|
|
| Unâ nauâ reformâ a Guvernlui ali Românii |
| (2012-12-20) |
| Atea dit soni aspuneari: 2012-12-20 13:04 EET |
Unâ nauâ reformâ a Guvernlui ali Românii
Unâ alianţâ cama largâ – PSD, PNL, PC şi UNPR – caftâ un Guvernu multu bun. 20 di ministiri, andicra di 16 tora, va s-aibâ yinitorlu cabinet român, cumândisit tut di caplu soţial-democrat, Victor Ponta. El dzâţi câ încercă s-adarâ o un lucru, unâ structurâ cari s-aratâ cât ma ghini componenţa ali Comisii Europeani. S-alasâ, pi di altâ parti, videarea uidisit cu cari un ministru poati “s-anvâleascâ” ghini, unâ multu largâ apunti di domenii şi problemi. Victor Ponta: „Minduii unâ structurâ a guvernlui cari s-uidiseascâ cu ideea ali unâ responsabiliati ma limpidi şi ma directâ ti cathiun membru a guvernlui; maşi un om cari da giuiapi di cama multi domenii, ti mini, nu easti totna nai ma buna soluţii.” Multu slabâ ta s-poatâ s-ţânâ-n loc bâgarea tu ipotisi, opoziţia democrat – liberalâ şi-ţânu îndreptul sâ zburascâ strâmbu di ţi veadi hiindalui un cabinet cu multu cama mari.
Caplu PDL, Vasile Blaga, dzâsi: „La intrarea tu ipotisi a guvernului Ponta 1, el dzâsi ca va-s avem un guvern mai n’ic. Tora, guvernul Ponta 2 ari 26 şi dzâsi că tut ahâţ comisari europen’i suntu. Sâ s-poati ca anlu ţi va s-yinâ, cându intrâ şi Croaţia, s-aibâ 27. Mea, lipseaşti s-hârseascâ pi tutâ lumea.” 11 dintrâ demnitaril’i pripuşi tu yinitorlu Guvern adrarâ parti şi dit aţel di ma nâinti cabinet. Armân tu ipotisi: ministrul ali Agriculturâ, Daniel Constantin, aţel a Mediului, Rovana Plumb, ministrul a Comunicaţiilor, Dan Nica, ministrul di Externi, Titus Corlăţean, ministrul ali Giustiţii, Mona Pivniceru şi ministrul a Lucurlui, Mariana Câmpeanu.
Alti numi dit aţel di nâinti cabinet cari va s-hibâ şi tu aestu nău suntu: Mircea Duşa, pripus la Apărari şi Daniel Chiţoiu, tricut di la Icunumii la Finanţi şi hiindalui tora viţepremier. Alanţâ viţepremieri suntu Liviu Dragnea, cari va-s mutreascâ di Administraţii şi Dezvoltari reghionalâ şi Gabriel Oprea, ţi nu ari portofoliu. Aţel di ma nâinti minstru pitriscut la Administraţii, Radu Stroe, acâţâ un portofoliu împlin, la Interni, iara Dan Şova, ţi fu ministru pitriscut ti relaţia cu Parlamentul, va s-hibâ ministru coordonator ti proiecti di infrastructurâ, fărâ portofoliu. Ministerili năi sunt aţel ali Industrii şi a Comerţului, cumândisit di Varujan Vosganian, Energhia - cumândisitâ di Constantin Niţâ şi Ministerlu ti IMM-uri, Turism şi Mediu di Afaţeri, ţi va-l cumândiseascâ Maria Grapini. La capitollu noutăţ intrâ Ministerlu a Sportului şi Ministerlu a Apilor şi a Pâdurilor.
Minişţrâl’ii delegaţ va-s mutreascâ di bughet, cercetari ştiinţificâ, proiecti di infrastructurâ, dialog soţial, relaţia cu Parlamentul şi român’ii di iuţido Poati multu mari, cum dzâţi Opoziţia, ama nu şi scumpu. Aşi dzâţi premierlu numânâsit, cari spuni câ aparatlu ţentral şi bughetlu a lui nu va s-creascâ.
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-06
Print
Puteţ s-avdzâţ căndţido