Radio Romania International

Arhiva :

România nu lu-aproachi raportul Marty
(2007-06-28)
Atea dit soni aspuneari: 2007-06-28 14:44 EET Print
Aoa şi ândauâ dzâli, Aghenţia Chentralâ di Informaţii a Statilor Uniti (CIA – cum u cunoaşti tutâ lumea) disecretiză documenti mutrinda operaţiun’i paranomu, dit an’il’i ’50-’70, a nâscântor aghenţâ secreţi: planuri mutrinda organizarea di asasinati, vgl’iarea a nâscântor jurnalişti amirican’i, nica ş-a cunuscutâl’ei theatrinâ Jane Fonda, tu tinireaţâ unâ militantă contra a polimlui ditu Vietnam. Azâ CIA li tin’iseaşti nomurli – declară directorlu ali Aghenţie, Michael Hayden. unâ afirmaţii cari mulţâ nu u pistipsescu, inclusiv elveţianul Dick Marty, raportor special a Consiliului ali Europâ. El redactă un deftur raportu, aprobat di Adunarea Parlamentară, ti şupeia câ avea hâpsânadz ascumţâ ali CIA iu tânea oamin’i ti cari avea şupeie di terorismu. Marty, ngrâpsi câ 100 di inşii furâ ncl’işi tu xeani ş-furâ trân’ipsiţ sertu. Tu aastă ecuaţie cu multi nicunuscuti intră şi România şi Polonia, a curi raportorlu a Consiliului ali Europâ lâ bagâ stepsu câ apânghisirâ cu şteari tu an’il’i 2003 şi 2005, ahtări hâpsânadz ascumta ali CIA. ‘Raportul meu nu easti un roman poliţistu – dzâţi Dick Marty – câ rezultatlu a unâl’ei anchetâ greauâ, cu informaţii ţi li lomu din sursi confidenţialie’. Bucureştiul dzâţi ama câ nu suntu alithea concluziili a elveţianlui. Senatorlu liberal Norica Nicolai, prezidenta ali Comisie a Parlamentului ali României cari u ari investigatâ eventuala existenţă pi loclu ali vâsilie a hâpsăn ‘iloru CIA, pistipseaşti câ raportul al Marty easti unâ improvizaţie di alegaţii ţi nu potu s-hibâ ndrupati cu probi. Ea dzâţi câ aestu raportu ş-u aduţi cu articolul di mâna a daua a unui jurnalistu fără educaţii cari dzâţi câtaha ari nâscânti ‘surse’ ca bază ti stepsul ţi-l bagâ fârâ fundamentu. Ma multu, delegaţia ali Românie la Adunarea Parlamentarâ a Consiliului ali Europâ apufusi s-nu mata participâ la activităţli ali Adunari. Oficial’i român’i di la Strasbourg dzâsirâ câ documentul easti tendenţios, ş-u aspardzi imaghinea ali Românie. Viceprezidentul PNL, Adrian Miuţescu, membru ali delegaţiei: ‘Delegaţia a Parlamentului ali Românie da hâbari câ nu mata va s-participâ la activităţli APCI până cându raportorlu nu va s-yinâ personal tu Românie s-li verificâ aşi dzâsili informaţii şi probi secreti pi a curi thimel’iu vâsilia a noastrâ easti incriminată câ taha ari apânghisitâ chentri di di tenţii ascumti’. Tu bitisitâ, pârearea sertâ a analistului militar Radu Tudor easti câ Dick Marty easti un alithea avocat a teroriştilor. Şi explicâ: di la 11 di yizmâciun 2001 avea persoani cari furâ anchetati di SUA şi di alti vâsilii ditu coaliţia internaţională antiteroristă. Unâ parti din el’i furâ sâlâghiţ şi pot sâ s-şuţâ contra ali Românie cari, ti exemplu poati s-hibâ cl’imatâ la giudicatâ. Tutunâoarâ, organizaţii teroristi potu s-adarâ atentati tu Românie. Şi tuti, pi thimeilu a nâscântor spusi ti cari nu ari mârtirii salami. Autor: Roxana Vasile Armânipsearea : Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International