Radio Romania International

Arhiva :

Borgea loată di guvernu
(2010-06-08)
Atea dit soni aspuneari: 2010-06-10 12:34 EET Print
Guvernul di Bucureşti ş-lo borgea, luni dinintea a Parlamentului ti pacheta di apofasi serti pi cari, tu numa a Executivlui, prezidentul Traian Băsescu li avea dimăndată nica di aoa şi un mes. Easti zborlu ti dauă proiecti di nom cari, pruved, n’icşurarea a tin’iilor di cafi mes dit sectorlu bugetar cu 25%, a tutălor pensiilor cu 15 proţenti, cum şi tăl’iarea ş-alti turlii di asistenţă suţială. Tu cuvenda ţi u ţănu dinintea a senatorlor şi a deputaţlor, premierlu Emil Boc năpoi adusi aminti lucărlu ghini-ştiut că România hărgiueaşti ma multu andicra di ţi amintă, ama u alină spunăndalui că văsilia treaţi prit naima greaua criză economică tu aeşţă 60 di an’i dit soni. Cara meatrili apufusiti di Guvernu ti ndridzearea a ziyăl’ei bugetară nu va s-hibă aprucheati, va s-intră tu niputeari di pălteari, iara la bitisita a anlui tin’iili di cafi mes şi pensiili numata va s-poată s-hibă păltiti ici feaţi timbihi primlu-ministru. El nu agărşi niţi giueapea că, pi ningă tăl’iarea a pensiilor şi a tin’iilor di cafi mes, ixichea bugetară nu vrea s-putea s-hibă n’icşurată că maş prit criştearea a TVA, ţi easti tora pi nivelu di 19%, şi a cotăl’ei unică di impozitari, di 16 protenti. Emil Boc: „Ti vrea s-nsimna criştearea a impozitilor, criştearea a taxilor ti mediul privat? Vrea s-hibă compromiterea a motorlui ti redresarea economică a văsiliil’ei. Criştearea a taxilor, tu condiţiili di tora, vrea s-aducă că naima puţăn 50 di n’il’i di agenţă economiţ să-ş dănăseascăa lucărlu, maş tu şasil’i an’i a anlui 2010. Criştearea a taxilor vrea s-ducă multu limbid la criştearea ali inflaţie şi, dealihea, la scădearea a putearil’ei di ancupărari a oamin’ilor.” Păristisiti di prezidentu, premier şi partizan’il’i a lor ca hiindalui goala cali ti işearea dit cripărli icunomiţi, meatrili di sirţăl’ie suntu, al’iumtrea, sertu nistrăxiti di opoziţie, sindicati şi presă. Aestea stipsescu em primitivismul a niscăntor tăl’ieri fără isapi, cari condamnă la curbani mari bugetari şi pensionari ţi şi aşi suntu oarfăn’i, ama şi ipocrizia a unăl’ei Puteari cari agudeaşti tută lumea, ma pţan muştiradzl’i a lor işiş. Dit opoziţie, suţial-democraţl’ii şi liberalii u au ndreaptă moţiunea di cenzură, cari, unăoară votată, vrea să spună nu maş ambudyiusearea a pachetăl’ei di apofasi serti, ama şi cădearea a cabinetlui PDL-UDMR-UNPR. Putearea nica ţăni, tru Parlamentu, un avantaj aritmetic di vără 20 di voturi. Ama analiştil’i luyursescu că suntu duri deputaţl’i şi senatorl’i a majoritatil’ei cari pot s-nu tin’isească disţiplina di partid tra s-nu hibă purdoţ ti electoratlu işiş di bugetari şi pensionari dit colegiili tu cari fură alepţă uninominal. Cotidianlu ROMÂNIA LIBERĂ să spuni, cum ţi s-hibă căndăsit că, cari ţi s-hibă scorlu di la moţiuni, di furn’ia a niaxiil’ei şi ali incoerenţă plenar probată, dzalili a Cabinetlui sunt „misurati şi lăhtăroasi”. Ti furn’ia că “niţi un guvernu dit lumi nu poati s-bagă tu lucru politiţ radicali ma s-nu s-hărsească di pistusinea a aţilor guvernaţ. Em, vărnu numata pistipseasti că di la Guvernul Boc nica poati s-yină ţiva bun. Vărnu numata pistipseaşti.” Textul: Bogdan Matei Apriduţearea: Taşcu Lala St. Tr. I 6810 11:47 AM Buzău – Acâţă sejurul în România a ascultătorlui RRI Stefano Citterio, unlu di amintâtorl’i a Marilor Premii a concursului “Leghendile a Buzăului”, organizat di postul a nostru di radio – un sejur di 8 nopţâ, cu pensiune completâ. Deadun cu nicuchira (niveasta, doamna) a lui, Susanna, şi însuţât şi di un redactor RRI, dl. Citerio viziteadzâ pânâ pi 14 iuniu aţeale ma interesantile locuri din judeţlu Buzău şi principlalile atracţii turistiţe, culturale şi relighioase din zonâ, ama va sâ si deplaseadzâ (ducâ) şi în judeţlu Braşov, d aclo di apropea. Anterior (ninte), Buzăulu fu vizitat di ascultâtorlu ghirman Ralf Urbanczyk, alantu amintâtor a unui Mare Premiu a concursului RRI. (Eugen) St.Tr.II – inloc. 