Radio Romania International

Arhiva :

Muzee şi concerti di top
(2010-05-17)
Atea dit soni aspuneari: 2010-06-02 22:02 EET Print
Mirachea ti cultură easti tu scădeari libiră tru România! Easti isapea faptă după publicarea a Barometrului Cultural pi anlu ţi tricu luyursit ca hiindalui un an di criză. Cu tuti aesti, ună spuneari yie a lucurlui că tru 2010, român’il’i nu ş-chirură acutotalui orixea ti cultură s-vidzu tu aestă bitisită di stămănă. Cu tută timbihea di ploi şi fărtună, român’il’i feaţiră iruşi la aproapea 30 di muzee dit văsilie, dişcl’isi cu furn’ia a ‘’Noaptil’ei europeani a muzeelor’’. Agiumtă, la a 6-a ediţie, manifestarea lă deadi a bucureşten’ilor căbilea ta s-veadă cama di 10 instituţii di aestă turlie, ntră cari Muzeulu a Hoarăl’ei, Muzeulu Naţional di Artă, Muzeulu Naţional di Istorie ali României şi Muzeulu a hărţălor şi cărţălor vecl’i. Pi ningă exponati ică pirmiti, ‘’insomnia culturala’’ deadi izini ta s-veadă spectacoli di giocuri, proiecţii di filmi, spectacoli di teatru, iara vizitatorl’ii nica putură să s-hărsească di măcări di adeti. ‘’Noaptea a porţălor dişcl’isi’’ ahărdzită ti muzee fu lărdzită ş-cu ‘’Noaptea a cărţălor dişcl’isi’’ – tru cari tomurli putură ta s-hibă ancupărati la un păhă n’icşurat. Tut tu aestu week-end, România fu nicuchira a unlui evenimentu multu aştiptat di aţel’i ţi au vreari ti muzică. Ma ghini spus di fan’il’i a rock-lui. Leghendara parei australiană ACDC putu s-hibă ascultată, mutrită şi cu băteri di păln’i aştiptată nica şi Bucureşti, tu un conţertu la cari eara viniţ aproapea 60 di n’il’i di inşi, di tuti ilichiili. Un show păn di mardzină, tu cari atel’i ţi loară parti fură martorl’ii a unăl’ei dimonstraţii matematică ti cum s-ascumbuseşţă ahănţă oamin’i ufilisinda chitari, tâmpăn’i şi curentu electric. Intrarea fu ună pi napandica, ama şi gustată di public: ună pampori cu aburi tu mârimi naturală!. Playlist-ul a conţertului acăţă tu isapi piesili "clasiţi" dit Black Ice World Tour, turneulu dit cari faţi parti şi spectacolu di Bucureşti. Nu fură agărşiti, cadealihea, hit-urli ţi feaţiră dit ACDC ună numă di prota thesi tu istoria a rocklui, dit arada a lor "Thundirstruck", vahi naima cunuscutlu refren a australien’ilor, şi "You Shook Me All Night Long". Bitisita fu idyealui ună muşuteaţă: "For Those About to Rock", cu tunuri pi sţenă şi artifiţii – ună muşeată bitiseari ti niagărşeari ti fan’il’i ţi eara viniţ, că s-hibă el’i român’i, american’i, japonezi ică germani. Tu dişcl’idearea a conţertului ali parei ACDC, cântă pareia autohtonă Iris, vahi naima vrută parei di rock dit România. Entipusea ghenerală fu că niţi un fan nu s-feaţi pişmani ti păradzl’i păltiţ şi păhalu ici simbolic a biletlui di intrari.( 1705/10) Textul: Florentin Căpitănescu Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International