Radio Romania International

Arhiva :

Parlamentul European andrupaşti România
(2010-06-10)
Atea dit soni aspuneari: 2010-06-23 17:38 EET Print
Uniunea Europeană u spuni achicăsearea ti problemili ali Românie, ţi easti tu mplină criză economică şi cu frimtări suţiali. Aestu easti minduita cu cari vini Bucureşti prezidentul a Parlamentului European, Jerzy Buzek, tu naima mintitâ oară di anda anchisi criza tru România. Ma s-li băgăm tu ziyă meatrili di sirţăl’e ţi li loară statili dit UE cu ună yitrii pi cari, acă nu ari nustimadă la gustu, lipseaşti să u ngl’iţ ta s-ti faţ bun, ufiţialu european lu spusi andophiul ti programlu nchisit di guvernul român cu scupolu ti n’icşurarea a ixichil’ei bugetară. Easti un program livendu, cari, acă doari, poati s-hibă di mari ufelie, spuni Jerzy Buzek ti apofasea a executivlui român ta s-tal’ie tu carni yie acă iuva nu s-feaţi tru Europa – 25% dit tin’iili di cafi mes a bugetarlor şi 15% dit pensii, agiutoari di şomaj ică indemnizaţii ti criştearea a n’iţlor. Protlu semnu a prezidentului a Parlamentului European dinintea a legislativlui fu aţea că Bucureştiul easti un actor important ti Uniunea Europeană ş-ti aţea Bruxelles-ul ari ngătan catastisea dit România. Jerzy Buzek: “Easti ună provocari nu maş ti niscănti văsilii, că ş-ti tuti statili membri a Uniunil’ei Europeani ş-ti aţeali di nafoara ali Uniuni. Lumea s-alăxeaşti anvârliga a noastă aşi că noi lipseaşti s-nă alăxim. Tuţ triţem un chiro greu ama, di văsilie, văsilie, problemili nu suntu idyili, iara la niscănţă lă easti ma zoria ndicra di alanţă”. Vindicarea a economiil’ei easti tu amprotusa, ama. “Lipseaşti s-tritem aestu chiro greu şi vahi ti ndoi meşi, va s-him multu pirifan’i di noi tu Uniunea Europeană", spuni Jerzy Buzek. El feaţi timbihi, ama, că, unăoară cu băgarea tu lucru a reformilor, lipseaşti s-hibă ndreapti ş-alti problemi, cata cum corupţia, şi cundil’e simasia ti ună ma mari transparenţă şi anvărtuşeari a statlui di dreptu. Nu maş criza economică fu acăţată tu isapi di prezidentul a Parlamentului European cu ufiţialităţli di Bucureşti, nica ş-cu caplu a statlui, Traian Băsescu, ş-cu premierlu Emil Boc. Buzek a cundil’e maxutarcu că UE va s-dzăcă nica ma multu di ună păzari comună, căţe easti prota ş-prota ună comunitati ţi ari la thimel’iu andruparea un alantu. Boaţea a voastă lipseaşti s-hibă avdzăta, lipseaşti s-hiţ motorlu tu hăvaia aestă cu Strateghia ali Dună, ma s-mutrim lucurlu deadun di la Amarea Lae, ma s-mutrim nica şi Parteneriatlu Estic, tu ligătura cu Ripublica Moldova şi s-aveţ ună simasie ti Balcan’il’i Occidentali – spusi el Bucureşti. Dupu spusa al Buzek, experienţa ali Românie di păzărapseri cu UE poati s-agiută statili ţi suntu anvărliga di ea ta s-l’ia apofasi tin’isiti.(10.06.2010) Textul: Corina Cristea Apriduţearea: Taşcu Lala St.Tr.I 61010 12:02 PM XXX - România a agiumse pi loclu optu în lume în toplu (isapea) a statilor cu aţel ma marle riscu di falimentu, cu unâ probabilitate di dânâseare a plăţlor di aproapea 25 tru sutâ – uidist a companiil’ei di monitorizare a pâzasril’ei financiarâ Credit Market Analysis. Primlu loc în top easte ocupat di Venezuela, cu unâ probabilitate di dânâseare a plăţlor di piste 62 la sutâ, urmata di Argentina, Grecia, Pakistan, Ucraina, Emiratlu Dubai si Irak. (Daniela Stefanescu) St.Tr.I 61010 11:12 AM Bucureşti – In Romania, rata anuala ale inflatie alină di la 4,28% în apriliu la 4,42% in mai - anunţâ Institutlu National di Statistica. Aţel ma multu sâ scumchirâ serviciile. Si preţurle a prâmâtiilor nialimentare criscurâ, în timp ţi preţurle a prâmâtiilor alimentare scâdzurâ trâ prima data dupa septembriu, anlu tricut. Banca Nationala revizui pi alinare prognoza di inflatie trâ anlu aestu, di la 3,5 la 3,7 procente. (Daniela Stefanescu) St.Tr.II inloc.-10.06.2010 17:58 Viena - Ministrulu roman ale Justiţie, Cătălin Predoiu, declară, azâ, la Viena, ca Romania lipseaşte s-contribuie la eforturle pi care membrile a UE li fac trâ combatirea (dânâsearea) a coruptil’ei si a criminalitatil’ei transfrontalierâ. Predoiu s-adună cu omologlu a lui, d-na Claudia Bandion-Ortner, şi cu ministrulu di Interne, Maria Fekter. Principala tema abordata (zburata) in discutiile cu ofiţial’l’i austriaţ fu reformarea a sistemlui judiciar din Romania. Anterior, Predoiu vizită Berlinlu, iu s-adună cu ministrulu ghirman a Justitil’ei, Sabine Leutheusser-Schnarrenberger. (Florentin) St.Tr.II-61010 6:13 PM Bucuresti – Bruxelles-ul easte flexibil tru ţoi mutreaşte ajustarea a programilor europeane, declară, azâ, la Bucuresti, comisarlu european trâ Politica Reghionala, Johannes Hahn. El s-adună cu premierlu Emil Boc, ţi câftă a Comisil’ei Europeanâ unâ realocare a fondurlor destinate (pitricute) a Romaniil’ei spri programile ţi au mulţâ aplicanţâ. Ninte, Hahn participă la unâ reuniune dedicata a strateghiil’ei europeanâ ale Dunare. (Florentin) St.Tr.I-61110 10:10 AM Bucuresti – Sindicalişţâl’i şi pensionarl’i din Romania isi duc ninte protestile fata di planlu di austeritate trâ care Guvernul si-asumă raspundirea in Parlamentu. Aestu reduţirea a salariilor a bugetarlor cu 25% si a pensiilor si a agiutoarilor soţiale cu 15%. Protestatarl’i vor să-l’i convingâ pi parlamentarl’i ditru rcul guvernamental s-voteadzâ în favoarea a moţiunil’ei di enzurâ depusâ di opoziţie. Confederaţiile sindicale ndregu un amplu (un mare) protestu la Parlamentu pi 15 iuniu, candu va sâ si dezbatâ motiunea, şi bugetarl’i anunţarâ că va-s intra în grevâ gheneralâ. (Daniela Stefanescu) St. tr. I - 61110 10:32 AM XXX - România va sâ-şi acaţâ diznou anlu v’initor creastirea economica, ama in 2010 declinlu va-s continua – spune un raportu semestrial ale Bancâ Mondialâ mutrindalui perspectivile economiţe globale. BM estimeadza ca anlu acestu PIB-ul a Romaniil’ei va-s scada cu 0,5%. Asupra a prognozilor fapte di institutia financiara internationala nâ turnăm dupa hâbări. (Corina Cristea)

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International