| Film si teatru tu Transilvania |
| (2010-06-01) |
| Atea dit soni aspuneari: 2010-06-01 16:06 EET |
Festivalul Internationalu di Filmu Transilvania (TIFF), ți nchisi tu insita a stamanălei ti tricu Cluj-Napoca,chentrul ali Romanie, agiumsi la a naoua editii. Tu tut aestă ani TIFF agiumsi un brandu pricunuscut em tu vasilii em tu xeani, nu mas ti calitatea a programilor prezentati, ama si ti organizarea ti anami, atmosfera ti anami si multili evenimenti. La editia 2010, suntu prezentati 240 di productii dit 47 di vasilii. 12 filmi di lungu metraj suntu tu competitie ti amintarea a trofeului TIFF. Prit aesti suntuSoul Kitchen, regizat di germanlu di orighini turca Fatih Akin, ti aminta tu 2009, la Festivalu di Venetia, premiul ti nai ma bun filmu si premiul special a juriului; Precious: Based on the Novel Push by Sapphire (SUA, 2009), tu regia al Lee Daniels, amintator a unui Oscar ti nai ma bun scenariu adaptat. La sectiunea scurt-metraji nai ma astiptati suntu productiili israelieni, prit cari Lebanon, amintatorlu a Leului di Malma la Venetia, anlu ti tricu. Aproapea 400 di profesionisti dit domeniul ali cinematografie participa la multi sectiuni a festivalului, la atelieri di creatie si concursuri. Invitatul special ali editie di estan a TIFF easti regizorul si producatorul german, Wim Wenders, presedintele ali Academie Europeani di Film. Si teatrul romanescu easti tu sarbatoare. Sibiu, atea di ma ninti capitala culturala europeana tu 2007, XVII-a editie a Festivalui International di Teatru, nai ma mari manifestari di gen dit Romania si treia ca amploare si importanta dit lumi. Participanti dit 70 di vasilii prezinta 350 di evenimenti dit 66 di spatii di gioc. Tu disclidearea a Festivalului, trupa Odin Teatre di Danemarca avu piesa Oda Progresului, simnata di regizorul si dramaturgul italian Eugenio Barba. Oferta culturala a editiei 2010 easti avuta si variata, di la productii reprezentativi a marilor teatri romanesti si dit xeani, la spectacoli de lumini, muzica si pantomima, flamenco, balet, dans contemporan, teatru di papusi. Tutnaoara, tu cadrul a Festivalului di tetaru di Sibiu s-tanu conferinte, expozitii di fotografie si pictura, lansari di carti.
Armanipseari: Aurica Piha
|
2025-04-03
Print
Puteț s-avdzâț căndțido