Radio Romania International

Arhiva :

Amarea Laie – interes pi nivel analtu
(2007-06-26)
Atea dit soni aspuneari: 2007-06-26 13:15 EET Print
Romania, ca stat riveran, membru fondator ali Organizatii ti Cooperari Icunomicâ ali Amari Laie OCEMN şi sinurlu estic ali UE şi NATO, easti cljmatâ s-acaţâ un rol importantu tu ţi mutreaşti dimensiunea di securitati regionalâ, dzâsi şeflu a statlui Traian Băsescu, Instanbul, la summitlu ai aiştei organizatie. Elu dzâsi câ România ari naeti OCEMN s- aibă unâ identitati limbidâ ş-vârtoasâ şi un rol internaţional cama mari, ta s-da apandasi uidusiti la alâxerli geopolitiţi dit yinitorl’i 15 di an’i. Tu opinia a şefului a statului roman, OCEMN nu poati s-lucreadzâ ca unâ structurâ ncl’isâ, ahoryea di evoluţiili politiţi, icunomiţi şi di securitati dit Europa, Caucaz, Asia Chentrală icâ Orientul di Mesi, câţe reghiunea ali Amari Negri s-hârseaşti di para multi atuuri. Un di aesti easti unâ importanţă strateghică pricunuscutâ, datâ di stogurli di resursi naturali multu avuti, maxusu petrol şi gaz cum şi aţea câ reprezintă unâ pâzari potenţială di pisti 350 di miliun’i di consumatori, iara comerţul cumulat ali regiuni reprezintâ ma multu di 5% ditu aţelu mondial. Băsescu u hiritisi amintarea a calitatil’ei di observator ali OCEMN di Comisia Europeanâ şi şi spusi nâdia câ aestu lucru va s-da silâ la cooperarea şi pi alti palieri tu organizaţie. Pi di altâ parti, prezidentul român lansă Istanbul ideea a unui parteneriat anamisa di tuti organismili ditu dumenea energheticâ. Traian Băsescu: "Voi s-facu unâ pripuneari: s-minduimu un mecanism di consultări anamisa di OCEMN şi alanti iniţiativi regionali cu unâ aghendâ comunâ, s-dămu curaiu prit atiun’i concreti ti sinergia anamisa di formatili existenti la QAmarea Laie şi anamisa di proiectili di cooperari ţi li promovăm prit OCEMN. Tu reghiunea ali Amari Laie ari şi stoguri mări di hidrocarburi. Cu tuti aesti, cooperarea tu dumenea energheticâ armâni un deziderat". Şeflu a statlui luyurseaşti câ tuti guvernili au dichi ş-lu mutreascâ intereslu naţional tu aestâ dumeni strateghicâ, ama România ândrupaşti unâ abordari igsitâ hâirlâticâ ti tuti statili dit reghiuni, tu condiţii isa. Liderl’i dit aţeali 12 di stati membri ali organizaţie au simnatâ tu bitisita a summitlui di Istanbul unâ declaraţie tu cari sâ spuni câ rolu şi importanţa a reghiunil’ei ali Amari Laie caftâ ali OCEMN să-şi l’ia nali responsabilităţi şi s-u tindâ cooperarea tu dumen’i di interes comun cum suntu transporturli, emburlâchea, avigl’iarea a fisil’ei, alumta contra a terorismului şi a crimâl’ei organizatâ. Tu documentu si sumcundil’iadzâ, tutnâoarâ, ananghea ti tindearea ali cooperari tu dumenea energheticâ, em tu intereslu a vâsiliilor producătoari, em ti hâirea a vâsiliilor consumatoari şi di tranzit. Pi ninga aestâ, easti avută tu videari cooperarea cu Uniunea Europeană şi alanţâ parteneri internaţional’i ti garantarea ali securitati, hâiri şi competitivitati energheticâ. Autor: Andreea Bojoi Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International