di la surparea ali dictatură comunistă al Nicolae Ceauşescu, aţel di ma ninti ministru a lui dit an’il’i 70, Ion Iliescu, acăţat tu isapi ca lider ali Revoluţiei, fu, practic, plebiscitat, amintăndalui protili alidzeri prezidenţiali libiri cu aproapea 85% dit voturi. Partidlu a lui, ună ndziminari eterogenă di revoluţionari alithioşi şi comunişti di mâna a daua, avea amintată, tu arda-lă, dauă cirecuri dit locurli dit Parlamentu. Bucureşti, Piaţa ali Universitati, acăţată nica dit apriiur di studenţă şi proclamată “loc libir di neocomunismu”, s-avea gulită, ti furn’ia că manifestanţăl’ii avea aprucheată serta apofasi a urnilor. Iu un chiro ma ninti eara dzăţ di n’il’i di oamin’i hărăcochi si non-preşcavi, avea armasă maş ndauă dzăţ di grevişti a foamil’ei, vărnu di el’i niaxi ta ş-ducă ma largu bana nafoara a Piaţăl’ei ali Universitati. Avinarea a lor di Poliţie, tu noaptea di 13 di cirişar, s-feaţi cu ună furteaţă disproporţionată, ţi scoasi tu migdani fuvirsearea dit dzălili ali Revoluţie. Niţi ază nu easti limbid desi aţel’i, cari, a daua dzuuă, apăndăsiră şi deadiră alumti pi geadei cu poliţia si acăţară sediili a ministerlui di Interni şi Televiziunil’ei, avea cadealihea vără ligătură cu Piaţa. Iliescu şi oamin’il’i a lui lă băgară numa “legionari” (extrema dreapta interbelică) şi, acă ascherea u avea băgată diznău arada, cl’imară populaţia ta să u ascapă “democraţia tu piricl’iu”. Minerl’ii dit Valea a Jiului (centru) aapăndăsiră la căndăseari. "Aţel’i ndoi dit Piaţă nu putură ta s-hibă dănăsiţ s-nchisească stenili ateali lăhtăroasi; niţi minerl’ii nu putea s-hibă dănăsiţ pi caleaa ţi avea nchisită cătă Bucureşti" – nu dănăsi ici di atumţea să u spună Iliescu. Maş dauă dzăli, 14 şi 15 di cirişar, u avură tu mănă minerl’ii Capitala, iu loară cumandul la iţi autoritati dupu nom. Duri ta s-alasă dinăpoia a lor 700 di pliguiţ, cama di ună n’ili’e di oamin’i ncl’işi paranom şi naima pţăn şasi morţă. Universitatea călcată, sediili a partidilor di opoziţie şi a jurnalilor independenti asparti lu advgă cadurlu a aputrusearil’ei. Ti procurorlu gheneral di ază ali Românie, Laura Codruţa Koveşi, ancheta tu ţi mutreaşti mineriada fu “ună di naima nghios lucru armas niscos ncap tru tută istoria a Ministerlui Public”. Insul gol ţi fu condamnat fu un miner cari avu tu umuti, la propriu, ta s-tal’ie caplu a unlui student. Victimili dit cirişar 90 stipseaşti nu maş impunitatea asiguripsită di niputearea canda cu vrearea a l’ei ali Justiţiei, că şi impenitenţa a instigatorlor. Di la Iliescu la propagandiştil’i a lui di atumţea dit presa di stânga, tuţ ma largu arucă căbatea, maniacal, vărnăoară spusă cadealihea “planlu ti goadă a cratlui”. Şi canda nu s-fac pişmani că u pimsiră văsilia pi budza a polimlu ţivil şi l’i-alăxiră, tu ocl’l’i lăhţărsiţ si anvirinaţ a lumil’ei ţivilizată, vidzuta giunească dit dzălili ali Revoluţie cu ună ayrimi preistorică.( 14.06.2010) Textul: Bogdan Matei Apriduţearea: Taşcu Lala St.Tr.II - 14.06.2010 19:09 inloc. st. Luxembourg - Baconschi Bucuresti – Senatorl’i şi deputaţl’i romani dezbat şi isi exprima, mane, votlu in ligatura cu moţiunea di cenzură 'Dânâsiţ ghenoţidlu soţial', iniţiatâ di parlamentarl’i PSD+PC. Executivlu si-asumă raspundirea pi proiectul di leadze mutrindalui unile misuri cu scuoplu sa restabileasca echilibrul bugetar. Intră alte, easte zborlu di reduţirea a pensiilor cu 15% şi a salariilor a bugetarlor cu 25%. Ma că moţiunea va-s hibâ adoptatâ, Guvernul va-s hibâ demis. În cazlu în care moţiunea easte respinsâ, misurle di austeritate suntu considerate adoptate şi va-s intra în vigoare unâoarâ cu publicarea a lor în Monitorlu Ofiţial. (Leyla Cheamil) St.Tr.II inloc. - 140610 19:50 Bruxelles - Comisia Europeană ligă un acordu cu Washingtonlu pi tema a transferlui în Statile Unite a datilor bancare, în cadrul a aplicaril’ei a misurlor di combatire a terorismului, anunţă comisarlu a UE trâ Afaceri Interne, Cecilia Malmström. Ea negocie cu SUA condiţiile necesare a accesaril’ri a datilor bancare şi a informaţiilor provenindalui di la optu m’il’e di instituţii şi bănchi, ghestionate di compania Swift, cu sediul la Bruxelles. Ininte di a intrare în vigoare, acordul lipseaşte s-hibâ aprobate di statile membre a UE şi di Parlamentul European. (Leyla Cheamil) XXX – Secretarlu gheneral al ONU, Ban Ki-moon, sâ spuse gâilipsot di escaladarea (ascâlinarea) a violentilor inter-etniţe in sudlu a Kîrgîzstanlui. Uidist cu ultimlu bilantu ofiţial, confruntarle dintră kirghizi si etniţl’i uzbeţ ţi avurâ loc in câsâbălu Osh si tru locurle din varliga si soldarâ (pâltirâ) cu piste 120 mortâ. Dzăţ di m’il’e di uzbeţ fudzirâ ditru vâsilie. Uzbekistanlu, ţi apruche piste 80 di m’il’e di uzbeţ, decise sa ncl’ida frontiera trâ arifugiaţ. Aualtadz, sambata, guvernul interimar di la Bişkek deade unda verde a fortilor di securitate s-traga/s-aminâ pi participantâl’i la violente. Pi di alta parte, Moscova anuntă ca pitricu aproximativ 150 di militari in nordul a Kîrgîzstanlui, iu s-aflâ unâ baza aeriena aruseasca. (Leyla Cheamil) Armanipseara: Hristu Steriu

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International