6810 4:38 PM Tirana – Prezidentul ale Romanie, Traian Basescu, reafirmăt, azâi, in prima a lui vizita ofiţiala la Tirana, îndrupumintul a Bucurestiului fata di perspectivele europeane ale Albanie. In cadrul a adunaril’ei (a videaril’ei) cu omologlu a lui di la Tirana, Bamir Topi, seflu a statlui roman solicită (câftă) acordarea a statutlui di minoritate nationala a comunitatil’ei di ar(o)mân’i din Albania. El mentionă tratamentul di care beneficiadza în România, minoritatea albaneza Cu ocazia a vizitâl’ei, furâ simnate un memorandum di achicâseare in domeniul a comunicatiilor si a tehnologgiil’ei ale informatie si un protocol di cooperare in domeniul maritim. (Daniela Stefanescu) st. tr. II 6810 7:59 PM Bruxelles - UE ndrupaşte eforturle a autoritatlor romane contra a crizâl’ei, ţi nu suntu lisoare, ama suntu necesare, dzâse, azâ, prezidentul a Parlamentului European, Jerzy Buzek, nintea a vizitâl’ei a lui la Bucuresti. Intr-un comunicat dat tru ştearei la Bruxelles, Buzek dzâse ca mesajlu a lui cătră român’i va-s hibâ aţel di solidaritate la nivel european. Seflu a Leghislativlui comunitar va sâ si aedunâi, mâne,cu prezidentul Traian Băsescu, cu premierlu Emil Boc şi va sâ spunâ un discursu tru Parlamentu. Va-s hibâ discutate probleme esenţiale trâ Europa şi România, ninca depăşirea a actualâl’ei crize economice. (andreea) St.Tr.II-inloc. 6810 7:03 PM Madrid – Angajatl’i (lucrâtorl’i) din sectorlu public spaniol participrâat, azâi, la unâ greva convocata (gritâ) di sindicate, dupu reduţirle (n’icşurărle) salariale anuntate di guvernul di la Madrid. Executivlu estimeaza (lug’urseaşte) ca aceste reduţiri va-s poatâ s-aducâ la buget economii di 2,4 miliarde di euro tru 2010. Easte a ţinţea grevâ din sectorlu public, ditru 1988. Reduţirea a salariilor a functionarlor publiţ va-s hibâ progresiva, in functie di nivelul a veniturlor (a amintatiţlor). Demnitarl’i va-s suporta (va sâ strâxeascâ) reduţiri acâţate intrâ 8% şi 15%. (Leyla Cheamil) St.Tr.II 6810 5:58 PM Bucuresti – In Romania, rata a şomajlui tru meslu mai scadzu la 7,67 tru sutâ, faţă di 8,07% în apriliu. Dupu spusa a Aghentiil’ei Nationalâ trâ Ocuparea Fortâl’ei di Lucru, numirlu total a şomerlor înreghistraţ eara, meslu tricut, di vârâ 700 di m’il’e, cu 36 di m’il’e ma puţân’i dicât în apriliu. Aţeale ma afectatile (zim’isitile) sunt zonile din sud-vestul si estul ale Romanie. Tru mai 2009, rata a somajlui eara di 5,7 tru suta. (Daniela Stefanescu) St.Tr.II 6810 3:58 PM Bucureşti - Moţiunea di cenzurâ 'Dânâsiţ-lu ghenoţidlu suţial!', iniţiatâ di 120 deputaţ şi senatori PSD (opozitie), va-s hibâ cititâ (dhiavasitâ) mâne în plenlu a leghislativlui si va-s hibâ dezbătutâ şi votatâ marţea v’initoare – decisirâ (apofăsirâ) Birourle Permanente a Camerâl’ei a Deputaţlor şi a Senatlui. Suţial-democraţl’i iniţiarâ moţiunea dupu ţi aieri Guvernul şi-asumă (îşi lo) răspunderea trâ proiectul di leadze mutrindalui unile (niscânte) misuri necesare în videarea a restabiliril’ei (aduţirea la loc) a echilibrului bugetar, pritru care si reduc (scad) salariile din sistemlu bugetar cu 25% şi pensiile cu 15%. Va nâ turnăm. (Daniela Stefanescu) St.Tr.II 6810 4:02 PM XXX – Ministrulu roman a Justitil’ei, Cătălin Predoiu faţe in perioada 8-11 iunie, vizite tru Ghirmanie si Austria. La Berlin, Predoiu va sâ si adunâ cu ministrul federal a Justiţil’ei, Sabine Leutheusser-Schnarrenberger, şi cu prezidentul