Radio Romania International

Arhiva :

Câtâ unâ moţiuni di cenzură
(2010-06-02)
Atea dit soni aspuneari: 2010-06-03 13:53 EET Print
Chirolu lucrează contra interesilor ali Românie, cari ari mari ananghi di yinitoarea tranşă, di vârâ 850 di miliun’i di euro, dit împrumutlu di la FMI. Boardul a Fondului s-adună tu işita a aiştui mes, ş-până atunţea lipseaşti s-agiungă operabili nomurli ândreapti di guvernu, cari pruved ascâdearea a tin’iilor di cafi mes a bugetarlor şi a pensiilor cu 25, şi ,respectiv, 15 di proţenti. Misurli au tu scupo s-u tânâ xichea bugetară sum 7% dit PIB, condiţie bâgată di FMI ta s-ducă ninti acâchisearea cu România. Tu criză di chiro, executivlu aleapsi calea ş-u l’ia arâspunderea pi misurli di austeritate, procedură ţi s-faţi pi ayunie ama easti cu piricl’iu, căţe da izini ali opoziţie s-bagă ântr-oară unâ moţiuni di cenzură. Social-democraţl’i deadiră hâbari, că textul easti etim, iar liberal’i dzâc că va s-ândrupască ş-el’i aestu gestu politic. PSD şi PNL ved, tu demisia cabinetlui di tora cumândusit di liberal-democratlu Emil Boc prota miăsură di işeari ditn criză. Tu Parlamentu, cabinetlu di coaliţie PDL – UDMR s-hârseaşti, teoretic, di ândruparea a unâl’ei majoritati, din cari fac parti ş-parlamentari independenţâ, cari au fudzită dit PSD şi PNL, cum şi pareia a minorităţlor naţionali. Independenţâl’i, adunăţ tora ayon’ia tu unâ formaţiuni di chentru-stânga alternativă la PSD, au condiţionatâ votlu contra ali moţiuni di garanţii că ascâderli di pensii şi tin’ii di cafi mes va s-hibă valabili maş pân di bitisita a aiştui an. La asumarea ali arăspunderi şi la votul ti moţiuniea di cenzură, casa a leghislativului va s-hibă pichetată di sindicalişti, cari vor s-bagă presiun’i a politicien’ilor s-nu lu aproachi programlu di sirtâl’ie. Momentul s-pari câ va s-hibă ândilicat. Protili n’iţ cripituri tu bloclu ali majoritati cari u ândrupaşti putearea s-vidzură marţâ, la votlu a moţiunil’ei simplă prit cari opoziţia liberală bâga stepsu a ministrului a finanţilor, Sebastian Vlădescu, di incompetenţă tu ghestiunea a crizăl’ei. Moţiunea nu fu aprucheată, ama lo ândauă voturi di ândrupari em di la PDL, cum şi di partea ali pareie a independenţâlor şi a minorităţlor. La muabetea mutrinda moţiunea, PNL ari prezentată soluţii ti ândruparea a investiţiilor, criştearea a amintaticlu la buget şi ascâdearea a rollui a statlui, soluţii niaprucheati, ama, di ministrul Vlădescu, cari spusi câ suntu nirealisti. El dzâsi a tabaetea ţi nu aduţi hâiri a tâxerlor fapti fârâ ândrupari icunomică prindi s-dânâsească. Sebastian Vlădescu: „Eara multu lişor s-nidzem ninti cu minciun’ili. Dit poziţia di ministru al finanţilor, vă spun că puteam s-nidzem ninti cu minciun’ili nica vârâ 6 meşi. Lâ spunem a român’ilor averlu: lumea nu s-duţi ghini, Europa nradzi slab şi România s-poate s-nu neagăş ghini”. Pi di altă parti, ş-di cara va s-treacă âmbodyiul ali moţiuni, nomurli ali sirtâl’ie pripusi di guvernu va s-veadă zori di itia a apofasil’ei ali Curti Constituţională. Prinţipaleli partidi di opoziţie, PNL şi PSD, ândrupăscu gaireţli ali Asociaţie "Pro Democraţia" s-u sesizează Analta instanţă mutrinda legalitatea a articolului dit Constituţie invocat di guvernu ti ascâdearea a tin’iilor di cafi mes a bugetarlor şi a pensiilor. Articolu mutreaşti şi astridzearea a nâscântor ândrepturi cetăţeneşti tu condiţii di calamitati ică fânico. Ari jurişti cari spun că pensionerl’i au dichi s-atacă tu instanţă, inclusiv tu aţeali internaţionali, misura administrativă cari lâ ascadi pensiili, câţe pensia fu consacrată di Consiliul ali Europă ca un ândreptu individual inalienabil. Autor: Ştefan Stoica Apriduţearea: Irina Paris Stiri Bucureşti - România nu susţâne (nu ndrupaşte) năulu proiectu di tratat di securitate europeanâ propus di prezidentul arusescu Dmitri Medvedev - preciză, azâ, la Bucuresti, prezidentul Traian Băsescu, la adunarea cu omologlu a lui georgian, Mihail Saakashvili. Tru arada a lui, premierlu roman Emil Boc punctă (u spuse) importanţa a implementaril’ei a proiectului AGRI (Azerbaidjan Georgia România Interconect), şi a reactivaril’ei a linil’ei di feribot Constanţa (sud-estul Romaniei)-Batumi (sud-vestul Georgiei). Prin intermediul (cu agiutorlu) AGRI lipseaşte s-hiobâ transportate gaze naturale ditru Marea Caspică cătră Europa, din Azerbaidjan prin Georgia şi România. Programlu a vizitâl’ei al Saakashvili in Romania, azâ si mâne, cuprinde (acaţâ) si unâ adunare cu Preafericitlu (Parahârâsitlu) Părinte Daniel, Patriarhul a Bâsearicâl’ei Ortodoxâ Românâ. (Daniela Stefanescu) Bucuresti – Guvernul a Romaniil’ei va-s şi-asuma, pâimâne luni 7 di meslu iuniu (cirişar), răspundirea (borgea) în Parlamentu asupra a leadzilor mutrindalui unâ serie di misuri di austeritate financiara – sâ spuse la Bucuresti. In cazlu in care proiectile di leadze va-s hibâ aprobate di Leghislativ, salariile (tim’iile di cathe mes) a bugetarlor va-s hibâ reduse (fapte ma n’iţ) cu 25%, şi pensiile si agiutoarile suţiale, cu 15% - misuri valabile pana la 31 di meslu decembriu (andreu). La Bucuresti, continua (s-duţe ninte) seria a grevilor a sindicalistilor din sectorul public, nimultumit (cu chefea nifaptâ) di misurle di austeritate. (Daniela Stefanescu) WASHINGTON – Secretarlu amirican di Stat, Hillary Clinton, multumi (evharistusi) a Bucurestiului trâ aţea ţi numi “angajamentul viguros (cu puteare)” a trupilor romane in Afganistan si Irak. Ea feaţe aestâ declaratie la intrividearea di aieri, di la Washingon, cu ministrulu roman di Externe, Teodor Baconschi. Romania si Statele Unite aniverseadza tru 2010 130 de ani di la stabilirea a relatiilor diplomatiţe bilaterale. (Bogdan Matei) XXX – Tuţ pasagerl’i a flotilâl’ei internaţionalâ uminitarâ trâ Gaza abordatâ (acaţatâ) di armata (ascherea) israelianâ işirâ di ahapse (încl’isoare) tra-s hibâ repatriaţ – anunţă (deade hâbare), azâ, un purtâtor di zbor a administraţil’ei penitenciarâ (di zundăn’i) israelianâ. Di aţel’i piste 650 di pasageri (oamin’i) a flotilâl’ei, ma numirosl’i eara turţâ. Tut azâ, Consiliul a ndrepturlor a omlui a ONU adoptă unâ rezoluţie pritru care aprobă înhiinţarea a unei 'misiune di anchetâ internaţionalâ' în chestiunea a intervenţil’ei militarâ israelianâ asupra flotilâl’ei pro-palestinianâ. Comunitatea internaţionalâ condamnă (categhurisi) raidul (ataclu), în timpu ţi diplomaţia a statlui uvreu declară că asaltul fu 'unâ provocare premeditată (minduitâ di ninte) şi scandaloasâ' şi că organizatorl’i a l’ei avea ligâturi cu Al Qaida şi Hamas. (Daniela Stefanescu) Bruxelles - Comisia Europeana adoptă planlu anual di actiune trâ R. Moldova, în valoare (axie) di 66 di miliun’i di euro. Asistenta (agiutarea) financiara easte destinata (pitricutâ), în principal, a ndruparil’ei a misurlor a guvernului di la Chisinau di reduţire (faţire ma n’icâ) a urfâneaţâl’ei. Unâ parte di aeşţâ pâradz va-s hibâ hârgiuiţ tru reduţire dependenta di importurile energhetiţe. (Daniela Stefanescu) Sarajevo - Secretarlu di stat trâ afaceri europeane în ministerlu roman di Externe, Bogdan Mazuru, reiteră (lu spuse diznău) angajamentul a Bucurestiului faţă di intensificarea a imnatlui di integrare europeanâ. El si spuse convindzirea că proiectul european nu easte complet fârâ reghiunea Balcanl’i di Vestu. Mazuru exprimăt poziţia a Romaniil’ei la Reuniunea tru scarâ analtâ UE-Balcan’l’i di Vestu, organizatâ di Prezidenţil’a spaniolâ a UE la Sarajevo. Evenimentul marcăt (feaţe însimnare) 10 an’i di la dişcl’idirea a imnatlui di integrare europeanâ a statilor ditru Balcanl’i di Vestu. (Daniela Stefanescu) Armanipseare: Hristu Steriu

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International