Radio Romania International

Arhiva :

STIRI 01. 06.2010
(2010-06-01)
Atea dit soni aspuneari: 2010-06-01 18:52 EET Print
Bucuresti – Cumândusearea a Parlamentului a Românil’ei apufuseaşti azâ dzuua cându chivernisea va ş-l’ia borgea ti dauâ proiecti di nomuri ţi va sâ scadâ deficitlu bugetar. Ma s-hibâ apruchiati di Leghislativ, di la 1 di cirişar, salariili a bugetarilor va sâ scadâ cu 25%, iara pensiili si agiutoarili suţiali cu 15% - misuri ţi va s-facâ pânâ tu dzuua di 31 di andreu. PSD (opoziţie) dzâsi cã va sâ scoatâ unâ moţiuni di cenzurâ, dupâ ţi Chivernisea s-lo borgea, iara liberalii (opoziţie) dzâsirâ cã va u voteadzâ. Pi di latâ parti, sindicatili dit sectorlu public, niefharistusiti di misurli di austeritati, duc ninti grevili ţi ahurhirâ luni. Di partea a lor tricurâ şi pensionaril’i. Washington - Ministrul român di Externi, Teodor Baconschi, easti, azâ şi mâni, tu unâ vizitâ ufiţialâ Washington, iu va s-andâmuseascâ cu secretarlu di stat a SUA, d-na Hillary Clinton. Pi aghenda a moabeţlor suntu tricuti: Parteneriatlu Strateghic anamisa di aţeali dauâ vâsilii, proiectul a scutlui antirachetă american, maxus bâgarea a niscântor elementi a aluştui pi loclu a Românil’ei, liberalizarea a reghimlui di vizi, lucrul deadun tu NATO şi tu alti organismi internaţionali. Tutnâoarâ, Baconschi va s-andâmuseascâ şi cu reprezentanţâl’i a comunitatâl’ei româneascâ dit SUA. Bucureşti –1 iunie - Dzuua Internaţionalâ a Ficiorlui, easti yurtusitâ şi tu România. Bucureşti şi tu alţâ câsâbadz dit vâsilie s-fac multi manifestări ti aţei n’iţ: spectacoli, agiocuri, concursuri, expoziţii di agiucârii, pânâyir cu dulţen’i, zauafeţ ti ciudie. 1 di cirişar easti yurtusitâ ufiţial, ahurhiindalui dit 1925, dupâ ţi la conferinţa mondialâ di Geneva, 54 di vâsilii simnarâ "Declaraţia avigl’iarea a ficiuriclui’’ şi s-apufusi fâţearea a unâl’ei dzuuâ internaţionalâ a aţilor n’iţ. Bucureşti - Ministerlu român di Externi ş-aspusi gailelu andicra di lucrâli arali ţi va s-facâ tu ţi mutreaşti irinia şi stabilitatea reghionalâ, evoluţia a ligâturilor israeliano-palestinieni, dupâ unâ acţiuni militarâ israelianâ pisti flota ţi triţea câtrâ Fâşia Gaza. MAE lâ feaţi tâmbihi a tutulor actorilor implicaţ, ta s-şeadâ fronin’i şi sâ ş-l’ia borgea, ta s-nu agiungâ ma lai aestâ catandisi şi s-nu moarâ alţâ oamin’i. Bucureştiul easti multu gâilisit di hala uminitarâ dit Gaza şi da cearei ţi s-ducâ la fâţearea ma bunâ a condiţiilor di banâ a oamin’ilor di aclo. Nai puţân 146 di oamin’i ş-chirurâ bana, altâ sutâ di n’il’ii armasirâ fârâ casi tu America Chentralâ, aguditâ di furtuna tropicalâ Agatha, prota dit aestu sezon. Vâsilia ţi avu nai ma marea zn’ie di la câdearea a ploilor torenţiali easti Guatemala, ţi avu şi plâscânearea a vulcanlui Pacaya. Agatha dusi la chireri di banâ umineascâ şi la mări zn’ii materiali şi tu vâdsiliili viţini Honduras şi El Salvador. Dupâ spusa a meteorologhilor americani, Agatha poati s-hibâ unâ dit nai ma mărli furtun’i ţi s-feaţirâ vârâoarâ tu Ocheanlu Atlantic Prim-viceprezidentul a Bancâl’ei Europeanâ ti Reconstrucţie şi Dezvoltari (BERD), Varel Freeman, faţi, azâ, unâ vizitâ di dauâ dzâli Bucureşti. El s-andâmuseaşti cu reprezentanţâl’i a mediului privat ta s-agiutâ la darea a unâl’ei ma mari silâ aluştui sector, iu BERD bâgă 85% dit investiţiili a lui tu România, tu 2009. Tu 2010, Banca va s-investeascâ şi di aua şi ninti tu proiecti dit sectorlu a energhil’ei regenerabilâ, cum şi tu infrastructurâ. România dizvârteaşti un program di âmprumuturi externi, acutotalui di 20 miliardi di euro di la FMI, UE, BM şi BERD.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International