a Comisiei di afaceri europeane a Bundestag-lui, Gunther Krichbaum. În Austria, el va-s hibâ aprucheat di omologlu austriac, Claudia Bandion-Ortner şi di ministrulu federal al Internilor, Maria Fekter. Predoiu va-s participâ si la un dejun di lucru cu ambasadorl’i a statilor membre a UE acreditaţ la Viena. (Daniela Stefanescu) St.Tr.I 6810 11:04 AM Washington – Liderl’i european’i suntu decisi sâ asiguripseascâ suprabânarea a monend`l’ei euro si au suficiente (trâ agiundzire) fonduri dimplinirea (agiundzirea) a obligatiilor a statilor membre cu mări borge (datorii, au trâ dare nâpoi), declară prezidentul a Rezervâl’ei Federalâ a SUA, Ben Bernanke. El afirmă că Mecanismul European di Stabilizare Financiara in valoare di aproapea unâ m’il’e di miliarde di dolari easte suficientu trâ protejare ndoi an’i Gârţia, Portugalia si Spania di volatilitatea (tuchearea) a pâzărlor di creditare. (Leyla Cheamil) St.Tr.II 6810 4:15 PM Viena - Investiţiile xene directe astrapte di Europa di Estu şi di Sud sâ ngiumiticarâ (s-feaţirâ giumităţ) anul tricut, din cauza a crizâl’ei, la 58,5 miliarde di euro, nivel comparabil cu aţel ditru 2005, dzâse Institutlu Vienez di Studii Comparate. Estonia si Polonia, aţeale ma solidile (sânâtoase) economii din reghiune, furâ ma putân afectate (zin’isite) di reduţirea a investitiilor. Tut aţel institut avertizeadzâ că în România aestea s-poate sâ nreghistreadzâ nale scaderi. Bucurestiul astrapse, anlu tricut, investiţii xeane directe di vârâ ţinţe miliarde di euro, multu sum valoarea ditru 2008, ţi fu di 111 miliarde. (Daniela Stefanescu) St.Tr.I 6810 1:17 PM inloc. Istanbul – Premierlu arusescu Vladimir Putin, afirmă, azâ, la Istanbul, ca s-agiumse la un acordu mutrindalui proiectul di rezolutie a Consiliului di securitate a ONU ţi sanctioneadza Iranlu trâ programlu a lui nuclear controversat. EL dzâse ca va sâ si adunâ cu prezidentul iranian Mahmoud Ahmadinejad. Adunarea va sâ si facâ naintea a votlui a Consiliului di Securitate. Putin participâ la unâ conferinta consacrata (ncl’inatâ) a securitatil’ei in Asia. Tut azâ, ma multu di 15 persoane furâ arăn’ite, la Istanbul, tru explozia a unei bombâ. (Leyla Cheamil) St.Tr.I 6810 12:35 PM Bruxelles – Prezidentul a Comisil’ei Europeanâ, Jose Manuel Barroso, îl felicită (hiritisi), azâi, pi năulu premier nipon, Naoto Kan, si îsi exprimăt convindzirea ca relatiile economiţe si politiţe intră UE si Japonia va sâ si consolideadzâ. Dupu spusa al Barroso, Bruxelles si Tokyo pot s-coopereadzâ tru ma multe domenii cum suntu combatirea (arnisirea) a efectilor a alâxirlor climatiţe si promovarea ale pace. Naoto Kan lu n-locuiaste pi fostul premier demisionar Yukio Hatoyama. (Leyla Cheamil) St.Tr.I 6810 12:15 PM Manila - Benigno Aquino, hil’lu a fostâl’ei (di ma ninte) prezidentâ filipinezâ Corazon Aquino, amintă alidzerle prezidentiale ditru 10 mai, uidisit cu rezultatile anuntate di Parlamentu. Aquino (50 de ani), licentiat in economie, feaţe ditru alumta contra a coruptil’ei si a urfâneaţâlei prioritatle a campanil’ei a l’ei, intr-un stat in care unlu di trei locuitori (oamin’i) bâneadzâ cu ma putân di un dolar în dzuuâ. Aquino îl’i succeade ale Gloria Arroyo. (Leyla Cheamil) St. Tr. I 6810 11:09 AM Phenian – Kim Jong-Un (27 di an’i), hil’lu ma n’ic a liderlui nordu-corean Kim Jong-il easte vidzut di analişţâi ca succesor a numirlui unu di la Phenian. Numit in meslu octombriu anlu tricut intr-un postu cu responsabilitate in Partidlu Comunistu, Kim Jong-Un s-poate s-hibâ desemnat ofiţial, tru 2012, ca succesor al Kim Jong-il. Aestu are 68 di an’i si probleme di sanatate. (Corina Cristea) Armanipseare: Hristu Steriu

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International