Radio Romania International

Arhiva :

Darea silă a dialoglui social
(2010-05-18)
Atea dit soni aspuneari: 2010-06-10 12:47 EET Print
Dzuua di luni lipsea s-u limbidzască forma tu cari va sâ s-ducă câtâ Fondul Monetar Internaţional cartea di naeţ a Guvernului ali Românie ta s-poată s-hibă sâlâghită a ţinţea tranşi dit împrumutlu apufusit tu 2009. Cartea nu fu ândreaptă ama, căţe discuţiili anamisa di reprezentanţâl’i a executivlui, a patronatielor şi a sindicatilor, adunaţ tu Consiliul Icunomic şi Social, nu feaţiră altă că maş li spusiră diznou părerli niuidusiti a părţâlor. Tută lumea easti sinfună că ascădearea a hărgilor bugetari easti di mari ananghi, ama cându lipseaşti s-hibă scoşi di la lucru nâscânţă oamin’i cafi un minduiaşti altă turlie. Sindicatili feaţiră mari halat au protestat cându fu dată tu şteari naetea a guvernului s-hibâ ascâdzuti tin’iili di cafi mes a bugetarlor cu 25% şi a pensiilor cu 15%, ahurhinda cu 1 di cirişar. Planlu easti s-hibă ascâdzuti şi indemnizaţiili ti criştearea a n’iţlor şi agiutoarili sociali. Tuti aesti misuri, ama şi alti suntu tricuti tu cartea di naeţ ţi guvernânţil’i u au ândreraptă dupu discuţiili ţi le-au avută, tora, ayon’ia cu delegaţia comună a FMI, a Bancăl’ei Mondială şi Uniunil’ei Europeană. Nivrisiţ, sindicaliştil’i fuvirsescu cu un polim di lungu chiro, cu mitinguri şi grevi, şi, deadun cu patronatili, caftă alâxearea a documentului. Patronatili şi sindicatili au prezentată tu nai ma marea parti misuri anticriză ţi ş-u aduc, di cari nai ma importantă easti darea silă ali icunumie prit âncurajarea a investiţiilor şi alumta contra a evaziunil’ei fiscală. Pi ninga aestă, suntu sinfun’i cu ascădearea fondului ti tin’iili di cafi mes cu 25%, ama pripun ca ascâdearea amintatiţlor sâ s-facă pi categorii. Dimi el’i dzâc că pensiili ma n’ţ di 1000 di lei (vârâ 240 di euro) lipseaşti s-armânâ ni cârtiti. Tu concluzie, liderl’i sindical’i luyursescu că pripunerli a executivlui suntu ti niaprucheari şi vor ună altă variantă cartil’ei di naeţ, iara patronatili dzâc câ easti ananghi s-hibă loati misuri di dari silă ali icunumie. Chirolu treaţi, fac timbihi, di alantă parti, guvernanţâl’i. Ministrul a finanţilor publiţi, Sebastian Vlădescu, dzâsi că borgea publică ali Românie va s-creascâ di primansus maca nu suntu bâgati tu practichie misurli di ascâdeari a xichil’ei bugetară apufisiti cu FMI. Tora, nivellu aiştei easti di 30% dit productul internu brut şi pân dfi bitisita a anlui ţi yini poati s-agiungă pânâ di vârâ 40 di proţenti. Reacţia partidilor politiţi u spuni poziţia tu cari suntu anbdicra di puteari. Tu chirolu cându democrat-liberal’i suntu sinfun’i cu misurli di austeritati pripusi di cabinetlu Boc, dit opoziţie liberal’i ansar s-li apără sindicatili şi patronatlu, iara social-democraţl’i deadiră hâbari câ va s-bagă ună moţiuni di cenzură, cari va s-hibă ândrupată şi di PNL. Autor: Corina Cristea Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International